Gweithwyr Cymorth Galluogi - Gwasanaeth Ail-alluogi Integredig

Ar hyn o bryd mae gennym swyddi gwag yn Nhîm Gofal Cartref Cyngor Bwrdeistref Sirol Torfaen.

Rydym yn rhan o Wasanaeth Ail-alluogi Integredig (AI) Torfaen. Rydym yn darparu gwasanaethau i unigolion sy'n byw yn y gymuned i'w cefnogi i fyw'n annibynnol, yn ddiogel ac yn iach yn eu cartrefi eu hunain neu yn ystod cyfnodau ail-alluogi pan fyddant yn aros yn Nhŷ Glas y Dorlan.

Disgwylir i'n Gweithwyr Cymorth Galluogi, weithio ledled bwrdeistref Torfaen (Gogledd a De) neu yn Nhŷ Glas y Dorlan.

Byddwch yn gweithio pedwar diwrnod allan o saith ar rota wedi'i gynllunio. Bydd angen i chi weithio cyfuniad o ddyddiau a nosweithiau neu nosweithiau yn unig. Yn gyfnewid, byddwch yn datblygu eich sgiliau ymhellach ac yn ennill profiad gwerthfawr yn y maes Gofal Cymdeithasol a byddwch yn rhan o wasanaeth arloesol.

Dyma'r manteision wrth weithio i ni. Maent yn cynnwys:-
• Tâl ychwanegol o 25% am weithio ar benwythnosau, 15% am weithio gyda'r nos a th al ychwanegol am weithio ar wyliau banc • 34 diwrnod o wyliau blynyddol (gan gynnwys hawl i wyliau banc) • Lwfans o 45c y filltir a thâl am amser teithio • Cynllun pensiwn • Gwiriadau DBS, gwisgoedd ac offer diogelu am ddim. • Ffôn symudol / rota electronig
Gofynion:-
• Bydd gennych ddealltwriaeth sylfaenol am ofal yn y gymuned a phrofiad o ofalu am unigolion mewn rôl â thâl neu'n wirfoddol. • Rhaid i chi fod yn gyfforddus yn gweithio ar eich pen eich hun, bod yn hyblyg a gallu cynnal perthynas waith dda gyda'r unigolion y byddwch chi'n eu helpu. Bydd angen agwedd brwdfrydig tuag at alluogi a bydd hyrwyddo annibyniaeth yn hollbwysig. • Mae trwydded yrru gyfredol y DU, yswiriant busnes a'r gallu i ddefnyddio'ch cerbyd eich hun yn hanfodol. • Dylech fod wedi cyflawni cymhwyster NVQ lefel II mewn Gofal - neu fod yn barod i weithio tuag at FfCCh Lefel 2 mewn Iechyd a Gofal Cymdeithasol • Rhaid i chi gofrestru fel Gweithiwr Gofal Cartref dan Ddeddf Rheoleiddio ac Arolygu Gofal Cymdeithasol (Cymru) 2016. font-size:12pt">Am drafodaeth anffurfiol am y swyddi gwag, cysylltwch â Gaynor Evans - Arweinydd Tîm y Gwasanaeth Ailalluogi Integredig ar 01495 766371 neu 07779 560836 neu g aynor.evans@torfaen.gov.uk

Mae'r swyddhon wedi' iheithrio o Ddeddf Adsefydlu Troseddwyr 1974. Bydd proses sgrinio gynhwysfawr yn cael ei chynnal ar gyfer pob ymgeisydd a fydd yn cynnwys gwiriad Manwl gyda'r Gwasanaeth Datgelua Gwahardd.

Mae Cyngor Bwrdeistref Siriol Torfaen yn ymdrechu i fod yn gyflogwr teg, cefnogol ac effeithiol. Mae'r Cyngor wedi ymrwymo i ddiogelu a hyrwyddo llesiant plant, pobl ifanc ac oedolion sy'n agored i niwed. Mae'r Cyngor yn disgwyl i'w gyflogeion, boed yn gweithio am dâl neu'n ddi-dâl, i rannu'r ymrwymiad hwn. Rydym yn gwerthfawrogi'r ystod o brofiadau a ddaw yn sgil gweithlu amrywiol ac felly rydym yn croesawu ceisiadau gan bobl o bob cefndir a grwpiau sy'n cael eu tangynrychioli.

Mae croeso i chi gyflwyno eich ffurflen gais yn Gymraeg neu yn Saesneg. Bydd pob cais yn cael ei drin yn gyfartal.

Rydyn ni wedi cofrestru fel Cyflogwr Hyderus o ran Anabledd, ac ymrwymo i gyflogi a datblygu gyrfaoedd pobl anabl. Mae ein Cynllun Gwarantu Cyfweliad yn gwarantu y bydd pobl ag anableddau yn cael eu gwahodd i gyfweliad, ar yr amod eu bod yn bodloni'r gofynion hanfodol ar gyfer y rôl. Os oes gennych gyflwr iechyd, os ydych yn niwroamrywiol, neu'n defnyddio Iaith Arwyddion Prydain, a hoffech drafod addasiadau rhesymol, cysylltwch â'r rheolwr recriwtio. Gallwn weithio gyda chi i drefnu addasiadau os ydym yn gwybod pa ofynion sydd gennych, cyn i chi gyflwyno'ch cais, sefyll prawf neu ddod i gyfweliad.