Dyletswyddau gofalu a chynorthwyo - Fel Gweithiwr Cymorth a Gofal (lefel 3), byddwch yn gyfrifol am sicrhau bod y gwasanaethau a ddarperir yn parhau i gydymffurfio'n llawn â Deddf Rheoleiddio ac Arolygu Gofal Cymdeithasol (Cymru) 2016 a'r rheoliadau cysylltiedig.
- Bod y swyddog sy'n gyfrifol pan fo'r Rheolwr/Dirprwy Reolwr yn absennol.
- Rhoi meddyginiaeth ar bresgripsiwn i ddefnyddwyr gwasanaeth, gan gynnwys cyffuriau rheoledig, a chynorthwyo i reoli system effeithiol ar gyfer rheoli a rhoi meddyginiaeth yn ddiogel yn unol â pholisi a gweithdrefnau rhanbarthol a mewnol.
- Cyflawni dyletswyddau fel y nodir mewn cynlluniau gofal a chymorth, bydd hyn yn cynnwys gweithio gyda defnyddwyr gwasanaeth sydd ag anghenion cymhleth neu ddwys.
- Cynorthwyo i asesu defnyddwyr gwasanaeth gan gynnwys y rheiny sydd ag anghenion cymhleth neu ddwys er mwyn llunio cynlluniau gofal a chymorth.
- Cynnal rhaglenni gwaith penodol yn uniongyrchol ac yn rhithwir gydag oedolion a hynny un-i-un neu mewn grup, gan weithio ochr yn ochr â gweithwyr proffesiynol ac asiantaethau eraill i gefnogi cynlluniau gofal a chymorth unigol.
- Cynorthwyo gyda datblygiad, darpariaeth, rhaglenni a phrosiectau'r gwasanaeth drwy ddatblygu a chynnal sesiynau/cefnogaeth benodol i ddefnyddwyr gwasanaeth sydd ag anghenion cymhleth a dwys.
- Trefnu dysgu a hyfforddiant sy'n seiliedig ar sgiliau gan gynnwys gwiriadau cymhwysedd rheolaidd ar gyfer meysydd a nodwyd ym mhecyn hyfforddi'r Cartref Gofal gyda staff ar Lefel 2, 1 a, lle bo'n briodol, aelodau eraill o staff y cartref.
- Bod yn gyfrifol fel Gweithiwr Cymorth a Gofal (Lefel 3) am sicrhau gweithredu systemau gweithio diogel a sefydledig a sicrhau y cedwir at y systemau hyn o ddydd i ddydd er mwyn galluogi'r gwasanaeth i fodloni gofynion RIDDOR, COSHH, codi a chario, cymorth cyntaf a meddyginiaeth.
- Ymateb i unrhyw sefyllfaoedd brys drwy gymryd y camau priodol e.e. cysylltu â meddyg, gwasanaeth ambiwlans, gwasanaeth tân, gwasanaeth heddlu ac ati.
- Bod yn gyfrifol am drin yn ddiogel eiddo ac offer sy'n perthyn i'r defnyddiwr gwasanaeth.
- Meithrin perthynas waith effeithiol gyda defnyddwyr gwasanaeth, a chyfathrebu'n dda â nhw.
- Adnabod a rheoli risgiau yn y byrdymor a'r tymor canolig i sicrhau bod defnyddwyr y gwasanaeth yn ddiogel a nodi risgiau y mae'n rhaid eu huwchgyfeirio i'r gweithiwr proffesiynol.
- Bod yn gyfrifol am gynnal gwaith ymyriadau ac atal, gan gynnwys achosion cymhleth, a fydd yn cefnogi unigolion â'u lles meddyliol, cymdeithasol a chorfforol a cheisio gwella eu canlyniadau tymor hir.
- Gweithio mewn partneriaeth ag unigolion, eu teuluoedd ac asiantaethau eraill mewn ffordd sy'n gyson ac yn rhagweithiol, gan ddefnyddio dull arwyddion diogelwch sy'n seiliedig ar gryfderau wrth gynllunio a chytuno ar gynlluniau gofal a chymorth i ddefnyddwyr gwasanaeth, gan gynnwys amgylchiadau pan fo'r berthynas yn anodd.
- Rhoi gofal personol yn unol â'r cynllun gofal a chymorth ac yn cynnwys y technegau codi a chario cywir.
- Defnyddio technegau Rheoli Ymddygiad Cadarnhaol neu Team Teach yn ôl cyfarwyddiadau'r cynllun gofal a chymorth.
- Rhoi datganiad tyst ar gyfer achos cyfreithiol petai angen.
- Diweddaru systemau cofnodi yn ôl y galw i gadw cofnod o'ch gwaith.
- Gweithio yn ystod y dydd a'r nos ar rota dreigl. Bydd disgwyl i staff nos weithio yn ystod y dydd ar adegau i gyflenwi, hyfforddi neu oruchwylio. Bydd gofyn i staff dydd gyflenwi shifft nos fel rhan o hyfforddiant neu i gyflenwi.
- Gwneud unrhyw ddyletswyddau eraill sy'n gymesur â lefel a disgwyliad y swydd, gan gynnwys pan fydd angen gweithio mewn Tîm ac/neu leoliad arall.
Sicrhau Ansawdd - Cefnogi gwerthuso bodlonrwydd defnyddwyr gwasanaeth gyda'r gwasanaeth a chyfrannu at y monitro gofynnol i Sicrhau Ansawdd.
- Rhoi gwybod i'r Tîm Rheoli am bob cwyn a chanmoliaeth.
- Trafod ac eirioli dros ddefnyddwyr gwasanaeth, teuluoedd ac eraill, yn ogystal â gyda nhw.
- Cynorthwyo a chymryd rhan mewn cyfarfodydd defnyddwyr gwasanaeth rheolaidd.
- Cadw cofnodion priodol yn unol â gofynion y Cyngor neu'r Gwasanaeth a darparu data pan fo hynny'n berthnasol.
- Goruchwylio ac arwain y tîm pan ydych ar shifft. Rhoi arweiniad clir i staff yn eu rôl, gan amlinellu eu cyfrifoldebau a thasgau ar gyfer y sifft honno.
Cyfrifoldebau Cyffredinol - Hyrwyddo'r Gymraeg a dewis iaith defnyddwyr gwasanaeth yn ôl gofynion safonau'r Gymraeg a fframwaith Mwy na Geiriau.
- Hyrwyddo cyfle cyfartal wrth ddarparu gwasanaethau.
- Gweithio fel tîm a deall eich rôl a'ch cyfrifoldebau chi ynddo.
- Sicrhau bod y cartref bob amser yn ddiogel wrth arwain sifft.
- Bod yr unigolyn penodedig sy'n trosglwyddo o un sifft i'r llall yn unol â phrotocol trosglwyddo.
- Bod yn gyswllt ar gyfer ymwelwyr a gweithwyr iechyd proffesiynol sy'n ymweld â'r cartref pan ydych ar sifft.
- Cadw gwybodaeth sy'n ymwneud â defnyddwyr gwasanaeth, ymwelwyr a staff yn gyfrinachol.
- Rhoi cyngor i'r Rheolwr / Rheolwr Cynorthwyol ynghylch unrhyw waith atgyweirio a chynnal a chadw sydd ei angen.
- Sicrhau bod yr holl gofnodion Iechyd a Diogelwch a goruchwylio gofynnol yn cael eu cwblhau yn unol â pholisïau a systemau perthnasol.
- Hyrwyddo a pharchu hawliau defnyddwyr gwasanaeth i breifatrwydd, urddas a dewis.
- Hebrwng defnyddwyr gwasanaeth yn allanol er mwyn iddynt gadw cysylltiadau cymunedol.
- Datblygu gwaith partneriaeth effeithiol gyda chydweithwyr mewnol ac allanol ac asiantaethau eraill.
- Cadw at ddeddfwriaeth a chanllawiau statudol perthnasol, polisïau a gweithdrefnau mewnol mewn perthynas â materion proffesiynol a gweinyddol.
- Bod yn ymwybodol a gwybod am Strategaethau Cenedlaethol a Lleol perthnasol gan gynnwys y Strategaeth Integredig Gydol Oes a Lles.
- Mynychu cyfarfodydd tîm, sesiynau goruchwylio a chyrsiau hyfforddiant pan fydd yn briodol ac yn unol â chyfarwyddyd y Rheolwr Llinell, ar gyfer datblygiad personol a phroffesiynol.
Disgrifiad Swydd a Manyleb Person
Os hoffech wybodaeth bellach am y rôl hon, cysylltwch â: Keneuoe Morgan -
Keneuoe.Morgan@ceredigion.gov.uk / Kelly Munro -
Kelly.Munro@ceredigion.gov.ukNoder: Cedwir yr hawl i ymestyn y dyddiad cau.Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o'r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau'r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a'ch urddas yn hollbwysig i ni drwy gydol y broses recriwtio.
Yr hyn a gynigwn Cydbwysedd bywyd a gwaith
Cynllun cynilo ffordd o fyw
Cynllun pensiwn cyflogwr hael
Cynllun beicio i'r gwaith
Dysgu a datblygu
Lle byddwch yn gweithio Porth Gofal - Gwasanaethau Ymyrraeth wedi'u Targedu
Rydym wrth wraidd darpariaeth gofal cymdeithasol gydol oes Ceredigion ac ein nod yw sicrhau bod pob unigolyn yn derbyn yr ymyrraeth orau i ddiwallu ei anghenion neu, lle bo angen, eu tywys at gymorth cynnar neu wasanaethau arbenigol.Ein prif swyddogaethau yw:
- Tîm Derbyn a Brysbennu Porth Ceredigion
- Gwasanaethau Ymyrraeth wedi'i Thargedu
- Gwasanaethau Maethu
- Gwasanaethau Preswyl a Gofal Dydd
- Gwasanaethau Tai
- Storfeydd Cyfarpar Cymunedol Integredig
- Tîm Dyletswydd Argyfwng
Aberystwyth Mae Aberystwyth yn dref brifysgol fywiog ac yn gyrchfan glan môr gyda phromenâd a phier. Yn ogystal dyma yw lleoliad y ddrama deledu atmosfferig Y Gwyll. Mae Aberystwyth yn lleoliad delfrydol i archwilio Llwybr Arfordir Cymru ar hyd Bae Cere...
Darllen mwy
