Am Y Gwasanaeth
Mae pob un o'n swyddi rheng flaen yn denu taliad atodol ar sail y farchnad o £5000 y flwyddyn yn ychwanegol at y cyflog a nodir a delir yn fisol ar ben eich cyflogau.
Os oes gennych ddiddordeb yn unrhyw un o'n rolau yma yng Nghaerdydd, os hoffech gael trafodaeth anffurfiol gydag un o'n rheolwyr neu gyfle i glywed mwy am Dimau Gwaith Cymdeithasol Caerdydd, mae croeso i chi gysylltu â Laura White ar Laura.White3@cardiff.gov.uk
Mae Derbyn ac Asesu yn dîm cyffrous sy’n newid yn gyflym, oherwydd demograffeg Caerdydd mae’r gwaith yn amrywiol a chynyddol.
Mae ymarferwyr yn cynnal asesiadau lles ac A47 ac yn cynnig ymyraethau tymor byr i gefnogi teuluoedd i gynyddu diogelwch yn y cartref.
Mae ymarferwyr yn cadw achosion am gyfnod byr; mae gwaith tymor hir fel arfer yn cael ei drosglwyddo yn y cyfarfod cynllunio cyntaf.
Mae’r Tîm ar rota dyletswydd am un o bob tair wythnos, sy’n golygu eich bod yn cael y cyfle i gynllunio a chofnodi eich gwaith mewn ffordd strwythuredig a threfnus.
Am Y Swydd
O 1 Ebrill 2025, mae’r rôl yn denu tâl atodol y farchnad o £5,000 (cyfwerth â llawn amser). Caiff y tâl ei adolygu bob 12 mis.
Mae’r swyddi yn rhai parhaol ac wedi’u lleoli yn y Tîm Ymateb Cychwynnol, yn Derbyn ac Asesu.
Gallai Gweithwyr Cymdeithasol fod yn rhan o achosion gofal a chyfraith preifat.
Mae Timau Derbyn ac Asesu Caerdydd yn cynnwys staff profiadol sy'n cefnogi ei gilydd yn ystod cyfnodau heriol.
Mae Caerdydd yn gweithio'n greadigol o dan fodelau sy'n seiliedig ar gryfderau er mwyn sicrhau'r canlyniadau gorau posibl i deuluoedd.
Mae Cyngor Caerdydd yn gwerthfawrogi personél asiantaeth; mae cyfleoedd hyfforddi ar gael i bawb i sicrhau datblygiad proffesiynol parhaus.
Manteision a gynigir
Mae Caerdydd yn aml ar frig rhestrau o ddinasoedd gorau'r DU i fyw ynddynt felly ymunwch â ni i weld beth y gallwn ei gynnig.
- Hawliad gwyliau blynyddol helaeth yn dechrau gyda 28 diwrnod y flwyddyn i uchafswm o 33 diwrnod y flwyddyn ar ôl 5 mlynedd gydag opsiwn i brynu gwyliau blynyddol ychwanegol o hyd at 10 diwrnod.
- Mae ein diwylliant gweithio yn hyblyg, gyda chynllun oriau hyblyg yn eich galluogi i weithio i amserlen sy'n addas i chi.
- Gweithio hybrid – eich cefnogi i gyflawni eich rôl yn hyblyg boed ar ymweliadau, o swyddfa neu eich cartref.
- Mynediad i Gronfa Bensiwn Caerdydd a Bro Morgannwg sy'n rhan o'r Cynllun Pensiwn Llywodraeth Leol (CPLlL), sy'n cynnig cynllun pensiwn diogel a hyblyg, dibynadwy, ar gyfer tawelwch meddwl.
Dyma ychydig o'r hyn sydd gan Gaerdydd i'w gynnig, edrychwch ar ein gwefan Gwaith Cymdeithasol i gael rhagor o wybodaeth am ein holl fanteision a chlywed gan rai o'n gweithwyr cymdeithasol, sy’n canu clod Caerdydd.
Hafan - Gwaith Cymdeithasol Caerdydd: Gwaith Cymdeithasol Caerdydd
Beth Rydym Ei Eisiau Gennych
Bydd gan yr ymgeisydd llwyddiannus brofiad o asesu, cynllunio gofal, cynllunio â ffocws ar y person a sgiliau rheoli gofal, gan weithio gyda’r holl bartneriaid i nodi ac ateb anghenion cymorth gofal unigolion.
Bydd angen i chi fod yn Weithiwr Cymdeithasol cofrestredig, meddu ar sgiliau asesu ardderchog a gallu ysgrifennu cofnodion ac adroddiadau cryno. Byddwch yn weithiwr tîm da ac yn meddu ar sgiliau cyfathrebu a threfnu rhagorol, yn ogystal â sgiliau TG da.
Gwybodaeth Ychwanegol
O 1 Ebrill 2025, mae’r rôl yn denu tâl atodol y farchnad o £5,000 (cyfwerth â llawn amser). Caiff y tâl ei adolygu bob 12 mis.
Mae’r swyddi hyn yn destun Gwiriad Manwl gan y Gwasanaeth Datgelu a Gwahardd.
Yn rhan o’r swydd hon, rhaid i chi fod wedi’ch cofrestru gyda Gofal Cymdeithasol Cymru.
Mae Diogelu ac Amddiffyn Plant yn brif flaenoriaethau gan y Cyngor. Ein nod yw cefnogi plant ac oedolion sy’n agored i niwed er mwyn sicrhau eu bod mor ddiogel â phosibl. Mae ein gwasanaethau a’n hysgolion wedi ymrwymo i sicrhau diogelwch pob plentyn ac oedolyn sy’n agored i niwed, a byddant yn gweithredu i ddiogelu eu llesiant. Maent yn cydnabod bod gan blant ac oedolion sy’n agored i niwed yr hawl i gael eu hamddiffyn. Caiff hyn ei gefnogi yn ethos cyffredinol y Cyngor a’r holl ysgolion.
Mae’r swydd hon yn addas i'w rhannu.
Croesewir ceisiadau yn Gymraeg ac yn Saesneg. Ni chaiff ceisiadau a dderbynnir yn Gymraeg eu trin yn llai ffafriol na cheisiadau Saesneg.
Rydym yn deall y gallech ddefnyddio Deallusrwydd Artiffisial ac adnoddau eraill ar gyfer eich cais; fodd bynnag, gwnewch yn siŵr fod yr holl wybodaeth rydych chi'n ei darparu yn ffeithiol gywir, yn onest, yn wreiddiol ac nad yw'n cynnwys syniadau neu waith nad yw'n eiddo i chi.
Nodwch nad yw'r Cyngor yn derbyn CVs. Wrth gwblhau adran gwybodaeth ategol eich cais, sicrhewch eich bod yn cyfeirio at yr isod sydd ar ein gwefan:
Gwybodaeth bwysig y mae angen i chi ei darllen er mwyn cwblhau eich cais:
Gwybodaeth Ychwanegol:-
Atodiadau
