Gweithiwr Cymorth i Deuluoedd (Dros dro) - Tîm Cymorth Cynnar

Mae Cyngor Bwrdeistref Sirol Pen-y-bont ar Ogwr, gyda phartneriaid eraill, wedi datblygu fframwaith ar gyfer dull mwy integredig o ddarparu gwasanaethau i blant, pobl ifanc a theuluoedd. Mae Swyddogion Cymorth i Deuluoedd yn ffurfio rhan o dîm ardal amlbroffesiynol o weithwyr rheng flaen sy'n gysylltiedig ag ymyrryd yn gynnar a gwaith cymorth gyda phlant, pobl ifanc a theuluoedd.

Rydym yn chwilio am unigolyn egnïol, llawn cymhelliant sydd â sgiliau trefnu a rhyngbersonol gwych. Bydd gan yr ymgeisydd delfrydol brofiad llwyddiannus o weithio gyda phlant, pobl ifanc a theuluoedd ac ymrwymiad i weithio mewn amgylchedd amlasiantaethol.

I gael trafodaeth anffurfiol am y rolau, ffoniwch Amy Gurdin, Rheolwr Tîm Plant a Theuluoedd Gwasanaethau Cymorth Cynnar ar 01656 642651

Mae'r gallu i gyfarch cwsmeriaid drwy gyfrwng y Gymraeg yn un o'r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Mae trwydded yrru ddilys yn un o'r gofynion ar gyfer y swydd hon.

Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.

Dyddiad Cau: 08 Ebrill 2026

Dyddiad Llunio'r Rhestr Fer: 13 Ebrill 2026

Dyddiad y Cyfweliad: 20 Ebrill 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person