Gweithiwr Gofal Plant Preswyl (GPP) Cymorth Lefel 1 x 10 swydd

Trosolwg o'r Swydd:

Rydym yn chwilio am Weithwyr Gofal Plant Preswyl lefel 1 - i ymuno â'n tîm, gan gynnig gwasanaethau preswyl cynhwysfawr i blant a phobl ifanc. Eich rôl fydd sicrhau bod eu hanghenion corfforol, cymdeithasol ac emosiynol yn cael eu diwallu, a meithrin eu datblygiad cyfannol wrth hybu gwydnwch. Mae'r swydd hon yn rhan o lwybr gyrfa i ofal preswyl i blant.

Gweithiwr Gofal Plant Preswyl Lefel 1:

Efallai nad oes gennych chi lawer o brofiad ond rydych chi'n angerddol am wneud gwahaniaeth, yn agored i ddysgu newydd ac eisiau adeiladu gyrfa. Fel Gweithiwr Lefel 1 byddwch yn mynychu coleg ac yn cael y cyfle i weithio ar draws ein lleoliadau preswyl. Byddwch yn gweithio ochr yn ochr â'n staff profiadol a fydd yn eich mentora a'ch hyfforddi. Ar ôl cwblhau eich cymhwyster byddwch yn symud ymlaen yn awtomatig i Weithiwr Lefel 2 ac yn gweithio o fewn un o'n lleoliadau preswyl.

Yr hyn yr ydym yn chwilio amdano:

• Natur gyfeillgar, ddibynadwy a chefnogol gyda golwg gadarnhaol ar fywyd.
• Y gallu i feithrin perthnasoedd cadarnhaol ac adeiladol gyda'r plant yr ydych yn eu cefnogi.
• Agored i ddysgu a datblygu sgiliau a gwybodaeth.

Rydyn ni'n gwybod bod gwneud cais am swyddi yn gallu bod yn frawychus ac efallai eich bod chi'n ansicr a oes gennych chi'r gwerthoedd, y sgiliau a'r profiad cywir. Mae gennym ni berson arbenigol o'r enw Mentor Cyflogaeth a fydd yn eich arwain a'ch cefnogi drwy'r broses recriwtio.

• Cymerwch amser i ddarllen y wybodaeth ychwanegol sy'n cyd-fynd â'r hysbyseb swydd hon a chysylltwch â ni.
• Rydym eisiau dysgu amdanoch chi ac rydym am rannu ein hangerdd dros ddatblygiad staff.

Pam Ymuno â Ni:

• Cyfle i wneud gwahaniaeth gwirioneddol ym mywydau plant a'u teuluoedd.
• Amgylchedd cefnogol a diogel lle mae lleisiau plant yn cael eu clywed ac yn canolbwyntio ar eu hanghenion unigol.
• Ymrwymiad i gefnogi plant a theuluoedd i ailuno ac aros gyda'i gilydd.
• Cyfle i ddechrau eich gyrfa Gweithiwr Gofal Plant Preswyl trwy ein Llwybr Dilyniant.
• Goruchwyliaeth reolaidd, hyfforddiant achrededig, ac adolygiadau datblygu perfformiad blynyddol.

Manylion y rheolwr ar gyfer trafodaeth anffurfiol:

Mark Rowley, Rheolwr Gweithlu (01492 577764 / Mark.rowley@conwy.gov.uk)

Gofynion y Gymraeg: Mae'r gallu i gyfarthrebu yn y Gymraeg yn Cymysgedd o hanfodol (x3) / dymunol (x7) ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau. Cysylltwch â'r Tîm AD ar 01492 576129 i gael cyngor pellach.

This form is also available in English.