Rydyn ni'n recriwtio Gweithiwr Cymorth Cymunedol yng Nghyngor Bwrdeistref Sirol Caerffili.
Oriau gwaith: 35
Math o gontract: Cyfnod Penodol tan 30ain Mai 2027
Lleoliad: Yn Seiliedig ar y Gymuned
Tîm: Gwasanaethau Darparwyr
Mae'r swydd hon yn cynnig cyfle gwych i ddod yn rhan o'n tîm ni a darparu cymorth ar draws y sefydliad.
Rydyn ni'n talu cyflog deniadol o £27,943.24 - £29,345.14 ac yn cynnig mynediad at gyfleoedd hyfforddi a datblygu.
Rhaid bod yn berson arbennig i ymgymryd â rôl Gweithiwr Cymorth Cymunedol. Ai chi yw hwn?
Ydych chi'n ofalgar, yn ddibynadwy, yn llawn cymhelliant ac yn gyfeillgar? Os felly, gofynnwch y canlynol i'ch hun:
- Ydw i eisiau gweithio gyda phobl a gwneud gwahaniaeth i'w bywydau drwy'r cymorth rydw i'n ei ddarparu?
- Ydw i'n gweld fy hun fel person cymdeithasol?
- Ydw i'n gallu cynorthwyo pobl i gyflawni eu canlyniadau personol?
- Hoffwn i fod yn rhan o dîm sydd â'r nod o wneud i bobl deimlo'n hapus ac yn fodlon?
Os ydych chi wedi ymateb yn gadarnhaol, mae gennych chi'r rhinweddau rydyn ni'n chwilio amdanyn nhw i fod yn rhan o'n tîm.
Ar hyn o bryd, rydyn ni'n awyddus i recriwtio Gweithiwr Cymorth Cymunedol cyfnod penodol i weithio yng Nghanolfan Adnoddau Cymunedol ‘Links’, sy'n darparu gwasanaeth dydd i oedolion ag anableddau dysgu sydd ag awtistiaeth ac ymddygiadau heriol.
Prif ddiben y rôl yw cynorthwyo o ran anghenion corfforol, emosiynol, diwylliannol a chymdeithasol unigolion gan ddefnyddio dull sy'n canolbwyntio ar yr unigolyn i hyrwyddo dewis ac annibyniaeth, gan wneud diwrnodau pobl yn bleserus ac yn ystyrlon.
Mae gofyn i'r ymgeisydd llwyddiannus fod â'r gallu i ymgymryd â hyfforddiant Rheoli Ymddygiad Cadarnhaol sy'n gofyn am ymyriadau corfforol a bod yn hyderus i wneud hynny.
Mae'r gwasanaeth yn gweithio tuag at ddarparu cymorth ar y penwythnos ac yn gynnar gyda'r nos a bydd gofyn i chi weithio ar sail rota yn ôl yr angen.
Ar gyfer y rôl, rydyn ni'n gofyn bod gennych chi'r canlynol:
- Cymhwyster Lefel 2 neu 3 mewn Gofal ar y Fframwaith Credydau a Chymwysterau neu'r ymrwymiad a'r gallu i ennill y cymhwyster o fewn blwyddyn i'r penodiad (yn amodol ar argaeledd hyfforddiant).
- Trwydded yrru lawn y DU Categori B (Ceir) er mwyn gyrru cerbyd y Cyngor ar brydles i gludo unigolion yn rheolaidd drwy gydol y dydd.
- Profiad mewn lleoliad anabledd dysgu.
Mae gennym ni fuddion rhagorol gan gynnwys Cynllun Pensiwn Llywodraeth Leol, a chynlluniau disgownt i staff.
I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau.
Ar ôl darllen y Swydd Ddisgrifiad a Manyleb Person, os hoffech gael trafodaeth anffurfiol am y rôl cysylltwch â Esther Jenkins ar 07591989484 neu ebost JENKI4@caerphilly.gov.uk / Rhay Duggan ar 07546655159 neu ebost DUGGAR@caerphilly.gov.uk
Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.
Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk am ragor o wybodaeth.
Nid yw Cyngor Bwrdeistref Sirol Caerffili yn derbyn ceisiadau wedi’u cyflwyno drwy wefan StudySmarter. Rhaid cyflwyno pob cais drwy wefan swyddogol y Cyngor.
Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.
