Ymarferydd Gofal Dydd
Fel Ymarferydd neu Uwch-ymarferydd, byddwch yn gyfrifol am ddarparu gofal dydd i blant mewn rôl oruchwylio, neu mewn rôl sydd ddim yn cael ei goruchwylio. Byddai’r Ymarferwyr Cynorthwyol yn darparu gofal dydd i blant mewn rôl sydd ddim yn cael ei goruchwylio.
Bod yn Ymarferydd Gofal Dydd
Drwy weithio mewn tîm, byddwch yn helpu i greu awyrgylch diogel, croesawgar a chynhwysol i blant, a hynny er mwyn cefnogi eu gofal, eu chwarae, eu dysgu a’u datblygiad. Byddwch yn arsylwi ac yn cofnodi datblygiad, cynnydd, diddordebau ac unrhyw broblemau a allai godi. Byddwch hefyd yn llunio gweithgareddau addysgol i gefnogi eu dysgu parhaus.
Byddwch yn darparu gofal fel bwydo, newid clytiau, a gosod trefn reolaidd. Byddwch yn annog cymdeithasu ac yn helpu plant i ddarganfod diddordebau newydd. Byddwch hefyd yn paratoi plant i ymuno â’r lefel nesaf o ofal yn yr ysgol.
Gallwch hefyd symud ymlaen i fod yn Uwch Ymarferydd, lle byddwch yn arwain ar faes, er enghraifft y Cyfnod Sylfaen neu anghenion dysgu ychwanegol.
Gwybodaeth am y gweithle
Mae meithrinfeydd dydd a meithrinfeydd yn darparu gwasanaeth hanfodol i rieni sy’n gweithio, drwy gynnig gofal plant o’u geni. Defnyddir y termau meithrinfa ddydd, gofal dydd a meithrinfa yn gyfnewidiol i ddisgrifio’r man lle mae rhieni’n anfon eu plant i gael gofal yn ystod oriau gwaith.
Stori Sam
Dechrau arni fel Ymarferydd Gofal Dydd
I lwyddo yn y rôl hon, bydd angen y canlynol arnoch chi:
- natur ofalgar ac amyneddgar
- sgiliau cyfathrebu da, gan gynnwys sgiliau llafar a gwrando
- dychymyg a chreadigrwydd
- gallu addasu i sefyllfaoedd sy’n newid
- gwneud yn siŵr bod pob plentyn yn cael ei gynnwys
- gallu derbyn cyfarwyddyd gan yr Uwch Ymarferydd/Rheolwr
- hyder wrth ddelio â phlant ac oedolion
- gallu rhoi cyfarwyddyd i Ymarferwyr Cynorthwyol.
Cymwysterau Gofynnol
Gallwch ddod o hyd i’r cymwysterau sydd eu hangen neu’r cymwysterau a argymhellir ar gyfer y rôl hon gyda Gofal Cymdeithasol Cymru.
