Mae gennym gyfle gwych hyd at 31 Mawrth 2026 i ymuno â thîm swyddfa deinamig, i gefnogi Cyngor Sir Penfro i gyflwyno rhaglen gyffrous o waith cynllunio a chyflawni newid trawsnewidiol er mwyn cyfrannu at nod Llywodraeth Cymru o roi terfyn ar ddigartrefedd yng Nghymru.
Bydd y gwaith yn cynnwys:
- Cynorthwyo'r Rheolwr Comisiynu i gyflawni rhaglen gomisiynu'r meysydd gwasanaeth gan gynnwys cynllun gwariant ac amserlen y Grant Cymorth Tai, gan sicrhau y cedwir at derfynau amser ar gyfer caffael gwasanaethau trwy weithio'n hyblyg ac addasu llwythi gwaith a ffocws yn aml.
- Cynorthwyo'r Rheolwr Comisiynu i fwrw ymlaen â'r amcanion comisiynu a chynllunio trosfwaol ar gyfer gwasanaethau tai a chymorth fel y nodir yn strategaeth y Rhaglen Cymorth Tai a'r Cynllun Pontio Ailgartrefu Cyflym.
- Cefnogi'r Rheolwr Comisiynu i ddatblygu dull amlasiantaeth o ddylunio, datblygu a gweithredu gwasanaethau cymorth mewn ystod eang o feysydd, gan gynnwys gwasanaethau i bobl ifanc, pobl ag anableddau, camddefnyddio sylweddau, cyn-droseddwyr, pobl hŷn, a phobl sy'n ffoi rhag cam-drin domestig.
- Rheoli gwaith caffael gwasanaethau newydd yn Sir Benfro ac mewn partneriaeth â phartneriaid rhanbarthol, gan gynnwys ar draws ardal Dyfed Powys, yn unol â rheolau Llywodraeth Cymru, polisi caffael lleol a rheoliadau ariannol.
- Rheoli contractau darparwyr gwasanaeth o'r adeg y cânt eu penodi hyd at derfynu'r gwaith a, lle bo'n briodol, y cam ailfodelu neu ailgomisiynu.
- Cadw cofnodion priodol a llunio adroddiadau priodol manwl pan fo angen.
- Mae sgiliau cyfathrebu, yn ysgrifenedig ac ar lafar, yn hanfodol, yn ogystal â llythrennedd TG a hyder i ddefnyddio amryw o systemau meddalwedd.
- Mae sgiliau ariannol, dadansoddol a datrys problemau da hefyd yn ofynnol ar gyfer y rôl hon.
Er bod gwybodaeth am y cylch comisiynu a deddfwriaeth gwasanaethau cymdeithasol yn ddymunol iawn, rydym yn croesawu unigolion o amryw o gefndiroedd proffesiynol i'r rôl hon.
Os hoffech drafod y rôl, ffoniwch Joy James ar 01437 775190 neu anfonwch neges e-bost at joy.james@pembrokeshire.gov.uk
Cyfeiriwch at y disgrifiad swydd uchod am ragor o fanylion am y swydd wag hon a manyleb y person.Gwiriadau CyflogaethMae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.DiogeluMae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
- Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.