30 awr yr wythnos
Arweinydd Tîm Cynorthwyol – Gwasanaethau Darparwyr (Dros Dro) - Mewnol yn Unig
Dros dro hyd at 10 mis
Rydym yn recriwtio Arweinydd Tîm Cynorthwyol dros dro ar gyfer ein gwasanaeth byw â chymorth. Mae hwn yn gyfle i aelod profiadol o staff gamu i rôl arwain tymor byr o fewn gwasanaeth byw â chymorth rheoleiddiedig i oedolion ag anableddau dysgu ac anghenion cymhleth.
Ynghylch y gwasanaeth
Mae byw â chymorth yn darparu gofal a chymorth i oedolion ag anabledd dysgu lle rydym yn hyrwyddo sgiliau byw'n annibynnol ac yn galluogi oedolion i oresgyn rhwystrau, gan sicrhau ein bod yn cydymffurfio â'r Ddeddf Gwasanaethau Cymdeithasol a Llesiant, RISCA, a gofynion Arolygiaeth Gofal Cymru.
Y rôl
Byddwch yn cefnogi’r rheolwr â'r gwaith o redeg y gwasanaeth o ddydd i ddydd. Byddwch yn darparu arweinyddiaeth weladwy ar shifftiau, yn cynorthwyo ymarfer staff, ac yn helpu i gynnal gofal diogel, o ansawdd uchel sy'n cydymffurfio.
Yn y rôl hon, byddwch yn
- Darparu arweinyddiaeth shifft a chynorthwyo'r staff sydd ar ddyletswydd
- Gweithredu fel model rôl ar gyfer ymarfer sy'n canolbwyntio ar y person a chanlyniadau
- Cydlynu shifftiau, dirprwyo tasgau, a chefnogi datrys problemau
- Sicrhau bod cynlluniau gofal a chymorth ac asesiadau risg yn cael eu dilyn yn ymarferol
- Hyrwyddo urddas, dewis, a chymryd risgiau cadarnhaol
- Cefnogi ymarfer meddyginiaeth diogel yn unol â pholisi CBSP
- Ymateb yn briodol i ddigwyddiadau, pryderon diogelu, a newidiadau mewn angen
- Gweithio'n agos gyda theuluoedd, gofalwyr, a gweithwyr proffesiynol
- Cynorthwyo staff newydd a dysgu ar shifft
- Uwchgyfeirio pryderon i'r Arweinydd Tîm neu'r Rheolwr Cofrestredig yn ôl yr angen
Yr hyn rydym yn chwilio amdano
- Profiad o gynorthwyo oedolion ag anableddau dysgu ac anghenion cymhleth
- Profiad o weithio mewn lleoliad gofal rheoleiddiedig
- Hyder wrth gefnogi ac arwain staff ar shifftiau
- Cyfathrebu clir yn ysgrifenedig ac ar lafar
- Dealltwriaeth o ddiogelu, MCA, a rheoli risg
- Ymrwymiad i gymorth sy'n canolbwyntio ar y person
- Cofrestru gyda Gofal Cymdeithasol Cymru, neu barodrwydd i gofrestru
Yr hyn rydym yn ei gynnig
- Cyfle datblygu dros dro o fewn byw â chymorth
- Cymorth gan y Rheolwr Cofrestredig a’r tîm rheoli ehangach
- Cyfle i feithrin profiad arweinyddiaeth mewn gwasanaeth a reoleiddir gan AGC
- Mynediad at hyfforddi a datblygu sy'n gysylltiedig â'r rôl
- Cymorth llesiant staff ac iechyd galwedigaethol
- Hawl i wyliau blynyddol yn unol â'r telerau ac amodau
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae trwydded yrru ddilys yn un o'r gofynion ar gyfer y swydd hon.
Mae Dyletswyddau Nos, Cysgu i Mewn a Gweithio ar Benwythnosau yn ofyniad ar gyfer y swydd hon.
Dyddiad Cau: 8 Gorffennaf 206
Dyddiad Llunio'r Rhestr Fer: 10 Gorffennaf 2026
Dyddiad y Cyfweliad: 13 Gorffennaf 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
