Mae ein cynnig Cyflwyniad i ofal cymdeithasol yn newid

Rydyn ni’n lansio rhaglen hunan-dywys sy'n eich arwain trwy bopeth mae angen i chi ei wybod i ddechrau gweithio ym maes gofal cymdeithasol.

Dysgwch ar eich cyflymder eich hun wrth i chi weithio drwy wyth thema, gyda chyfleoedd i gwblhau modiwlau perthnasol ar wefan Gofal Cymdeithasol Cymru.

Byddwch yn dysgu am:

• beth yw gofal cymdeithasol
• y Codau ymarfer proffesiynol
• cyfathrebu
• cadw pobl yn ddiogel
• cefnogi llesiant
• yr iaith Gymraeg
• rhinweddau a gwerthoedd
• paratoi ar gyfer gwaith.

Ond rydyn ni dal yma os ydych ein hangen ni. Unwaith y mis, bydd cyfle i ymuno â sesiwn ymwybyddiaeth, lle gallwch ofyn unrhyw gwestiynau a chael trosolwg o’n cynnig Cyflwyniad i ofal cymdeithasol.