Cyflwyniad i ofal cymdeithasol
Cwrs wedi'i ariannu'n llawn ar gyfer pobl sy'n byw yng Nghymru sy'n cynnwys yr hanfodion sydd eu hangen arnoch i ddechrau gweithio ym maes gofal cymdeithasol.
Ar hyn o bryd rydym yn datblygu cynnwys y rhaglen Cyflwyniad i Ofal Cymdeithasol. Os hoffech gael y cyfle i fod yn bresennol, e-bostiwch cyswllt@gofalwn.cymru a byddwn yn cadw rhestr o'r rhai sydd â diddordeb. Unwaith y bydd dyddiadau rhaglen newydd ar gael, byddwn mewn cysylltiad.
Am yr hyfforddiant
Mae'r cwrs Cyflwyniad i ofal cymdeithasol yn cynnwys yr hanfodion sydd eu hangen arnoch i ddechrau gweithio ym maes gofal cymdeithasol, e.e. cyfathrebu, diogelu ac arferion gwaith. Pan fyddwch yn dechrau gweithio yn y sector, byddwch hefyd yn derbyn cymorth a hyfforddiant ychwanegol gan eich cyflogwr.
Manylion y cwrs
| Cost | Am ddim |
| Hyd | Tri diwrnod yn olynol rhwng 9:45am-2:30pm |
| Cyfyngiadau | Rhaid i chi fod dros 18 oed ac yn byw yng Nghymru |
| Cymhwyste | Dim cymwysterau gofynno |
| Lleoliad | Ar-lein a bydd angen mynediad i sain |
"Dysgais lawer am ofal cymdeithasol ar y cwrs hwn, byddwn yn ei argymell 100% i unrhyw un sydd â diddordeb. Tîm cyfeillgar a chefnogol."
Pethau i'w gwybod
Nid yw'r rhaglen hon yn gymhwyster achrededig mewn iechyd a gofal cymdeithasol. Am fwy o wybodaeth am noddwyr a hawliau gwaith,ewch i Lywodraeth Cymru.
I weithio ym maes gofal cymdeithasol, bydd angen i chi gael rhai gwiriadau i sicrhau eich bod yn addas i weithio yn y sector. Byddwn yn eich helpu gyda'r rhain. Bydd hyn yn cynnwys rhywbeth o'r enw gwiriad System Datgelu a Gwahardd (DBS) i sicrhau eich bod yn gallu gweithio ym maes gofal cymdeithasol. Mae rhai rolau hefyd yn gofyn i chi gofrestru gyda Gofal Cymdeithasol Cymru.
Mae rhai rolau hefyd yn gofyn am gofrestru gyda Gofal Cymdeithasol Cymru.
Cynllun Cyfweliad Gwarantedig
Ar ddiwedd y rhaglen tri diwrnod, bydd gennych fynediad i'n cynllun Cyfweliad Gwarantedig sy'n rhoi'r cyfle i chi drefnu cyfweliad yn uniongyrchol â chyflogwyr sydd wedi cofrestru ar y cynllun. Bydd angen i chi hidlo'r cyfleoedd hyn ar y porthol swyddi yma. Cofiwch ddarllen yr hysbyseb yn ofalus i sicrhau eich bod yn bodloni'r meini prawf hanfodol i wneud cais.
Mae'r rhaglen hon wedi newid fy mywyd; mae’r cynllun cyfweliad wedi arwain at swydd wych.
16+ Further education programme
Mae'r rhaglen ddeuddydd hon wedi'i chynllunio'n benodol ar gyfer myfyrwyr sy'n astudio iechyd a gofal cymdeithasol fel rhan o addysg bellach. Mae'r sesiynau'n amodol ar argaeledd ac yn cael eu cyflwyno ar-lein.
Cysylltwch â cyswllt@gofalwn.cymru am fwy o wybodaeth.
Dod o hyd i swydd yn y maes gofal
Os oes gennych gwestiynau am ein rhaglenni uchod neu os oes gennych ddiddordeb mewn rhaglen benodol neu raglen grŵp cymunedol, cysylltwch â ni: