Gofalwr Cartref Ailalluogi (Llandeilo & Llanymddyfri)

"Helpu pobl i adennill eu hannibyniaeth - un cam ar y tro."

Gwnewch wahaniaeth go iawn – Ymunwch â'n Tîm Ailalluogi

Ydych chi'n chwilio am swydd lle gallwch chi gael effaith gadarnhaol wirioneddol ar fywyd rhywun? Fel Gweithiwr Cymorth Ailalluogi, byddwch chi'n helpu unigolion—oedolion hŷn yn bennaf—i adennill eu hannibyniaeth a'u hyder er mwyn iddyn nhw allu parhau i fyw yn eu cartrefi eu hunain ar ôl salwch, anaf, neu newid mewn amgylchiadau.

Dim profiad? Dim problem!

Os ydych chi'n dosturiol, yn amyneddgar, ac yn gyfathrebwr gwych sydd ag agwedd gadarnhaol, byddwn ni'n darparu hyfforddiant llawn a chefnogaeth barhaus i chi lwyddo yn y rôl. Yr hyn sydd bwysicaf yw eich parodrwydd i gefnogi pobl wrth iddyn nhw wella a'u helpu i fod yn fwy annibynnol.

Dyma'ch cyfle i fod yn rhan o dîm cefnogol sy'n canolbwyntio ar alluogi pobl a gwella bywydau, un dydd ar y tro.

Mae bod yn Ofalwr Cartref yn ein Tîm Ailalluogi yn fwy na swydd yn unig – mae'n brofiad sy'n rhoi boddhad mawr.

Byddwch chi'n ennill sgiliau amhrisiadwy, profiad ymarferol, a'r cyfle i wneud gwahaniaeth gwirioneddol ym mywydau pobl bob dydd. Rydyn ni'n cynnig cyfleoedd hyfforddi a datblygu rhagorol i'ch helpu chi i dyfu a llwyddo, beth bynnag yw eich cynlluniau ar gyfer y dyfodol.

P'un a ydych chi am gael gyrfa hirdymor mewn gofal, neu ddatblygu sgiliau allweddol a phrofiad cyn symud ymlaen i addysg bellach neu lwybr gyrfa gwahanol, bydden ni'n falch iawn o glywed gennych chi.

Byddwn yn darparu hyfforddiant a chefnogaeth helaeth i chi ennill y sgiliau a'r hyder sydd eu hangen arnoch i fod yn ofalwr gwych. Mae'n waith caled ond yn werth chweil a byddwch chi'n rhan o sefydliad mawr gyda chyfleoedd i symud ymlaen. Byddwch yn cael eich croesawu i Dîm Gofal Cartref Cyngor Sir Caerfyrddin lle mae pawb yn falch o fod yn rhan o'r tîm sy’n cefnogi rhai o'n trigolion mwyaf agored i niwed mewn cymunedau lleol. I ddarllen yr hyn y mae eraill wedi’i ddweud amdanom dilynwch y ddolen i’r adroddiad arolygu diweddaraf arolygiaethgofal.cymru.

Mae'n ofynnol i weithwyr Gofal Cartref gofrestru gyda Gofal Cymdeithasol Cymru. Byddwn yn rhoi'r holl gefnogaeth a chymorth sydd eu hangen arnoch i ddod yn weithiwr gofal cymdeithasol cofrestredig. Cofrestru | Gofal Cymdeithasol Cymru.  

Mae ein graddau cyflog yn hynod gystadleuol gyda swyddi tebyg ar draws y sector Iechyd a Gofal Cymdeithasol.  

Mae’r gyfradd fesul awr ar gyfer oriau cytundebol gwarantedig ymhlith y rhai sy’n talu orau yng Nghymru ac rydym hefyd yn gallu cynnig amrywiaeth o fuddion eraill, megis tâl am deithio rhwng galwadau a 45c y filltir am gostau car personol, defnydd o geir adrannol, mynediad at gynlluniau buddion, cynllun pensiwn o safon uchel, hawl gwyliau â thâl hael, lwfansau mamolaeth a thadolaeth a llawer mwy.

Darperir gwisg, bagiau, cyfarpar diogelu personol a ffonau symudol i'n holl ofalwyr cartref i weld eu rotâu a gwybodaeth am yr hyn sy'n digwydd yn y gwasanaeth a'r cyngor sir ehangach, gan gynnwys cynlluniau gostyngiadau i staff.

Os ydych am gael sgwrs anffurfiol am y swydd, cysylltwch â:

•        Marilyn Maynard – 07989 138736
•        Eleri Gealy – 01267 242474