Rydym yn chwilio am unigolyn medrus a brwdfrydig iawn i ymuno â'n Tîm Cynnal a Chadw Adeiladau fel Rheolwr Rhaglen ar gyfer Cydymffurfiaeth. Mae hwn yn gyfle gwych i arwain tîm gweithredol amrywiol a phrofiadol i ddarparu gwasanaethau hanfodol ledled Sir Benfro.
Ynglŷn âr rôl: Fel rheolwr rhaglen, byddwch yn chwarae rhan allweddol wrth oruchwylio darparu gwasanaeth diogel, effeithiol ac effeithlon ein Tîm Cydymffurfedd. Byddwch yn gyfrifol am sicrhau gwasanaeth rheoli cydymffurfedd asedau ac adeiladau o ansawdd uchel ar draws ystod eang o feysydd iechyd a diogelwch landlordiaid-gan gynnwys adeiladau corfforaethol, ysgolion a thai cyngor.
Gan weithio'n agos gyda Rheolwr Gweithrediadau Gwasanaeth Cynnal a Chadw Adeiladau a rheolwyr rhaglenni eraill, byddwch yn arwain tîm amlddisgyblaethol ac yn rheoli cydymffurfedd ar draws meysydd allweddol. Bydd eich gwaith yn cael ei arwain gan ddeddfwriaeth gyfredol, arferion gorau, ac ymrwymiad i ddarparu gwasanaeth cwsmeriaid rhagorol.
Rydym yn chwilio am rywun sy'n meddu ar y canlynol: - Angerdd gwirioneddol dros wasanaeth cyhoeddus a diogelwch adeiladau
- Profiad cryf o arweinyddiaeth a rheolaeth ym maes cynnal a chadw ac adeiladu
- Dealltwriaeth ddofn o waith cynnal a chadw, uwchraddio ac adnewyddu mawr ar draws tai cymdeithasol, addysg ac asedau corfforaethol
- Dull rhagweithiol, hyblyg, sy'n canolbwyntio ar atebion
- Ymrwymiad i ddarparu gwasanaeth cwsmeriaid o'r ansawdd uchaf
Pam ymuno â ni? Bydd cyfle gennych i weithio ar draws ystod eang o adeiladau ac asedau, gan gyfrannu at welliannau ystyrlon mewn cymunedau ledled Sir Benfro. Byddwch hefyd yn elwa o'r canlynol:
- Cynllun Pensiwn Llywodraeth Leol â buddion diffiniedig
- Gwyliau blynyddol hael:26 diwrnod (yn codi i 31 ar ôl pum mlynedd o wasanaeth), ynghyd â gwyliau banc
- Cynllun prynu gwyliau blynyddol
- Tâl salwch galwedigaethol (yn seiliedig ar hyd gwasanaeth)
- Trefniadau gweithio hyblyg a mwy craff
Darganfyddwch fwy am ein sir hardd: https://www.visitpembrokeshire.com/cy-gb
A oes diddordeb gennych chi?
Am ymholiadau neu i drefnu trafodaeth anffurfiol, anfonwch e-bost at rhys.jones@pembrokeshire.gov.uk gyda'r linell bwnc YMHOLIAD AM Y SWYDD WAG.
Cyfeiriwch at y disgrifiad swydd uchod am ragor o fanylion am y swydd wag hon a manyleb y person. Gwiriadau Cyflogaeth
Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag. Nodyn Canllaw: Defnyddio Deallusrwydd Artiffisial a Chywirdeb Gwybodaeth:
- Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
- Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
- Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.
Diogelu
Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal âr dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch âm Recriwtio os oes gennych unrhyw ymholiadau yn ymwneud âr swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.
Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
