Gweithiwr Chwarae Sesiynol x2

Crynodeb o’r swydd

Rydym yn chwilio am weithwyr chwarae sesiynol cyfeillgar, brwdfrydig ac egnïol i ymuno â’n tîm a helpu i ddarparu cyfleoedd chwarae hwyliog a chyffrous yn ystod gwyliau’r ysgol ledled Blaenau Gwent. 

Os ydych chi’n mwynhau gweithio gyda phlant, bod yn greadigol a gwneud gwahaniaeth cadarnhaol yn eich cymuned, gallai hwn fod yn gyfle perffaith i chi. 

Ynglŷn â’r rôl

Rydym yn llawn cyffro ynghylch croesawu gweithwyr chwarae sesiynol brwdfrydig i gefnogi ein darpariaeth gwyliau, gan gynnig profiadau chwarae o ansawdd uchel a chynhwysol i blant a phobl ifanc. 

Yn y rôl hon, byddwch yn helpu i greu mannau diogel a chroesawgar lle gall plant ymlacio, chwarae’n rhydd a bod yn nhw eu hunain. Boed yn cefnogi gemau, crefftau, anturiaethau awyr agored neu chwarae dychmygus, byddwch yn chwarae rhan bwysig wrth wneud pob diwrnod yn bleserus ac yn ystyrlon. 

Byddwch yn annog plant i archwilio eu syniadau, meithrin hyder, datblygu cyfeillgarwch a chael llais wrth lunio eu profiadau chwarae. Bydd pob diwrnod yn wahanol, yn werth chweil ac yn llawn egni. 

Byddem wrth ein bodd yn clywed gennych os ydych chi: 

• Yn angerddol am weithio gyda phlant a chefnogi chwarae
• Yn gyfeillgar, yn hawdd mynd ato ac yn chwaraewr tîm cryf
• Yn gyfathrebwr hyderus gyda sgiliau rhyngbersonol da
• Yn hyblyg ac yn ddibynadwy, gydag agwedd gadarnhaol
• Yn barod i ddysgu am ddiogelu ac amddiffyn plant
• Yn brofiadol o ran gweithio gyda phlant (yn ddefnyddiol, ond nid yn hanfodol)
• Yn gymwys mewn gwaith chwarae, gofal plant neu waith ieuenctid – neu’n barod i weithio tuag at gymhwyster yn un o’r meysydd hyn 

Oriau gwaith: Mae hon yn rôl sesiynol yn ystod gwyliau’r ysgol, gyda’r angen i fod ar gael am hyd at 35 awr yr wythnos, gan gynnwys: 

• Hanner tymor mis Hydref 2026 (1 wythnos)
• Hanner tymor mis Chwefror 2027 (1 wythnos)
• Gwyliau’r Pasg 2027 (1 wythnos) 

Noder: Ar hyn o bryd, mae’r swyddi hyn wedi’u hariannu tan 31 Mawrth 2027. 

Gwybodaeth ychwanegol: Mae’r swydd hon yn cynnig lwfans cymeradwy ar gyfer defnyddiwr car achlysurol, felly mae defnydd o gerbyd at ddibenion gwaith yn ofyniad. 

Cynhelir sgrinio trylwyr cyn cynnig cyflogaeth yn ystod y broses recriwtio. Bydd yn ofynnol i ddeiliad y swydd lenwi cais am ddatgelu cofnodion troseddol – datgeliad manwl yn erbyn y rhestr wahardd ar gyfer plant. 

Amdanom ni 

Mae Tîm Gofal Plant a Chwarae Blaenau Gwent yn grŵp angerddol, creadigol o bobl sy’n credu bod pob plentyn yn haeddu’r rhyddid i chwarae, chwilota a ffynnu. Rydyn ni’n ymfalchïo yn ein dull cynhwysol, a’n hymrwymiad i adeiladu cymunedau cryfach trwy brofiadau chwarae. Rydyn ni hefyd yn cydnabod mai ein cyflogeion yw’n hased mwyaf a dyna pam rydyn ni’n cynnig amgylchedd gwaith cefnogol a chynhwysol, ynghyd â manteision ffantastig i’ch helpu i lwyddo:  

Cyflog cystadleuol:  

Rydyn ni’n gwerthfawrogi eich profiad a’ch arbenigedd ac yn cynnig cyflog cystadleuol iawn.  

Cynllun Pensiwn Llywodraeth Leol:  

Cewch fwynhau tawelwch meddwl gyda’n buddion pensiwn rhagorol.  

Dysgu a datblygiad parhaus:  

Manteisiwch ar gyfleoedd hyfforddi a datblygu i wella eich gyrfa.  

Cyfnod hael o wyliau blynyddol:  

Manteisiwch ar lwfans gwyliau sylweddol i gefnogi’r cydbwysedd rhwng eich gwaith a’ch bywyd. 

Amgylchedd tîm cefnogol:  

Cewch weithio oddi fewn i ddiwylliant cydweithredol a chynhwysol sy’n rhoi pwys ar eich cyfraniadau.  

Eisiau gofyn cwestiwn i ni? 

I gael rhagor o wybodaeth neu os hoffech gael trafodaeth anffurfiol, cysylltwch â Sharon Gapper (Cargill) – Swyddog Digonolrwydd Cyfleoedd Chwarae. E-bost: Sharon.gapper@blaenau-gwent.gov.uk - Ffôn: 07773472165