Swyddog Contractau a Monitro

1x 37 ayw yn barhaol

Swyddi dros dro ar gael, oriau hyblyg

Gradfa 09 £37,035 - £ 39,513 y flwyddyn

Cyfle secondiad i ymgeiswyr mewnol

Dyma gyfle i ymuno â thîm prysur a chyfeillgar o fewn yr Adran Gwasanaethau Cymdeithasol. Mae'r tîm yn ymdrin ag ystod o wasanaethau cymorth - gofal cartref, gofal preswyl, byw â chymorth, gofal dydd a gwasanaethau eraill gan ddarparwyr trydydd sector. Chi fydd y pwynt cyswllt ar gyfer Darparwyr, timau Gwaith Cymdeithasol, Defnyddwyr Gwasanaeth a'u teuluoedd mewn perthynas â'r gwasanaethau y maent yn eu darparu / derbyn a bydd angen i chi allu trin pobl yn hyderus a sensitif dros y ffôn. Bydd angen i chi ymweld ag amrywiaeth o leoliadau gofal cymdeithasol a gallu llunio adroddiadau a chynlluniau gweithredu. Byddwch hefyd yn cysylltu ag Arolygiaeth Gofal Cymru, tîmau Diogelu a Thîmau Cwynion.

Bydd angen i ddeiliad y swydd fod yn ddigon medrus a hyblyg i arwain ar y gwaith sydd ei angen i gefnogi'r tîm a darparwyr i wella safonau ansawdd ar draws yr holl wasanaethau a gomisiynir.

Mae sgiliau rhifedd ac Excel yn hanfodol ar gyfer y swydd hon gan fod y tîm yn defnyddio ystod o daenlenni a chronfeydd data ar-lein. Bydd angen i chi hefyd feddu ar sgiliau Word cryf er mwyn gallu ysgrifennu adroddiadau ar gyfer ystod o randdeiliaid. Rhaid i chi hefyd allu deall a defnyddio deddfwriaeth, rheoliadau a pholisi i gefnogi'r farchnad darparwyr.

Mae'm yn defnyddio model gweithio hybrid o ran gweithio yn y swyddfa a gweithio gartref. Bydd yn rhaid i chi fod yn gyfforddus yn defnyddio technoleg i fedru gweithio o unrhyw leoliad a chadw mewn cysylltiad gyda chydweithwyr.

Mae 1 swydd barhaol ar gael, a hyd at ddwy swydd dros dro hyd at ddiwedd Rhagfyr 2025

Am ragor o wybodaeth neu os hoffech sgwrs am y swydd, cysylltwch ag Angharad Owen, Rheolwr y Tîm (Contractau) angharad.owen@wrexham.gov.uk neu ffoniwch 01978 292066 a gofynnwch am Angharad Owen.

Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.

Eitemau wedi'u Llwytho i Lawr:

Job Desc... (.doc) (17kb) , Swydd-dd... (.doc) (17kb)