Gweithiwr Gofal Preswyl i Blant
Fel gweithiwr Gofal Preswyl i Blant, byddwch yn darparu gofal sy’n canolbwyntio ar yr unigolyn i blant a phobl ifanc.
Bod yn Weithiwr Gofal Preswyl i Blant
Byddwch yn darparu lle caredig, gofalgar a llawn hwyl i fyw ynddo, gan helpu’r plant a’r bobl ifanc i ffynnu. Byddwch yn eu helpu i gyflawni canlyniadau cadarnhaol ac yn rhoi ymdeimlad o sefydlogrwydd a sicrwydd iddynt.
Byddwch yn gweithio fel rhan o dîm ac yn cefnogi’r rheolwyr i sicrhau bod gweithrediadau o ddydd i ddydd yn cael eu cwblhau. Yn ogystal, bydd angen i chi fynychu cyfarfodydd gyda lleoliadau addysgol, yr heddlu, gweithwyr cymdeithasol ac asiantaethau eraill.
Gallwch hefyd symud ymlaen i fod yn Uwch Weithiwr Gofal Plant, Dirprwy Reolwr neu Reolwr y cartref preswyl.
Gwybodaeth am y gweithle
Mae cartrefi preswyl i blant hefyd yn cael eu galw’n gartrefi plant. Maen nhw’n rhywle lle gall plant a phobl ifanc fyw os nad ydyn nhw’n gallu bod gartref gyda’u teuluoedd eu hunain.
Dechrau arni fel Gweithiwr Gofal Preswyl i Blant
I lwyddo yn y rôl hon, bydd angen y canlynol arnoch chi:
- mwynhau gweithio gyda phlant a phobl ifanc
- sgiliau cyfathrebu da, gan gynnwys sgiliau llafar a gwrando
- natur ofalgar, gefnogol ac amyneddgar
- cymhelliant a phenderfyniad
- y gallu i addasu i sefyllfaoedd heriol a newidiol
- hyder wrth ddelio â phlant, pobl ifanc ac oedolion
- y gallu i ddatblygu perthnasoedd cadarnhaol
- y gallu i weithio’n dda mewn tîm.
Cymwysterau Gofynnol
Mae gan Gofal Cymdeithasol Cymru ragor o wybodaeth am y cymwysterau sy’n ofynnol ar gyfer y swydd hon.
Bydd angen i chi hefyd fod wedi cofrestru gyda Gofal Cymdeithasol Cymru. Gallwch chi wneud cais i gofrestru neu chwilio drwy'r gofrestr ar-lein.
