Rydym yn dymuno recriwtio Dirprwy Arweinydd Gofal Plant profiadol a brwdfrydig i gefnogi arweinyddiaeth a rheolaeth ein darpariaeth gofal plant Dechrau’n Deg.
Mae hwn yn gyfle cyffrous i weithiwr gofal plant proffesiynol angerddol sydd wedi ymrwymo i ddarparu gofal ac addysg o ansawdd uchel i blant ifanc. Rydym yn chwilio am oedolyn ymroddedig, galluog ac y gellir ymddiried ynddo, sy’n gallu cefnogi darpariaeth sy’n adlewyrchu Hawliau’r Plentyn, Canllawiau Dechrau’n Deg a Safonau Gofynnol Cenedlaethol Arolygiaeth Gofal Cymru (AGC).
Bydd yr ymgeisydd llwyddiannus yn rhoi llais y plentyn wrth wraidd ei ymarfer, gan sicrhau bod pob plentyn yn teimlo ei fod yn cael ei werthfawrogi, ei barchu a’i gefnogi. Bydd yn hyrwyddo dulliau cynhwysol sy’n cadarnhau niwroamrywiaeth, gan alluogi plant i ddysgu, chwarae, datblygu a chyflawni eu potensial mewn amgylchedd meithringar.
Bydd gennych ddealltwriaeth gadarn o ddatblygiad plant a byddwch yn defnyddio’r wybodaeth hon i gefnogi plant a theuluoedd unigol. Gan weithio ochr yn ochr â rhieni, gofalwyr ac asiantaethau partner, byddwch yn helpu i sicrhau bod plant yn cael cefnogaeth amserol a chydlynol i ddiwallu eu hanghenion a hyrwyddo canlyniadau cadarnhaol.
Bydd y rôl wedi’i lleoli’n bennaf yn Meithrinfa Sêr Ni Bynea a Meithrinfa Sêr Ni Llwynhendy; fodd bynnag, bydd gofyn i’r ymgeisydd llwyddiannus hefyd ddarparu cymorth rheoli ac arweinyddiaeth ar draws lleoliadau meithrin yr Awdurdod Lleol, yn ôl yr angen, i gefnogi’r gwasanaeth.
Bydd yr ymgeisydd delfrydol yn:
- Meddu ar brofiad o gefnogi ac arwain timau gofal plant a darpariaeth meithrin.
- Dangos ymrwymiad i hawliau a llesiant plant.
- Hyrwyddo ymarfer cynhwysol sy’n cadarnhau niwroamrywiaeth.
- Meddu ar ddealltwriaeth gadarn o ddatblygiad plant a phedagogeg y blynyddoedd cynnar.
- Meithrin perthnasoedd cadarnhaol gyda phlant, teuluoedd ac asiantaethau partner.
- Cefnogi safonau uchel o ofal, dysgu a diogelu.
- Cyfrannu at ddatblygu’r gwasanaeth a gwelliant parhaus.
Os ydych yn weithiwr gofal plant proffesiynol profiadol sy’n angerddol am wella canlyniadau i blant a theuluoedd, byddem yn croesawu eich cais.
Am ragor o wybodaeth ac ar gyfer trafodaeth anffurfiol, cysylltwch ag Estelle Etheridge Lawrence ar: 01554 742203.
