Rydyn ni'n recriwtio Gweithwyr Cymdeithasol yng Nghyngor Bwrdeistref Sirol Caerffili.
Oriau gwaith: 37 oriau yr wythnos
Math o gontract: Parhaol, Llawn Amser
Lleoliad: Gwahanol leoliadau yn y Fwrdeistref Sirol.
Tîm: Gwasanaethau i Blant
Rydyn ni'n talu cyflog deniadol o £39,152–£41,771, yn ogystal â thaliad atodol ar sail y farchnad o £3,551 y flwyddyn, ac yn cynnig mynediad at gyfleoedd hyfforddi a datblygu.
Mae hwn yn gyfle gwych i ymuno â Gwasanaethau i Blant Caerffili fel Gweithiwr Cymdeithasol yn ein Timau Ardal neu ein Tîm Teuluoedd a Ffrindiau, lle nad oes dau ddiwrnod yr un fath ac mae eich gwaith yn wirioneddol bwysig.
Rydyn ni'n chwilio am Weithwyr Cymdeithasol angerddol, medrus gyda galluoedd asesu cryf a'r hyder i feithrin perthnasoedd cadarnhaol, parchus ac ymddiriedol. Bydd gennych chi ffocws clir ar ddiogelu, lles a chanlyniadau cadarnhaol, ochr yn ochr â'r gallu i weithio ar y cyd â gweithwyr proffesiynol ym maes iechyd, maes addysg, yr heddlu ac asiantaethau partner eraill. Yn gyfnewid am hyn, byddwch chi'n ymuno â gwasanaeth hynod gefnogol a chroesawgar, sy'n annog dysgu ac yn gwerthfawrogi eich barn broffesiynol. Bydd gennych chi gymorth a goruchwyliaeth rheolaidd, a'r cyfle i ddatblygu eich gyrfa mewn gwasanaeth sydd wedi ymrwymo i wneud gwahaniaeth gwirioneddol.
Os ydych chi'n mwynhau gwaith cyflym, amrywiol a chynorthwyo plant a theuluoedd drwy asesu, diogelu ac ymyrraeth statudol, mae ein Timau Ardal yn cynnig cyfle i weithio ar draws amrywiaeth eang o waith amddiffyn plant a gwaith sy'n gysylltiedig â'r llys. Os ydych chi'n angerddol am ymarfer sy'n seiliedig ar berthynas a helpu plant i aros yn ddiogel yn eu rhwydweithiau teuluol, mae ein Tîm Teuluoedd a Ffrindiau yn canolbwyntio ar ofalwyr sy'n berthnasau a gofalwyr cysylltiedig, cynllunio dyfodol parhaol, a chynorthwyo trefniadau sefydlog, meithringar i blant. P'un a oes gennych chi gryfderau mewn diogelu rheng flaen neu mewn meithrin atebion teuluol hirdymor, mae gennym ni gyfleoedd i gyd-fynd â'ch sgiliau, eich diddordebau a'ch nodau gyrfa.
Fel gweithiwr cymdeithasol, byddwn ni'n darparu'r canlynol i chi:
- Rhaglen sefydlu gynhwysfawr.
- Hyfforddiant i hybu eich datblygiad proffesiynol parhaus.
- Model asesu risg wedi'i sefydlu.
- Penderfyniadau amserol sy'n cael eu gwneud ar sail tystiolaeth.
- Goruchwyliaeth reolaidd, gwerthusiad blynyddol a chyfleoedd ar gyfer ymarfer myfyriol.
- Uwch Ymarferwyr eraill a Rheolwr Tîm cefnogol a phrofiadol.
- Arweinyddiaeth amlwg a chryf gan yr Uwch Dîm Rheoli.
Wrth wneud cais, rhowch wybod i ni beth yw eich tîm dewisol (Ardal neu Deuluoedd a Ffrindiau) yn eich ffurflen gais.
Rydyn ni'n croesawu ceisiadau gan ymgeiswyr sydd ar hyn o bryd yn eu blwyddyn olaf o'u gradd Gwaith Cymdeithasol. Byddwn ni hefyd yn ystyried ceisiadau gan ymgeiswyr am swyddi rhan-amser.
Ar gyfer y rôl, rydyn ni'n gofyn bod gennych chi'r canlynol:
- Diploma/Gradd mewn Gwaith Cymdeithasol neu gymhwyster rhagflaenol.
- Yr wybodaeth ddiweddaraf am faterion Ymchwil ac Ymarfer deddfwriaeth gyfredol ym maes gofal plant.
- Profiad o weithio gyda phlant a phobl ifanc, eu teuluoedd a'u gofalwyr.
- Trwydded yrru lawn y DU Categori B (Ceir) a defnydd o gerbyd modur wedi'i yswirio at ddibenion busnes i deithio ledled y Fwrdeistref Sirol i fynd i gyfarfodydd.
Mae gennym ni fuddion rhagorol gan gynnwys Cynllun Pensiwn Llywodraeth Leol, a chynlluniau disgownt i staff.
I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau.
Ar ôl darllen y Swydd Ddisgrifiad a Manyleb Person, os hoffech gael trafodaeth anffurfiol am y rôl cysylltwch â Rachel Silver ar 07789371545 neu ebost: silver@caerphilly.gov.uk
Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.
Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk am ragor o wybodaeth.
Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.
Rhaid i chi feddu ar Ddiploma/Gradd mewn Gwaith Cymdeithasol neu ragflaenydd a bod wedi cofrestru fel Gweithiwr Cymdeithasol gyda Gofal Cymdeithasol Cymru (neu'n gallu trosglwyddo o gorff cydnabyddedig arall).
Mae’r gofynion cofrestru presennol yn nodi bod cwblhau’r cymhwyster Cydgrynhoi Ymarfer o fewn eich 3 blynedd gyntaf o ymarfer yn orfodol (os gwnaethoch gymhwyso ar ôl 1 Ebrill 2016). Bydd methu â chwblhau'r cymhwyster hwn yn llwyddiannus yn golygu na fyddwch yn gallu adnewyddu eich Cofrestriad Gwaith Cymdeithasol neu ymarfer fel Gweithiwr Cymdeithasol.
Mae'r swydd hon yn denu Atodiad Marchnad o £3,551 y flwyddyn, yn ychwanegol at y cyflog blynyddol, a fydd yn cael ei dalu mewn 12 rhandaliad misol.
Nid yw Cyngor Bwrdeistref Sirol Caerffili yn derbyn ceisiadau wedi’u cyflwyno drwy wefan StudySmarter. Rhaid cyflwyno pob cais drwy wefan swyddogol y Cyngor.
