Rydyn ni'n recriwtio Gweithiwr Cymorth Gofal Plant yng Nghyngor Bwrdeistref Sirol Caerffili.
Oriau gwaith: 3 x 37 oriau / 1 x 18.5 oriau
Math o gontract: Parhaol
Lleoliad: Swyddfa (Tredomen / Rhymni)
Tîm: Timau Ardal Rhisga a Rhymni
Mae'r swydd hon yn cynnig cyfle gwych i ddod yn rhan o'n tîm ni a darparu cymorth ar draws y sefydliad.
Rydyn ni'n talu cyflog deniadol o £14,771 - £15,511 (18.5 oriau) / £29,540 - £31,022 (37 oriau) ac yn cynnig mynediad at gyfleoedd hyfforddi a datblygu.
Mae Gwasanaethau i Blant Cyngor Bwrdeistref Sirol Caerffili yn chwilio am Weithwyr Cymorth Gofal Plant amser llawn sydd â'r gwerthoedd, yr ysgogiad a'r ymrwymiad iawn i weithio mewn amgylchedd heriol ond gwerth chweil.
Ydych chi'n effeithiol wrth feithrin perthnasoedd gweithio cadarnhaol? Oes gennych chi sgiliau cyfathrebu, yn ysgrifenedig ac ar lafar, yn ogystal â sgiliau TG da? Oes gennych chi angerdd ac ymrwymiad gwirioneddol i wella canlyniadau ar gyfer plant, pobl ifanc a'u teuluoedd? Os felly, rydyn ni am glywed gennych chi. Byddai'r ymgeiswyr llwyddiannus hefyd yn meddu ar sgiliau rheoli amser a threfnu.
Mae Cyngor Caerffili’n gweithio ar y cyd i hyrwyddo “yr hyn sy'n bwysig” gyda phlant a'u teuluoedd i ddatblygu cynlluniau sy’n canolbwyntio ar ganlyniadau.
Mae rôl y Gweithiwr Cymorth Gofal Plant yn cynnwys gweithio gyda phlant a'u rhieni/gofalwyr i gyflawni eu canlyniadau, gan gydbwyso canlyniadau a risg, a diogelu plant yn unol â Deddf Gwasanaethau Cymdeithasol a Llesiant 2014. Mae'r rôl hefyd yn cynnwys cynorthwyo Gweithwyr Cymdeithasol yn eu gwaith, ymgymryd â gwaith uniongyrchol gyda phlant a phobl ifanc i'w helpu nhw i ddeall eu taith bywyd, cynnal asesiadau a goruchwylio amser teuluol rhwng plant sy'n derbyn gofal a'u rhieni biolegol.
Mae gan Wasanaethau i Blant Caerffili gysylltiadau cryf â Gwasanaeth Ymlyniad Gwent, ac mae Caerffili wedi buddsoddi yn y gwasanaeth therapiwtig, Fy Nhîm Cymorth (MyST), sy'n darparu cymorth dwys i'n plant ni sy'n derbyn gofal.
Byddwn ni'n rhoi'r canlynol i chi:
- Rhaglen sefydlu gynhwysfawr.
- Hyfforddiant i hybu eich datblygiad proffesiynol parhaus.
- Model asesu risg wedi'i sefydlu.
- Penderfyniadau amserol sy'n cael eu gwneud ar sail tystiolaeth.
- Goruchwyliaeth reolaidd, gwerthusiad blynyddol a chyfleoedd ar gyfer ymarfer myfyriol.
- Uwch Ymarferwyr a Rheolwyr Tîm cefnogol a phrofiadol.
- Arweinyddiaeth amlwg a chryf gan yr uwch dîm rheoli.
Ar gyfer y rôl, rydyn ni'n gofyn bod gennych chi'r canlynol:
- Cymhwyster Lefel 2 mewn Gofal neu gyfwerth ar Fframwaith Credydau a Chymwysterau Cymru.
- Yn deall ac yn parchu cyfrinachedd a phwysigrwydd rheoli gwybodaeth bersonol a sensitif mewn modd proffesiynol.
- Trwydded yrru lawn y DU Categori B (Ceir) a defnydd o gerbyd modur wedi'i yswirio at ddibenion busnes i deithio ledled y Fwrdeistref Sirol i fynd i gyfarfodydd.
Mae gennym ni fuddion rhagorol gan gynnwys Cynllun Pensiwn Llywodraeth Leol a chynlluniau disgownt i staff.
I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau.
Ar ôl darllen y Swydd Ddisgrifiad a Manyleb Person, os hoffech gael trafodaeth anffurfiol am y rôl cysylltwch â Rachel Silver ar 07789371545 neu ebost: SILVER@CAERPHILLY.GOV.UK
Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.
Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk am ragor o wybodaeth.
Nid yw Cyngor Bwrdeistref Sirol Caerffili yn derbyn ceisiadau wedi’u cyflwyno drwy wefan StudySmarter. Rhaid cyflwyno pob cais drwy wefan swyddogol y Cyngor.
Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.
