Rydyn ni'n recriwtio Gweithiwr Gofal Cymdeithasol yng Nghyngor Bwrdeistref Sirol Caerffili.
Oriau gwaith: 8 x 30 awr / 1 x 22.5 awr / 3 x Contractau dim oriau
Math o gontract: 9 x Rhan Amser, Parhaol / 3 x Wrth Gefn / Achlysurol
Lleoliad: Lleoliadau Amrywiol yn y Fwrdeistref
Tîm: Gwasanaethau Darparwyr
Mae'r swydd hon yn cynnig cyfle gwych i ddod yn rhan o'n tîm ni a darparu cymorth ar draws y sefydliad.
Rydyn ni'n talu cyflog deniadol o £22,454.59 - £23,565.41(30 awr) / £16,840.95 - £17,674.05 (22.5 awr) / £14.35 yr awr (Wrth Gefn / Achlysurol) ac yn cynnig mynediad at gyfleoedd hyfforddi a datblygu.
Bydd yr ymgeiswyr llwyddiannus yn cynorthwyo oedolion ag anableddau dysgu i ddatblygu sgiliau byw'n annibynnol a chymryd rhan weithredol yn eu cymuned. Byddwch chi'n grymuso unigolion i wneud eu dewisiadau eu hunain, meithrin hyder, a byw bywydau bodlon ac annibynnol. Drwy gymorth personol, sy'n canolbwyntio ar y person, byddwch chi'n hyrwyddo annibyniaeth, cynhwysiant a lles.
Gan weithio ochr yn ochr ag oedolion ag anableddau dysgu yn eu cartrefi ac yn y gymuned, byddwch chi'n eu helpu nhw i gyflawni eu nodau personol, boed hynny'n datblygu sgiliau bywyd pob dydd, ymuno â gweithgareddau cymunedol, neu archwilio cyfleoedd newydd sy'n gwella ansawdd eu bywyd.
Mae hon yn rôl werth chweil lle byddwch chi'n annog annibyniaeth, darparu cymorth parchus, a helpu unigolion i fanteisio ar y profiadau sydd bwysicaf iddyn nhw.
Bydd oriau contract y swydd hon yn cael eu gweithio ar sail gylchdro. Os oes angen rhagor o wybodaeth arnoch chi am yr oriau sydd ar gael, cysylltwch â'r rheolwr recriwtio gan ddefnyddio'r manylion wedi'u darparu isod. Mae'r swyddi wrth gefn/achlysurol hyn yn cael eu cynnig ar sail dim oriau, gyda gwaith ar gael yn ôl yr angen i gynorthwyo'r tîm a chyflenwi yn ystod absenoldebau tymor byr.
Bydd angen cyflawni cymhwyster Lefel 2 neu 3 mewn Iechyd a Gofal Cymdeithasol o fewn amserlen gytunedig ar gyfer y swydd hon.
Ar gyfer y rôl, gofynnwn i chi:
- Dealltwriaeth o'r egwyddorion sy'n sail i amgylchedd gofal o ansawdd, h.y. preifatrwydd, urddas, parch, dewis, annibyniaeth a hawliau.
- Profiad gyda phobl sydd angen cymorth gyda phob agwedd ar ofal personol, bywyd bob dydd a sgiliau cymdeithasol.
- Y gallu i weithio sifftiau ar sail rota, a gweithio'n hyblyg gan gynnwys penwythnosau, gwyliau banc a dyletswyddau cysgu i mewn.
Mae gennym ni fuddion rhagorol gan gynnwys Cynllun Pensiwn Llywodraeth Leol chynlluniau disgownt i staff.
I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau.
Ar ôl darllen y Swydd Ddisgrifiad a Manyleb Person, os hoffech gael trafodaeth anffurfiol am y rôl cysylltwch â Linda Birt ar 07808251575 neu ebost: birtl@caerphilly.gov.uk.
Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.
Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk am ragor o wybodaeth.
Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.
Mae Rheolau Gofal Cymdeithasol Cymru (Cofrestru) 2023 yn nodi'r gofyniad i'r holl weithwyr gofal plant preswyl, gweithwyr gofal cartref, gweithwyr cartrefi gofal i oedolion a gweithwyr canolfannau preswyl i deuluoedd gofrestru gyda Gofal Cymdeithasol Cymru o fewn chwe mis yn dilyn eich dyddiad dechrau yn y swydd.
Mae'n ofynnol bod deiliad llwyddiannus y swydd yn fenywaidd. Mae hon yn nodwedd warchodedig o dan ofyniad galwedigaethol y swydd yn unol â Deddf Cydraddoldeb 2010.
