Rheolwr Gofal Preswyl i Blant

Byddwch yn gyfrifol am y gofal a ddarperir i blant mewn cartref neu mewn sawl cartref. Byddwch yn arwain eich timau i ddarparu gofal therapiwtig sy'n canolbwyntio ar blant, yn meithrin ac yn therapiwtig, gan ddiwallu anghenion unigol pob plentyn. Byddwch yn gwrando ar y plant a'r bobl ifanc yn eich gofal i sicrhau bod y gofal y maent yn ei dderbyn yn eu cefnogi i gyflawni'r hyn sy'n bwysig iddynt.

Byddwch yn arwain ac yn cefnogi'ch tîm a'r plant yn eich gofal drwy gyfnodau anodd a sefyllfaoedd anodd, gan arwain gyda thosturi a chysondeb. Byddwch yn gyfrifol am ddogfennaeth a chwrdd â gofynion rheoleiddio

Byddwch hefyd yn darparu arweinyddiaeth, arweiniad a chefnogaeth i staff gan sicrhau bod staff yn glynu wrth bolisïau, deddfwriaeth a rheoliadau’r cwmni, a bod yr holl gynlluniau gofal a safonau’n cael eu bodloni. Byddwch hefyd yn goruchwylio ac yn mynychu cyfarfodydd gyda lleoliadau addysg, yr heddlu, gweithwyr cymdeithasol ac asiantaethau eraill.

Mae cartrefi preswyl i blant hefyd yn cael eu galw’n gartrefi plant. Maen nhw’n cartref lle gall plant a phobl ifanc fyw os nad ydyn nhw’n gallu bod gartref gyda’u teuluoedd eu hunain.

I lwyddo yn y rôl hon, bydd angen y canlynol arnoch chi: 

• sgiliau arwain a rheoli da
• sgiliau a phrofiad mewn dulliau therapiwtig
• sgiliau cyfathrebu da, gan gynnwys sgiliau llafar a gwrando
• cymhelliant a phenderfyniad
• bod yn chwaraewr tîm
• y gallu i roi sylw trylwyr i fanylion, gan wneud yn siŵr bod y wybodaeth gywir yn cael ei chofnodi yn yr holl waith papur
• natur ofalgar, gefnogol ac amyneddgar
• hyder wrth ddelio â phlant, pobl ifanc ac oedolion
• y gallu i roi cyfarwyddiadau a goruchwylio aelodau eraill o'r tîm.

Mae gan Gofal Cymdeithasol Cymru ragor o wybodaeth am y cymwysterau sy’n ofynnol ar gyfer y swydd hon. 

Bydd angen i chi hefyd fod wedi cofrestru gyda Gofal Cymdeithasol Cymru. Gallwch chi wneud cais i gofrestru neu chwilio drwy'r gofrestr ar-lein.