Rhif swydd POSN003703 - Gweithiwr Cymdeithasol
Mae Gwasanaethau Plant Cyngor Dinas Casnewydd yn awyddus i recriwtio gweithwyr cymdeithasol i ymuno â'n HYB Diogelu. Mae hwn yn gyfnod cyffrous i ymuno â Chyngor Dinas Casnewydd wrth i ni ehangu ein gweithlu plant i ateb cynnydd yn y galw am ein gwasanaethau.
Bydd gennych sgiliau asesu rhagorol a'r gallu i ymgysylltu'n effeithiol â defnyddwyr gwasanaeth, gan ganolbwyntio ar ddiogelwch a lles plant. Byddwch yn fedrus wrth ddatblygu a chynnal cysylltiadau amlasiantaethol effeithiol gydag ystod o grwpiau proffesiynol.
Bydd y swydd yn yr Hyb Diogelu yn cynnwys bod yn gyfrifol am wneud gwaith asesu ac ymchwilio. Byddwch yn llawn cymhelliant, yn canolbwyntio ar roi arferion ac ymyriadau amserol ac effeithiol o ansawdd uchel ar waith i blant sydd &slshquot;mewn perygl&slshquot; neu &slshquot;angen gofal a chymorth&slshquot; yn y gymuned. Byddwch yn rhan o amgylchedd hynod gefnogol ac yn gallu manteisio'n dda ar gyfleoedd hyfforddi a datblygu.
Rydym yn chwilio am weithwyr cymdeithasol ysbrydoledig a deinamig sy'n gallu gwneud cyfraniad cadarnhaol i drawsnewid bywydau'r teuluoedd rydym yn gweithio gyda nhw. Byddwch yn gweithio mewn gwasanaeth sy'n canolbwyntio ar ddulliau sy'n canolbwyntio ar yr unigolyn ac ar gryfderau sydd wedi ymrwymo i gyflawni canlyniadau Lles sy'n galluogi teuluoedd i fyw gyda'i gilydd yn ddiogel.
Mae Casnewydd yn lle gwych i fyw a gweithio ynddo, yn ddinas fach o ran ei daearyddiaeth, gyda phoblogaeth amrywiol y mae 35,000 ohonynt yn blant a phobl ifanc. Mae Casnewydd ar goridor yr M4, rhwng Bryste a Chaerdydd, gyda chysylltiadau trafnidiaeth ardderchog i fannau ymhellach i ffwrdd. Cryfderau gweithio a byw yng Nghasnewydd yw ei bod yn ddinas sy'n tyfu ac sy'n datblygu'n gyflym wrth barhau i roi cyfle i gael mynediad at dai fforddiadwy, ysgolion da ac adnoddau cymunedol rhagorol. Rydym yn falch o gael gweithlu sefydlog a staff ymroddedig y mae pob un ohonynt yn weithwyr parhaol mewn amgylchedd dysgu cefnogol a chadarnhaol. Ymhlith y buddion unigryw o weithio gyda ni, mae’r cyfle i fod yn rhan o wasanaethau Atal a Hyb, y tîm Mentora ac Ymgynghori penodedig, ein trefniant partneriaeth gyda Barnardo's i ddarparu ymyriadau ar y cyd i deuluoedd yn ogystal â llwyth achosion cymharol isel a sefydlog, goruchwyliaeth reolaidd i unigolion a grwpiau a'r cyfleoedd rhagorol o ddatblygu gyrfa a chael hyfforddiant rhagorol.
Ar gyfer y rôl hon byddwch yn ymarferydd sydd â chymhwyster gwaith cymdeithasol proffesiynol, Diploma Gwaith Cymdeithasol, CQSW, CSS neu gymhwyster cyfatebol ac wedi cofrestru gyda Chyngor Gofal Cymru (neu'n gallu trosglwyddo o CPIG neu gorff a gydnabyddir yn yr un modd)
Yn ogystal â gwyliau blynyddol hael, cynllun pensiwn da, cyflog cymharol neu uwch nag awdurdodau cyfagos, mae Cyngor Dinas Casnewydd yn cynnig buddion gwych gan gynnwys:
• Lwfansau cerbydau; Beiciau di-dreth ar gyfer gwaith
• Cydbwysedd bywyd gwaith - cyflogaeth hyblyg
• Datblygu Gyrfa
• Iechyd a hamdden (gyda gostyngiadau gydag amryw sefydliadau i'ch galluogi i wneud dewisiadau am eich iechyd a'ch ffordd o fyw)
• Gwasanaeth Cymorth i Weithwyr (Carefirst)
• Swyddfeydd canol tref gyda chysylltiadau trafnidiaeth da
Os hoffech drafod y rôl hon ymhellach, mae croeso i chi gysylltu â Gemma Strong, Rheolwr Tîm drwy ffonio 01633 656656.
Ar gyfer y rôl hon byddwch yn ymarferydd sydd â chymhwyster gwaith cymdeithasol proffesiynol, Diploma Gwaith Cymdeithasol, CQSW, CSS neu gymhwyster cyfatebol ac wedi cofrestru gyda Chyngor Gofal Cymru (neu'n gallu trosglwyddo o CPIG neu gorff a gydnabyddir yn yr un modd)
Dyddiad cau: 24th Ebrill 2026
Rydym yn croesawu ceisiadau ar gyfer ein holl swyddi yn y Gymraeg neu'r Saesneg. Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae Cyngor Dinas Casnewydd yn ymrwymedig i weithio tuag at gael gweithlu sy’n fwy cynrychioliadol o’r boblogaeth yr ydym yn ei gwasanaethu ac yn arbennig fe groesewir ceisiadau gan bobl o gymunedau lleiafrifoedd ethnig a gynrychiolir (neu sy’n byw) yn y ddinas. Caiff penodiad ei wneud yn seiliedig ar y gallu a’r sgiliau i gyflawni'r rôl.
Ar hyn o bryd, nid yw Cyngor Dinas Gasnewydd yn cefnogi ymgeiswyr i gael yr hawl i weithio yn y DU. Cyn gwneud cais am swydd, dylai fod gennych yr hawl i weithio yn y DU.
Our values – Fairness for all, Making a difference, Being responsible, Working together
Ein Gwerthoedd - Tegwch i Bawb, Gwneud Gwahaniaeth, Bod yn Gyfrifol, Gweithio gyda'n gilydd
