37 awr yr wythnos
Yng Nghyngor Bwrdeistref Sirol Pen-y-bont ar Ogwr rydym yn falch iawn o'n model gweithredu sy'n seiliedig ar gryfderau ac sy'n canolbwyntio ar ganlyniadau ym maes Gofal Cymdeithasol i Oedolion.
Rydym bellach yn chwilio am weithiwr cymdeithasol profiadol, sy'n cael ei arwain gan werthoedd, dynamig ac arloesol i barhau i gefnogi'r gwasanaeth i symud y dull hwn ymlaen.
Mae hon yn rôl newydd gyffrous ac fel Gweithiwr Cymdeithasol Ymgynghorol byddwch yn gweithio'n agos gyda'r uwch dîm rheoli, cydweithwyr dysgu a datblygu a'n rhwydwaith o weithwyr cymdeithasol ymgynghorol i ymgorffori ein model gweithredu sy'n seiliedig ar gryfderau ac sy'n canolbwyntio ar ganlyniadau ymhellach.
Byddwch hefyd yn gweithio'n agos gyda chydweithwyr sy'n arwain y newidiadau systemau ehangach yr ydym yn eu cyflwyno, gan gynnwys ein systemau rheoli achosion digidol ac AI newydd.
Bydd hon yn rôl amrywiol a bydd yn canolbwyntio ar gyflwyno cynllun sy'n cysoni ein hymarfer proffesiynol ar draws ein holl dimau gofal cymdeithasol i oedolion.
Byddwch yn cefnogi amrywiaeth o weithgareddau sicrhau ansawdd a gwella gwasanaethau, yn cynghori ar ddatblygu polisïau a chanllawiau ymarfer lle bo angen a chynrychioli gofal cymdeithasol i oedolion yn yr adran ehangach a chyda'n sefydliadau partner. Byddwch yn sicrhau y gallwn ddarparu cyfleoedd rhagorol ar gyfer myfyrwyr/hyfforddeion gwaith cymdeithasol mewn Gofal Cymdeithasol i Oedolion a darparu goruchwyliaeth, hyfforddiant a mentora proffesiynol pan fo angen.
Mae'r bobl rydym yn eu cefnogi wrth wraidd popeth a wnawn ym Mhen-y-bont ar Ogwr felly dylech fod yn hyderus wrth ddefnyddio dull cydgynhyrchiol a chynnwys llais pobl yn ein gwaith. Mae hwn yn gyfle i weithiwr cymdeithasol cofrestredig gymryd y cam nesaf yn eich gyrfa a gwneud gwahaniaeth gwirioneddol i ymarfer ar lefel system gyfan.
Os yw hyn yn swnio fel chi, hoffem glywed gennych! Cysylltwch â Kelvin Barlow (Pennaeth Gofal Cymdeithasol i Oedolion) kelvin.barlow@bridgend.gov.uk
Mae'r gallu i gyfarch cwsmeriaid drwy gyfrwng y Gymraeg yn ofyniad ar gyfer y swydd hon.
Mae amddiffyn plant, pobl ifanc neu oedolion sydd mewn perygl yn gyfrifoldeb craidd i holl weithwyr y cyngor.
Mae gwiriad cofnodion troseddol Manwl gan y Gwasanaeth Datgelu a Gwahardd (DBS) ar y rhestr Gwaharddedig ar gyfer Oedolion a Phlant yn ofyniad ar gyfer y swydd hon.
Dyddiad Cau: 03 Mehefin 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
