Gweithwyr rhyngwladol
Rydym am eich helpu i gysylltu â gweithwyr gofal rhyngwladol sydd eisoes yn meddu ar y fisa Iechyd a Gofal Cymdeithasol ac sydd eisoes yn y DU, drwy hyrwyddo eich swyddi â nawdd ar ein tudalen swyddi.
Mae Llywodraeth Cymru yn diffinio gweithwyr gofal â nawdd fel recriwtiaid rhyngwladol sy’n dod i Gymru i weithio mewn rolau gofal cymdeithasol o dan nawdd fisa, yn aml drwy lwybr y Fisa Gweithiwr Iechyd a Gofal.
I sicrhau eich bod yn gweithio gyda’r canllawiau diweddaraf ar gyflogi gweithwyr rhyngwladol, ewch i wefan swyddogol Llywodraeth y DU yma, ac i dudalen adnoddau Gofal Cymdeithasol Cymru yma.
Mae’r adnoddau hyn yn cael eu diweddaru’n rheolaidd ac yn cynnwys gwybodaeth bwysig am:
- amodau fisa a hawliau yn y gwaith (Llywodraeth Cymru)
- amddiffyniadau cydraddoldeb a hawliau dynol (Llywodraeth Cymru)
- integreiddio cymunedol a chymorth iaith (Llywodraeth Cymru)
- osgoi camfanteisio a deall amddiffyniad cyflogaeth (Llywodraeth Cymru)
- recriwtio (Gofal Cymdeithasol Cymru)
- ymsefydlu staff newydd (Gofal Cymdeithasol Cymru)
- llesiant (Gofal Cymdeithasol Cymru)
- rheoleiddio (Gofal Cymdeithasol Cymru).
Os oes gennych swyddi gwag sy’n addas ar gyfer gweithwyr rhyngwladol, gallwch bellach eu cynnwys o dan ein hidlydd nawdd – gan ei gwneud yn haws i ymgeiswyr ddod o hyd i’r rolau hyn a gwneud cais amdanynt.
Os oes angen cymorth cam wrth gam arnoch i uwchlwytho swyddi gwag, dilynwch ein canllawiau yma.
Awgrym: Gwnewch yn siŵr eich bod yn nodi manylion nawdd a chyflwr y fisa yn glir yn eich hysbyseb swydd i helpu ymgeiswyr ddeall eu cymhwysedd a’r disgwyliadau.