Swydd: Dadansoddwr Data a Chyflawniad Rhan Amser
blynyddol: £42,839 (Gradd 11) Pro Rata
Oriau: 21 awr yr wythnos
Hyd: Contract tymor penodol o flwyddyn, hyd at 31 Mawrth 2027.
Ymunwch â'n carfan genedlaethol yma yng Nghonsortiwm Comisiynu Plant Cymru, a elwir hefyd yn 4C, ble rydyn ni'n cefnogi pob un o'r Gwasanaethau i Blant ym mhob un o'r 22 awdurdod lleol yng Nghymru, gyda gwasanaethau comisiynu a chontractio strategol ar gyfer plant sy'n agored i niwed ac sydd angen cynllun gofal a chymorth.
Mae dadansoddi data a chyflawniad yn rhan hanfodol o'r cylchred comisiynu. Rydyn ni'n chwilio am unigolyn brwdfrydig a rhagweithiol i ymuno â'r garfan sydd â'r gallu i goladu, gwirio a dadansoddi data craidd o ystod eang o ffynonellau yn effeithiol. Bydd angen i'r unigolyn hefyd gyflwyno'r dystiolaeth mewn fformatau sy'n hawdd i'w deall ac sy'n cyfleu cipolygon trwy ddelweddau data neu ddangosfyrddau deniadol.
Mae meddu ar radd mewn Mathemateg, Ystadegaeth neu gymhwyster cyfwerth yn hanfodol, yn ogystal â gwybodaeth am becynnau data cyfredol, gan gynnwys Microsoft Power BI. Bydd yr ymgeisydd llwyddiannus yn gweithio'n agos â Data Cymru ac yn defnyddio adnoddau dadansoddi data i roi cipolygon a gwybodaeth am y farchnad.
Am ragor o wybodaeth, e-bostiwch 4c@rctcbc.gov.uk neu ffoniwch Helen Pugh: (01443) 570098.
Mae diogelu plant ac oedolion agored i niwed yn gyfrifoldeb craidd i bob un o'r gweithwyr sy'n cael eu penodi gan y Cyngor.
Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.
Mae'r Cyngor yn cydnabod gwerth amrywiaeth yn y gweithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Yn rhan o'i amcanion hirdymor mewn perthynas â'r Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun gwarantu cyfweliad ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol sydd wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, bydd gwahoddiad i gyfweliad i chi os byddwch chi'n dewis cymryd rhan yn y cynllun.
Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy’n diwallu'r meini prawf hanfodol yn y fanyleb person, yn cael cynnig cyfweliad.
Unigolion â Phrofiad o fod mewn Gofal – Cynllun Gwarantu Cyfweliad
Yn rhan o rôl rhianta corfforaethol y Cyngor, mae wedi ymrwymo i gefnogi unigolion â phrofiad o fod mewn gofal. Dyma unigolion sydd wedi treulio amser yn y system ofal ar unrhyw adeg yn ystod eu bywyd. Rydyn ni'n annog ceisiadau gan unigolion â phrofiad o fod mewn gofal i'w galluogi nhw i gael mynediad at gyflogaeth, addysg, profiadau a chyfleoedd gwirfoddoli.
Bydd y Cyngor yn gwarantu cyfweliad ar gyfer unigolion â phrofiad o fod mewn gofal sy'n dymuno cymryd rhan yn y cynllun ac sy'n bodloni meini prawf hanfodol y swydd.
