Rydyn ni'n recriwtio Cynorthwyydd Gwasanaethau Dydd yng Nghyngor Bwrdeistref Sirol Caerffili.
Oriau gwaith: 30 oriau
Math o gontract: Rhan Amswer, Cyfnod Penodol Tan 31ain Mawrth 2027
Lleoliad: Lleoliadau mewn cymunedau ledled Cyngor Bwrdeistref Sirol Caerffili
Tîm: Gwasanaethau i Oedolion
Mae'r swydd hon yn cynnig cyfle gwych i ddod yn rhan o'n tîm ni a darparu cymorth ar draws y sefydliad.
Rydyn ni'n talu cyflog deniadol o £22,454.59 - £23,565.41 ac yn cynnig mynediad at gyfleoedd hyfforddi a datblygu.
Mae ein Tîm Cymunedol yn darparu cymorth sesiynol sy'n galluogi unigolion i gael mynediad at weithgareddau o'u dewis yn eu cymunedau lleol. Prif ddiben y rôl fyddai ystyried anghenion corfforol, emosiynol, diwylliannol a chymdeithasol unrhyw unigolyn sy'n cael cymorth, gan wneud sesiynau pobl yn ddymunol ac yn ystyrlon. Bydd dull sy'n canolbwyntio ar y person o ran rhoi cymorth i unigolion yn sicrhau bod cyfleoedd yn cael eu cyflawni i hyrwyddo eu hannibyniaeth, cynnal cyfeillgarwch a gwella eu lles.
Byddwch chi'n gweithio'n beripatetig yn ein Tîm Cymunedol, a fydd yn golygu y byddwch chi'n cyflenwi ar gyfer y tîm staff presennol pan nad ydyn nhw yn y gweithle.
Er mwyn sicrhau bod ein gwasanaethau'n cael eu cynnal, bydd angen i bob cynorthwyydd gwasanaeth dydd weithio'n hyblyg gyda ni i sicrhau bod lefel y cymorth sydd ei angen ar gael. Bydd hyn yn golygu bod y gallu i weithio dros gyfnod o 7 diwrnod yn un o ofynion hanfodol y rôl. Gallai hyn gynnwys gweithio gyda'r nos ac ar y penwythnos. Bydd gofyn i chi weithio mewn unrhyw ardal yn y Fwrdeistref Sirol yn ystod eich wythnos waith a bydd angen car arnoch chi i allu cyflawni'r rôl.
Ar gyfer y rôl, gofynnwn i chi:
- Cymhwyster Lefel 2 mewn Gofal ar y Fframwaith Credydau a Chymwysterau neu'r ymrwymiad a'r gallu i ennill y cymhwyster o fewn blwyddyn i'r penodiad (yn amodol ar argaeledd hyfforddiant)
- Profiad o gynnal a meithrin perthnasoedd effeithiol.
- Gweithio yn unol â “Cod Ymarfer Proffesiynol a Chanllawiau Gofal Cymdeithasol” Gofal Cymdeithasol Cymru mewn perthynas â gweithwyr a chyflogwyr.
- Bydd angen trwydded yrru lawn y DU Categori B (Ceir) ar staff cymunedol a defnydd o gerbyd modur wedi'i yswirio at ddibenion busnes/gwaith i deithio ag unigolion ledled y Fwrdeistref Sirol.
Mae gennym ni fuddion rhagorol gan gynnwys Cynllun Pensiwn Llywodraeth Leol a chynlluniau disgownt i staff.
I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau.
Ar ôl darllen y Swydd Ddisgrifiad a Manyleb Person, os hoffech gael trafodaeth anffurfiol am y rôl cysylltwch â Michelle Summers/Joanne Williams ar 07768507942/ 07514951335 neu ebost: Summem@caerphilly.gov.uk / Willij48@caerphilly.gov.uk
Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.
Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk am ragor o wybodaeth.
Nid yw Cyngor Bwrdeistref Sirol Caerffili yn derbyn ceisiadau wedi’u cyflwyno drwy wefan StudySmarter. Rhaid cyflwyno pob cais drwy wefan swyddogol y Cyngor.
Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.
