Neidio i'r prif gynnwys
Gofal cymdeithasol

11 Tachwedd 2024

Arfon Môn Owen – preswylydd

Blogiau - Blogs

Symudodd Arfon i Lan Rhos yn 2018. Fel siaradwr Cymraeg iaith gyntaf, nad oedd yn siarad Saesneg wrth dyfu i fyny, mae Arfon yn dweud bod gallu siarad Cymraeg â’i ofalwyr yn gwneud iddo deimlo’n gartrefol.

“
“I mi, mae gallu siarad fy iaith gyntaf yma wedi gwneud gwahaniaeth fawr. Dim ond Cymraeg o’n i’n siarad wrth dyfu i fyny, do’n i heb arfer siarad Saesneg. Mae’n braf bod rhai o’r preswylwyr a’r staff yn siarad Cymraeg, mae’n gwneud imi deimlo’n gartrefol."
“
“Dwi wrth fy modd yn cymryd rhan yn y gweithgareddau yng Nglan Rhos. ‘Dan ni’n chwarae bingo bob dydd Iau, a dwi ‘di dysgu sut i wau. Ar hyn o bryd, dwi wrthi’n gwau sgarff pinc a gwyn i ferch aelod o staff.

“Dydi Wendy, y cydlynydd gweithgareddau, ddim yn siarad Cymraeg, ond mae’n dallt ambell i air pan ‘dan ni’n gwau.”

Dewch o hyd i swydd

Os ydych chi'n ystyried gyrfa mewn gofal, edrychwch ar ein porthol swyddi i gael syniad o'r math o rolau sy'n fanteisiol.