Aseswr y Fframwaith Cymwysterau a Chredydau – Swydd dros dro wedi'i hariannu trwy gyllid allanol tan 31 Mawrth 2028
Gallwn ni ystyried cyfleoedd am secondiad (ffoniwch i drafod ymhellach).
Rydyn ni eisiau penodi unigolyn gweithgar a brwdfrydig i ymuno â'r Garfan Aseswyr Cymwysterau Galwedigaethol. Mae'r garfan yma'n rhan o Wasanaeth Datblygu Gweithlu Gofal Cymdeithasol Cwm Taf yn Nhŷ Elai, Trewiliam. Byddwch chi'n gweithio gydag eraill i gydlynu rhaglen ddysgu ac asesu i staff gofal cymdeithasol er mwyn iddyn nhw gyflawni cymwysterau cydnabyddedig a'u galluogi i barhau i fod ar gofrestr Gofal Cymdeithasol Cymru.
Byddwch chi'n mwynhau rheoli eich llwyth gwaith eich hun er mwyn sicrhau gwasanaeth cadarn o ansawdd uchel i ddysgwyr, a byddwch chi'n cysylltu â goruchwylwyr a rheolwyr i greu dull trionglog o asesu. Byddwch chi'n mwynhau gweithio gyda'n carfan brofiadol a brwdfrydig, sy'n rhannu cyfathrebu, sgiliau a gwybodaeth sy'n hanfodol i'r rôl yma.
Bydd y dyletswyddau'n cynnwys paratoi cynlluniau gwersi ar gyfer sesiynau addysgu dysgu a datblygiad iechyd a gofal cymdeithasol perthnasol. Cwblhau asesiadau - gan gynnwys arsylwi arfer, mynychu cyfarfodydd rheolaidd i rannu arfer gorau a chynnal eich datblygiad proffesiynol parhaus eich hun. Bydd y rôl yn cynnwys teithio i bob ardal o Gwm Taf.
I lwyddo yn y rôl, mae angen i chi fod yn angerddol, yn amyneddgar ac yn ymrwymedig i'r rhai rydych chi'n eu cefnogi, a gweithio yn unol â safonau proffesiynol aseswr. Yn gyfnewid i hyn byddwn ni'n rhoi cymorth perthnasol i chi, gan gynnwys cymhwyster asesu Hyfforddi, Asesu a Sicrhau Ansawdd os nad ydych yn meddu arno eisoes.
Bydd gan yr ymgeisydd llwyddiannus gymhwyster galwedigaethol sy'n berthnasol i wasanaethau gofal cymdeithasol Oedolion. Mae hyn wedi'i restru'n un o'r meini prawf hanfodol yn y Disgrifiad Swydd.
I gael rhagor o wybodaeth am y swydd yma mae croeso i chi gysylltu â Paul Aubrey ar 07824 541761 neu Dawn Moulden ar 07747 485753.
Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.
Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio’n fanwl i gefndir yr ymgeisydd llwyddiannus.
Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Yn rhan o'i amcanion hirdymor mewn perthynas â'r Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun gwarantu cyfweliad ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol sydd wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, bydd gwahoddiad i gyfweliad i chi os byddwch chi'n dewis cymryd rhan yn y cynllun.
Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn ac sy’n cwrdd â'r meini prawf hanfodol yn y fanyleb person, yn cael cynnig cyfweliad.
Unigolion â Phrofiad o fod mewn Gofal – Cynllun Gwarantu Cyfweliad
Yn rhan o rôl rhianta corfforaethol y Cyngor, mae wedi ymrwymo i gefnogi unigolion â phrofiad o fod mewn gofal. Dyma unigolion sydd wedi treulio amser yn y system ofal ar unrhyw adeg yn ystod eu bywyd. Rydyn ni'n annog ceisiadau gan unigolion â phrofiad o fod mewn gofal i'w galluogi nhw i gael mynediad at gyflogaeth, addysg, profiadau a chyfleoedd gwirfoddoli.
Bydd y Cyngor yn gwarantu cyfweliad ar gyfer unigolion â phrofiad o fod mewn gofal sy'n dymuno cymryd rhan yn y cynllun ac sy'n bodloni meini prawf hanfodol y swydd.
