A hoffech chi gael gyrfa sy'n rhoi boddhad a chael gwneud gwahaniaeth i bobl diamddiffyn yn eich ardal leol?
Drwy weithio yn sector gofal Cyngor Conwy, gallwn ni gynnig mwy na swydd ofalu'n unig i chi. Gallwn ni roi'r cyfle i chi gael swydd ystyrlon a phwrpasol gyda chefnogaeth gan dim cyfeillgar a fydd yn eich helpu i gyrraedd eich llawn botensial.
Mae Gweithwyr Cefnogi'n cael effaith fawr ar fywydau'r rhai y maent yn eu cefnogi. Gallwch ein helpu i wneud gwahaniaeth i fywydau pobl h'n heddiw.
Rydym yn cefnogi pobl h'n ar draws Sir Conwy i fyw mor annibynnol a phosib' yn eu cartrefi eu hunain, gan roi cymorth iddynt ddysgu a chadw sgiliau sy'n caniatáu iddynt fod yn rhan o'u cymunedau. Mae hynny'n golygu gwrando arnynt, deall yr hyn maent yn ei hoffi a'u cefnogi i benderfynu a chyflawni'r hyn yr hoffent ei gyflawni.
Os ydych chi'n rhannu'r gwerthoedd yma, mae arnom ni eisiau clywed gennych chi!
- Helpu pobl i fyw'r bywyd mae arnynt eisiau ei fyw.
- Creu perthnasoedd ar sail ymddiried yn y naill a'r llall a diddordeb gwirioneddol mewn pobl eraill.
- Helpu pobl eraill i deimlo'n dda.
- Helpu pobl i ddatblygu eu sgiliau.
- Gallu cymell pobl eraill.
- Dangos parch tuag at bobl eraill.
- Llawn hiwmor a hwyl.
- Gallu bod yn ddigynnwrf mewn sefyllfaoedd anodd, heb fynd i banig.
Unigolion yw ein preswylwyr ac maent yn haeddu cael eu trin felly. Nid oes arnoch angen unrhyw brofiad i ymgeisio gan y byddwch yn cael sesiwn gyflwyno lawn i'ch paratoi ac rydym yn cynnig ystod o fanteision, sy'n cynnwys:
- Rota treigl pedair wythnos sy'n eich galluogi i gynllunio o amgylch eich bywyd cartref 12 mis ymlaen llaw
- Cyfraddau cyflog da a chyfraddau uwch am weithio gyda'r nos ac ar benwythnosau
- Cyrsiau hyfforddiant a chymhwyso AM DDIM
- Gallu mynd ymlaen i nifer o swyddi gofal eraill o fewn y sector Iechyd a Gofal Cymdeithasol
Rydym yn croesawu ceisiadau gan rai di-Gymraeg, Dysgwyr a siaradwyr Cymraeg rhugl. Mae angen gallu siarad Saesneg safonol er mwyn cyfathrebu a unigolion.
Mae gennym ni sawl swydd wag ar hyd a lled Sir Conwy. Bydd cyflogau cychwynnol yn dibynnu ar brofiad, gan ddechrau o £13.05 heb unrhyw brofiad.
Os ydych chi'n gweithio'n galed ac os oes gennych awydd gwirioneddol i helpu eraill ac am swydd sy'n rhoi boddhad gyda Chyngor Conwy, cysylltwch ag un o'r rheolwyr isod am sgwrs anffurfiol ac am gyfle i gael cyfweliad:
Landudno, Cyffordd Llandudno, Bae Penrhyn, Deganwy, Llanfairfechan, Penmaenmawr - Sophie Gibson - 01492 574655
sophie.gibson@conwy.gov.uk
Llanrwst, Betws-y-coed, Glan Conwy, Dolwyddelan, Maerdy - Julie Clarke - 01492 577955
Julie.Clarke@conwy.gov.uk
Abergele, Bae Cinmel, Tywyn, Llannefydd, Llansannan - Nadine Simpson - 01492 577786
nadine.simpson@conwy.gov.uk
Fae Colwyn, Llandrillo-yn-rhos, Mochdre, Bae Colwyn Uchaf, Llysfaen, Hen Golwyn – Lucinda White 01492 576335
lucinda.white@conwy.gov.uk
Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.
Cliciwch yma i ddysgu am y manteision o ymuno â Thîm Conwy.
Dysgwch fwy am ein proses recriwtio drwy fynd i’n Tudalen Proses Recriwtio.
Rydym wedi ymrwymo i ddatblygu gweithlu amrywiol a thimoedd cynhwysol sy’n croesawu ystod eang o leisiau, profiadau, safbwyntiau a chefndiroedd. Mae creu gweithle sy’n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.
Croesawn ac anogwn ymgeiswyr o bob cefndir a phrofiadau.
Rydym yn Gyflogwr Hyderus o ran Anabledd. Os oes gennych anabledd wedi’i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda ‘H’ ar y Manylion am yr Unigolyn). Angen rhywfaint o gymorth gyda'ch cais? Mae gennym awgrymiadau, canllawiau a gwasanaethau cymorth i'ch helpu chi drwyddo.
Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â’r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch â’r Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.
This form is also available in English.
