Asesydd Gofal Cymdeithasol

Asesydd Gofal Cymdeithasol

Tîm Lles Cymunedol

 Gwnewch Wahaniaeth yn Eich Cymuned

A ydych yn angerddol am gefnogi oedolion i fyw’n annibynnol, cyflawni canlyniadau cadarnhaol a gwella eu llesiant? Os felly, rydym yn chwilio am Asesydd Gofal Cymdeithasol brwdfrydig a thosturiol i ymuno â’n Tîm Lles Cymunedol deinamig.

Mae hwn yn gyfle cyffrous i weithio mewn gwasanaeth sy’n canolbwyntio ar yr unigolyn, gan hyrwyddo annibyniaeth, ymarfer sy’n seiliedig ar gryfderau ac ymyrraeth gynnar. Fel Asesydd Gofal Cymdeithasol, byddwch yn chwarae rhan allweddol wrth gefnogi unigolion a’u teuluoedd i gael mynediad at y gwasanaethau, yr adnoddau a’r gefnogaeth gymunedol briodol i ddiwallu eu hanghenion.

Ynglŷn â’r Swydd

Fel Asesydd Gofal Cymdeithasol, byddwch yn:

• Cynnal asesiadau ac adolygiadau yn unol â Deddf Gwasanaethau Cymdeithasol a Llesiant (Cymru) 2014.
• Gweithio ar y cyd ag unigolion, teuluoedd, gofalwyr ac asiantaethau partner i nodi cryfderau a sicrhau canlyniadau cadarnhaol.
• Datblygu a gweithredu cynlluniau gofal a chefnogaeth sy’n hyrwyddo dewis, rheolaeth ac annibyniaeth.
• Darparu gwybodaeth, cyngor a chymorth i ddinasyddion sy’n cysylltu â gwasanaethau Gofal Cymdeithasol Oedolion.
• Cynnal asesiadau risg a chyfrannu at brosesau diogelu lle bo angen.
• Cadw cofnodion achos cywir ac amserol gan ddefnyddio systemau cofnodi electronig y Cyngor.
• Gweithio fel rhan o dîm aml-ddisgyblaethol i sicrhau gwasanaeth effeithiol.

Amdanoch Chi

Rydym yn chwilio am rywun sydd:

• Â phrofiad o weithio gydag oedolion mewn lleoliad iechyd, gofal cymdeithasol neu gymunedol.
• Â sgiliau cyfathrebu a rhyngbersonol rhagorol.
• Yn dangos ymrwymiad i ymarfer sy’n canolbwyntio ar yr unigolyn ac sy’n seiliedig ar gryfderau.
• Yn gallu rheoli llwyth gwaith amrywiol a blaenoriaethu’n effeithiol.
• Yn gallu meithrin perthnasoedd gwaith cadarnhaol gyda dinasyddion, gofalwyr, cydweithwyr a sefydliadau partner.
• Yn meddu ar sgiliau asesu, datrys problemau a gwneud penderfyniadau da.
• Yn ymrwymedig i hyrwyddo llesiant, urddas ac annibyniaeth.

Beth Rydym yn Ei Gynnig

Yn gyfnewid, mae Cyngor Bwrdeistref Sirol Wrecsam yn cynnig:

• Amgylchedd gwaith cefnogol a chroesawgar.
• Goruchwyliaeth reolaidd a chyfleoedd datblygiad proffesiynol.
• Mynediad at hyfforddiant a llwybrau datblygu gyrfa.
• Trefniadau gweithio hyblyg lle mae anghenion y gwasanaeth yn caniatáu.
• Aelodaeth o Gynllun Pensiwn Llywodraeth Leol.
• Hawl hael i wyliau blynyddol.
• Mentrau llesiant a chymorth i weithwyr.

Ymunwch â Ni

Yn Nghyngor Bwrdeistref Sirol Wrecsam, rydym wedi ymrwymo i wella canlyniadau i’n trigolion a chreu cymunedau cryfach a mwy gwydn. Os ydych yn rhannu ein gwerthoedd ac eisiau gwneud gwahaniaeth gwirioneddol i fywydau pobl, byddem yn falch o glywed gennych.

Gwnewch gais heddiw a dewch yn rhan o dîm sy’n ymroddedig i gefnogi llesiant, annibyniaeth a newid cadarnhaol ledled Bwrdeistref Sirol Wrecsam.

Mae Bwrdeistref Sirol Wrecsam wedi'i lleoli yng ngogledd ddwyrain Cymru ac mae'n falch o'i threftadaeth Gymreig a'i hunaniaeth ddiwylliannol. Dros y blynyddoedd mae wedi tyfu i adlewyrchu poblogaeth sy'n aml-grefyddol ac aml-ethnig gan adlewyrchu amrywiaeth ein cymunedau.

Wedi'i chanoli ar ddinas Wrecsam, sy'n swatio rhwng mynyddoedd Cymru a gwastadeddau Swydd Gaer, mae'n lleoliad sy'n gallu cynnig y gorau o'r ddau fyd i chi ac rydym yn falch o'n statws dinas (a ddyfarnwyd yn 2022 pan roddwyd i ni'r statws hwn, y seithfed ddinas yng Nghymru i'w gael).

Mae Cyngor Bwrdeistref Sirol Wrecsam yn Gyngor unedol sy'n darparu ystod eang o wasanaethau gyda'r nod o wella bywydau trigolion Wrecsam a'r cymunedau cyfagos. Rydym wedi ymrwymo i ddarparu gwasanaethau trwy gydweithio â phartneriaid lleol a chenedlaethol. Gyda ffocws ar ddatblygu cynaliadwy, lles cymunedol, a gwella bywydau trigolion Wrecsam a'r cymunedau cyfagos, mae Wrecsam yn lle gwych i weithio, byw a dysgu.

Mae'r cyngor yn gyflogwr cynhwysol gyda gweithlu o tua 5,500, sy'n cynnig rolau amrywiol, hyfforddiant a datblygiad a chyfleoedd gyrfa gwerth chweil. Mae Cyngor Bwrdeistref Sirol Wrecsam yn gwerthfawrogi arloesedd, dwyieithrwydd yn Gymraeg a Saesneg, ac yn croesawu ymgeiswyr o bob cefndir.

Fel Cyflogwr Hyderus ac Ymroddedig o ran Anabledd, mae'r cyngor yn sicrhau recriwtio a chefnogaeth hygyrch i weithwyr anabl gan gynnwys cynnig cyfweliad gwarantedig (lle bodlonir eitemau manyleb person hanfodol). Yn ogystal, bydd cyn-filwyr yn derbyn cyfweliadau gwarantedig o dan Gyfamod y Lluoedd Arfog os bodlonir meini prawf cymhwysedd (lle bodlonir eitemau manyleb person hanfodol).

Mae buddion cyflogeion yn cynnwys:

• Aelodaeth o'r Cynllun Pensiwn Llywodraeth Leol
• Trefniadau gweithio hyblyg
• Gwyliau blynyddol hael hyd at 32 diwrnod
• Polisïau sy'n gyfeillgar i deuluoedd sy'n cefnogi ymrwymiadau gofalu a theuluol
• Cydbwysedd bywyd gwaith ac amser hyblyg (yn dibynnu ar rôl)
• Aelodaeth hamdden gostyngol
• Mynediad at Gynllun Gwobrwyo Wrecsam gyda gostyngiadau oddi ar fanwerthwyr blaenllaw yn genedlaethol ac yn lleol
• Amrywiaeth o adnoddau iechyd a lles, er enghraifft:
  • Hyrwyddwyr Iechyd a Lles
  • Mynediad at raglen cymorth cyflogeion gyda cyngor ar gadw'n iach boed yn ariannol, yn feddyliol neu'n gorfforol:
    • Cwnsela (ar gael 24/7, 365 diwrnod y flwyddyn)
    • Cymorth emosiynol yn y fan a'r lle (ar gael 24/7, 365 diwrnod y flwyddyn)
    • Opsiwn i osod nodau hybu iechyd gyda newidiadau bach o fyw cynaliadwy
    • Cysylltu apiau iechyd i olrhain iechyd corfforol yn awtomatig a chyflawni nodau cynnydd
    • Blogiau, fideos, ryseitiau a mwy o adnoddau sy'n darparu ysbrydoliaeth a chymhelliant
    • Nodi'r risg o ddatblygu clefydau blaenllaw sy'n gysylltiedig â ffordd o fyw ynghyd â sgoriau iechyd meddwl ac ariannol
    • Cyngor cyfreithiol, ariannol a defnyddwyr
  • Digwyddiadau ac ymgyrchoedd iechyd a lles drwy gydol y flwyddyn (e.e. Diwrnod Iechyd Tachwedd, Diwrnod Amser i Siarad, Wythnos Ymwybyddiaeth Iechyd Meddwl, Wythnos Ymwybyddiaeth o'r Haul, Wythnos y Menopos, Wythnos Iechyd Ariannol)
  • Caffi Menopos ac arweiniad
  • Caffi Gofalwyr Di-dâl a chanllawiau

Mae ein Cynllun Cyngor (2023–28) yn nodi ein blaenoriaethau ac rydym yn cyflawni'r rhain trwy ddilyn Gwerthoedd Nolan bywyd cyhoeddus (anhunanoldeb, uniondeb, gwrthrychedd, atebolrwydd, agoredrwydd, gonestrwydd ac arweinyddiaeth) yn ogystal â'n Gwerthoedd Corfforaethol ein hunain:

• Grymuso
• Ymddiriedaeth a gonestrwydd
• Dyhead
• Cydweithredu
• Gwneud gwahaniaeth
• Tegwch