37 awr yr wythnos
Tîm Comisiynu ar gyfer Anghenion Cymhleth
Helpu Pobl i Wneud Cynnydd, Byw’n Dda a Byw eu Bywydau Gorau
A ydych yn Weithiwr Cymdeithasol profiadol sy'n angerddol am gefnogi pobl i gyflawni canlyniadau ystyrlon, gwneud y mwyaf o'u hannibyniaeth a byw'r bywyd y maent yn ei ddewis?
Rydym yn chwilio am ymarferydd llawn cymhelliant, creadigol a blaengar i ymuno â'n Tîm Comisiynu ar gyfer Anghenion Cymhleth.
Mae hyn yn fwy na rôl asesu a chynllunio gofal traddodiadol. Fel rhan o'n Tîm Comisiynu ar gyfer Anghenion Cymhleth, byddwch yn cefnogi oedolion ag anghenion cymhleth i adeiladu ar eu cryfderau, dyheadau, perthnasoedd a'u cysylltiadau cymunedol, gan eu helpu i gyflawni'r hyn sydd bwysicaf a byw'n dda.
Pam gweithio i Gyngor Bwrdeistref Sirol Pen-y-bont ar Ogwr?
Yn ogystal â'r cyfle i wneud gwahaniaeth gwirioneddol i fywydau pobl, rydym yn cynnig:
- Trefniadau gweithio hyblyg a hybrid, lle mae anghenion gwasanaeth yn caniatáu.
- Amgylchedd gwaith cefnogol a chydweithredol.
- Goruchwyliaeth reolaidd a chefnogaeth broffesiynol.
- Cyfleoedd dysgu a datblygu i gefnogi eich dilyniant gyrfa.
- Ymrwymiad cryf i lesiant cyflogeion.
- Aelodaeth o’r Cynllun Pensiwn Llywodraeth Leol.
- Hawl i wyliau blynyddol hael.
Y rôl
Wrth wraidd y rôl hon mae cynnydd.
Credwn y dylai cefnogaeth greu cyfleoedd i bobl wneud cynnydd, adeiladu ar eu cryfderau a chyflawni'r canlyniadau sydd bwysicaf iddynt.
Gan ddefnyddio ymarfer gwaith cymdeithasol sy'n seiliedig ar gryfderau ac sy'n canolbwyntio ar ganlyniadau, byddwch yn gweithio ochr yn ochr ag unigolion, teuluoedd, gofalwyr, darparwyr ac asiantaethau partner i ddatblygu cynlluniau cynnydd sy'n hyrwyddo annibyniaeth, llesiant, dewis a rheolaeth. Gan ddod â chwilfrydedd proffesiynol, creadigrwydd a meddwl beirniadol i sefyllfaoedd cymhleth, byddwch yn helpu i nodi cyfleoedd, goresgyn rhwystrau a chefnogi pobl i gyflawni eu nodau a'u dyheadau. Drwy asesiadau, adolygiadau a gweithio ar y cyd, byddwch yn helpu i sicrhau bod gan bobl y llety, y gofal a'r gefnogaeth gywir i gyflawni'r canlyniadau sydd bwysicaf iddynt. Byddwch yn gweithio'n agos gyda darparwyr a phartneriaid i sicrhau bod cymorth yn parhau i ganolbwyntio ar gynnydd, gan alluogi pobl i ddatblygu sgiliau, magu hyder a symud yn agosach at fyw'r bywyd y dymunant ei fyw.
Byddwch hefyd yn chwarae rhan bwysig wrth gefnogi mynediad at Ofal Iechyd Parhaus y GIG a threfniadau cyllido eraill, gan helpu i sicrhau bod pobl yn cael y cymorth cywir ar yr adeg iawn.
Ochr yn ochr â'ch gwaith uniongyrchol gydag unigolion, byddwch yn cyfrannu at ddatblygu atebion ar gyfer pobl ag anghenion cymhleth ac yn helpu i lywio opsiynau llety, gofal a chymorth yn y dyfodol, gan sicrhau bod gwasanaethau yn parhau i ddatblygu er mwyn diwallu anghenion sy'n newid.
Yr hyn rydym yn chwilio amdano
Rydym yn chwilio am rywun sydd:
- Yn Weithiwr Cymdeithasol cymwysedig sydd wedi cofrestru gyda Gofal Cymdeithasol Cymru.
- Â phrofiad o weithio gydag oedolion ag anghenion cymhleth ac amlweddog.
- Wedi ymrwymo i ymarfer sy'n seiliedig ar gryfderau, sy'n canolbwyntio ar y person ac sy'n canolbwyntio ar ganlyniadau.
- Yn llawn chwilfrydedd proffesiynol, yn greadigol o ran dull ac yn angerddol am helpu pobl i wireddu eu potensial.
- Yn deall pwysigrwydd cynnydd, annibyniaeth, dewis a rheolaeth ym mywydau pobl.
- Â phrofiad neu arbenigedd mewn Gofal Iechyd Parhaus y GIG a gweithio mewn partneriaeth effeithiol ar draws iechyd a gofal cymdeithasol.
- Yn gallu adeiladu perthnasoedd cadarnhaol ac effeithiol ag unigolion, teuluoedd, darparwyr ac asiantaethau partner.
- Yn hyderus yn gweithio gyda chymhlethdod, ansicrwydd a chymryd risgiau cadarnhaol.
- Yn credu mewn cryfderau pobl a'u gallu i gyflawni newid ystyrlon.
- Yn awyddus i fod yn rhan o wasanaeth sy'n helpu i lunio dyfodol cymorth i oedolion ag anghenion cymhleth.
Pam ymuno â ni?
Mae hwn yn gyfle i fod yn rhan o dîm sydd ar flaen y gad o ran ymarfer gwaith cymdeithasol modern.
Nid ydym yn trefnu gwasanaethau yn unig. Rydym yn gweithio gyda phobl, teuluoedd, darparwyr a phartneriaid i greu cyfleoedd, datblygu llwybrau cynnydd a sicrhau bod y llety a'r gefnogaeth gywir ar gael i helpu unigolion i ffynnu.
Credwn fod gwaith cymdeithasol gwych yn ymwneud â mwy nag asesu angen. Mae'n ymwneud â chydnabod cryfderau, creu cyfleoedd a chefnogi pobl i gyflawni'r canlyniadau sydd bwysicaf iddynt. Drwy ymarfer seiliedig ar berthynas, chwilfrydedd proffesiynol a ffocws ar gynnydd, rydym yn helpu pobl i adeiladu'r sgiliau, yr hyder a'r rhwydweithiau cymorth sydd eu hangen arnynt i fyw'n dda a byw eu bywydau gorau.
Gan weithio gyda rhai o'r sefyllfaoedd mwyaf cymhleth a gwerth chweil mewn Gofal Cymdeithasol i Oedolion, byddwch yn helpu i lunio'r gefnogaeth, y cyfleoedd a'r atebion sydd ar gael i bobl nawr ac yn y dyfodol.
Yn barod i wneud gwahaniaeth?
Os ydych yn credu bod gwaith cymdeithasol gwych yn ymwneud â chydnabod cryfderau, creu cyfleoedd a helpu pobl i symud ymlaen, byddem wrth ein bodd yn clywed gennych.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae trwydded yrru ddilys yn un o'r gofynion ar gyfer y swydd hon.
Dyddiad Cau: 09 Medi 2026
Dyddiad Llunio'r Rhestr Fer: 10 Medi 2026
Dyddiad y Cyfweliad: 24 Medi 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
