Rhif swydd POSN002863 - Gweithiwr Cymorth i Deuluoedd
Mae'r Gwasanaeth Plant ag Anghenion Ychwanegol (CANS) yn chwilio am berson brwdfrydig a diddorol i ymuno â thîm bach ond sefydledig o weithwyr cymorth i deuluoedd.
Mae'r prosiect hwn a ariennir gan Deuluoedd yn Gyntaf yn rhan o'r Tîm Plant Anabl sy'n darparu gwasanaethau ataliol i blant a phobl ifanc ag anghenion dysgu ychwanegol a'u teuluoedd. Mae hyn yn cynnwys rhoi cyngor i rieni ynghylch deall a rheoli diagnosis penodol (ASA / ADCG); neu waith un i un gyda phlant a phobl ifanc i ddatblygu, er enghraifft, eu sgiliau byw’n annibynnol neu strategaethau i reoleiddio eu hemosiynau.
Fel Gweithiwr Cymorth i Deuluoedd, byddwch yn gyfrifol am reoli llwyth achosion, cwblhau asesiadau, a dyfeisio cynlluniau cymorth yn seiliedig ar nodau a chryfderau personol y teulu. Byddwch hefyd yn cwblhau gwaith uniongyrchol gyda rhieni a phlant yn eu cartref neu mewn lleoliadau eraill. Bydd cyfleoedd i hyfforddi a chysgodi, a bydd disgwyl i chi weithio tuag at hwyluso gweithgareddau grŵp fel cyrsiau rhieni, gweithdai plant, a digwyddiadau eraill yn ôl yr angen.
Bydd angen i chi gael dealltwriaeth dda o'r heriau y mae teuluoedd â phlentyn anabl yn eu hwynebu, gan gynnwys materion yn ymwneud â rheolaeth emosiynol, awtistiaeth, ADCG, anableddau dysgu ac amhariadau corfforol. Mae profiad o weithio neu wirfoddoli gyda phlant anabl yn hanfodol, yn ogystal â'r gallu i ddangos dealltwriaeth o sut i gyfathrebu'n effeithiol â phlant ag anghenion ychwanegol.
Ar gyfer unrhyw ymholiadau am y rolau, cysylltwch ag Adrian.kirby@newport.gov.uk / Rachael.OConnell@newport.gov.uk (Rheolwr Tîm, CANS, Tîm Plant Anabl).
Mae'r swydd yn gontract cyfnod penodol tan ddiwedd mis Mawrth 2028, a'r gobaith bryd hynny yw y bydd cyllid pellach wedi'i sicrhau i gynnal y swydd.
Rydym yn croesawu ceisiadau ar gyfer ein holl swyddi yn y Gymraeg neu'r Saesneg. Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae Cyngor Dinas Casnewydd yn ymrwymedig i weithio tuag at gael gweithlu sy’n fwy cynrychioliadol o’r boblogaeth yr ydym yn ei gwasanaethu ac yn arbennig fe groesewir ceisiadau gan bobl o gymunedau lleiafrifoedd ethnig a gynrychiolir (neu sy’n byw) yn y ddinas. Caiff penodiad ei wneud yn seiliedig ar y gallu a’r sgiliau i gyflawni'r rôl.
Ar hyn o bryd, nid yw Cyngor Dinas Gasnewydd yn cefnogi ymgeiswyr i gael yr hawl i weithio yn y DU. Cyn gwneud cais am swydd, dylai fod gennych yr hawl i weithio yn y DU.
Our values – Fairness for all, Making a difference, Being responsible, Working together
Ein Gwerthoedd - Tegwch i Bawb, Gwneud Gwahaniaeth, Bod yn Gyfrifol, Gweithio gyda'n gilydd
