Cynorthwyydd Rheoli Gofal

Cynorthwyydd Rheoli Gofal

Rôl y Cynorthwyydd Rheoli Gofal yw helpu i hyrwyddo annibyniaeth a diogelu oedolion hŷn ac anabl yn Sir Gaerfyrddin sy'n ymddangos bod ganddynt anghenion gofal a chymorth. Mae'r swydd hon wedi'i lleoli yn Nhîm Derbyn Caerfyrddin, gan ganolbwyntio ar oedolion ag anableddau corfforol a phobl hŷn sydd â heriau gwybyddol. Wedi'i lleoli yng Nghaerfyrddin, byddwch yn cefnogi preswylwyr yn ardaloedd Tref Caerfyrddin, Tywi, Teifi a Thaf.

Am ragor o fanylion am ofynion y swydd, cyfeiriwch at y Manyleb Person.

Bydd deiliad y swydd yn cynnal asesiadau, yn darparu gwybodaeth, cyngor a chymorth, yn cyfrannu at gynllunio gofal a chymorth, ac yn cwblhau adolygiadau yn unol ag egwyddorion Deddf Gwasanaethau Cymdeithasol a Llesiant (Cymru) ac unrhyw ddeddfwriaeth berthnasol arall.

Dylai ymgeiswyr fod yn unigolion brwdfrydig ac ymrwymedig sydd â phrofiad o weithio ym maes gofal cymdeithasol neu wasanaethau cysylltiedig, ac o weithio gyda phobl hŷn neu bobl anabl. Bydd angen iddynt ddangos sgiliau cyfathrebu a rhyngbersonol effeithiol, y gallu i weithio fel rhan o dîm, a'r gallu i ymgysylltu ag unigolion a'u gofalwyr.

Dylai ymgeiswyr feddu ar wybodaeth am y materion sy'n wynebu'r Gwasanaethau Cymdeithasol, yn enwedig mewn perthynas â phobl hŷn a phobl ag anableddau corfforol. Dylent hefyd feddu ar ddealltwriaeth o ddeddfwriaeth a dyletswyddau statudol, polisïau ac arferion sy'n ymwneud ag asesu, ailalluogi a rheoli gofal, a gallu cefnogi unigolion i nodi'r hyn sy'n bwysig iddynt a chyflawni eu canlyniadau personol.

Mae'n hanfodol eich bod yn gallu teithio ledled y sir.

Mae angen sgiliau Cymraeg ar gyfer y swydd hon: Cymraeg llafar Lefel 2 a Chymraeg ysgrifenedig Lefel 1. Gellir darparu cymorth ar ôl penodi i gyrraedd y lefel ofynnol, lle bo hynny'n briodol.

Bydd gwiriad Manwl gan y Gwasanaeth Datgelu a Gwahardd (DBS) ar gyfer y Gweithlu Oedolion yn ofynnol ar gyfer y swydd hon, gan fod y rôl yn cynnwys ymweld â phobl agored i niwed.

Am drafodaeth anffurfiol, cysylltwch â Grace Challinor, Rheolwr Cynorthwyol y Tîm: