Fel Dirprwy Reolwr Gofal Cartref, byddwch yn helpu Rheolwr y gwasanaeth i wneud yn siŵr ei fod yn rhedeg yn effeithiol.
Gan ddefnyddio dull sy'n canolbwyntio ar yr unigolyn, byddwch yn gweithio gyda phobl y mae angen gofal a chymorth arnynt i fodloni eu hanghenion corfforol, cymdeithasol, emosiynol a diwylliannol. Hefyd bydd angen i chi feithrin perthynas waith dda â theuluoedd, gofalwyr a gweithwyr proffesiynol eraill sy'n rhoi cymorth i'r unigolyn.
Gan weithio fel rhan o dîm, byddwch yn arwain ac yn goruchwylio staff, ac yn helpu'r tîm rheoli i wneud yn siŵr bod y gwaith dydd i ddydd yn rhedeg mor ddidrafferth â phosib. Byddwch yn llenwi gwaith papur ac yn cadw cofnodion cyfredol i bawb sy'n defnyddio'r gwasanaeth.
I fod yn llwyddiannus yn y swydd hon mae angen:
- Brwdfrydedd dros weithio gyda phobl
- Sgiliau cyfathrebu da
- Cydymdeimlad a thosturi
- Y gallu i feithrin perthnasoedd dibynadwy
- Y gallu i fod yn aelod da o dîm
- Sgiliau trefnu da
- Hyblygrwydd
- Y gallu i gadw cofnodion cywir
- Cadernid
- Cymhelliant a phenderfyniad
- Y gallu i addasu i sefyllfaoedd heriol a di-ddal
- Agwedd agored a chynhwysol
- Y gallu i gyfeirio aelodau eraill o'r tîm
- Sgiliau arwain a rheoli
Am fwy o wybodaeth am y cymwysterau ar gyfer y rôl hon gweler Gofal Cymdeithasol Cymru.
