Cafodd Richard ei fagu mewn gofal maeth a dywedodd Richard ei bod hi'n bwysig iddo roi rhywbeth yn ôl i'r teulu maeth a'r awdurdod lleol a achubodd ei fywyd.

Mae gan Richard a'i wraig ddau o blant ac maent wedi cefnogi 69 o leoliadau a 74 o blant dros yr unarddeg mlynedd diwethaf. Mae gan lawer o'r plant y maent wedi'u maethu anghenion cymhleth ac anableddau dysgu. Mae Richard hefyd yn fentor maeth ac mae'n helpu ac yn cefnogi gofalwyr maeth newydd ar eu taith faethu.

Ydych chi wedi profi unrhyw heriau fel Gofalwr Maeth?

Un her a gawsom oedd pan oeddem yn gofalu am blentyn a oedd o gefndir Mwslimaidd. Roedd yn rhaid i ni newid ein cartref a chefnogi ei ddiwylliant Mwslimaidd wrth dal i fyw ein diwylliant ein hunain. Buom yn cefnogi ac yn parchu ei grefydd a'i ddiwylliant a oedd yn wahanol iawn i'n crefydd a'n diwylliant ni ac fe'i cefnogwyd drwy Ramadan. Roedd hyn yn eithaf anodd, ond cyrhaeddwyd yno yn y diwedd.

Beth yw oedrannau'r plant rydych chi wedi'u maethu?

Y plentyn cyntaf a gawsom oedd pedwar oed ac erbyn hyn mae gennym blentyn deunaw oed. Mae rhai o'r plant a'r bobl ifanc rydym wedi'u maethu wedi cael anghenion cymhleth. Rydym hefyd wedi mynd i'r ysbyty gyda'r plant sy'n derbyn gofal yn yr yno hefyd.

Beth fu eich amser fwyaf cofiadwy?

Mae pob diwrnod yn foment arbennig. Daeth un plentyn atom gydag anableddau, ac ni allai ddefnyddio cyllell a fforc. Roedd y plentyn ar feddyginiaeth ac yn ysgwyd llawer gan achosi trafferthion ysgrifennu. Dwy flynedd yn ddiweddarach mae oddi ar bob meddyginiaeth ac mae'n dysgu bob dydd, mae'n hyfryd gweld.

Mae Courteney Farley o Pineshield yn rhoi blas i ni o'i rôl fel Gweithiwr Gofal Cartref a sut mae'n gwneud gwahaniaeth i fywydau pobl pob dydd. Hoffem ddiolch i Tommy Rhys-Powell am weithredu fel y derbynnydd gofal yn yr hysbyseb deledu hon, daw Tommy o Actorion Hijinx.

Mae Susan yn gweithio i'r Gwasanaeth Gwybodaeth i Deuluoedd gan gefnogi'r sector gofal plant a rhieni i gael mynediad at y gwasanaethau sydd eu hangen arnynt.

Roedd gan Gareth bob amser angerdd dros weithio gyda phobl ifanc a daeth o hyd i’w alwedigaeth fel Gweithiwr Ieuenctid diolch i’w brentisiaeth gyda Chyngor Sir Ceredigion.

Cyn hir ar ôl ymuno â’r cynllun sylweddolodd Gareth pa mor bwysig yw rôl Gweithwyr Ieuenctid ym mywydau llawer o bobl ifanc agored i niwed.

Mae Gareth yn credu bod y profiad a gafodd yn ystod ei brentisiaeth yn gam hollbwysig i ddechrau ei yrfa ym maes gofal cymdeithasol.

Ar ôl cwblhau ei gradd israddedig mewn Llenyddiaeth Saesneg, gwnaeth Emily gais am brentisiaeth mewn gofal cymdeithasol i ddod o hyd i yrfa lle gallai wneud gwahaniaeth.

Er nad oedd ganddi unrhyw brofiad blaenorol yn y sector, rhoddodd y brentisiaeth amgylchedd dysgu ymarferol a meithringar i Emily lle gallai gysgodi gweithwyr proffesiynol profiadol ac uwch ymarferwyr.

Ar ôl cwblhau ei phrentisiaeth, cofrestrodd Emily ar radd Meistr mewn Gofal Cymdeithasol ym Mhrifysgol Caerdydd gyda'r gobaith o gymhwyso fel gweithiwr cymdeithasol.