Gyrrwr/Gosodwr Nwyddau
Mae Vision Products yn fusnes wedi'i gefnogi yn rhan o'r Gwasanaethau i Oedolion. Rydyn ni'n darparu offer newydd ac offer sydd wedi'i adnewyddu i'r gymuned leol.
Rydyn ni'n dymuno penodi Gyrrwr/Gosodwr Nwyddau rhan amser i ymuno â'n Gwasanaeth Offer yn y Gymuned sy'n darparu gwasanaeth dosbarthu/casglu proffesiynol ac effeithlon.
Mae'r swydd yma wedi'i lleol yn Ystad Ddiwydiannol Lôn Coed Cae, Pont-y-clun, CF72 9HG.
Mae gofyn i'r ymgeisydd llwyddiannus fod ag agwedd ymarferol go iawn sy'n ystyried ei hun fel aelod da o garfan.
Bydd angen i chi feddu ar drwydded yrru lawn y DU a bydd y Cyngor yn darparu cerbyd i chi ymgymryd â'ch dyletswyddau.
Bydd dyletswyddau'n cynnwys:
- Sicrhau bod yr offer a'r wybodaeth gywir sydd wedi'u nodi ar y gwaith papur neu'r ddyfais law yn cael eu trosglwyddo i'r cwsmer.
- Llwytho offer a nwyddau i gerbydau ac oddi arnyn nhw mewn modd cywir a diogel
- Gosod a chyfarwyddo'r offer yn ddiogel
- Gweithredu prosesau megis gosod cod bar yn gywir a chofnodi profion yn electronig gan ddefnyddio dyfais symudol neu ddyfais law.
- Cwblhau taflenni cofnodi cerbydau a dogfennau cerbydau a theithiau eraill yn gywir yn ôl y gofyn.
- Darparu lefel wych o wasanaeth i gwsmeriaid.
Ar sail rota, fe fydd gofyn i chi fod yn rhan o ddarpariaeth gwasanaeth torri i lawr ac atgyweirio y tu allan i oriau gwaith.
Os ydych chi'n teimlo eich bod chi'n chwilio am her newydd yn rhan o wasanaeth prysur sy'n gwneud gwahaniaeth i annibyniaeth pobl yn y gymuned, e-bostiwch Fay Richards Fay.Richards@rctcbc.gov.uk neu David Redlar David.Redlar@rctcbc.gov.uk am ragor o wybodaeth am y rôl drwy e-bost.
Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y cyngor.
Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.
Mae'r Cyngor yn adnabod gwerth amrywiaeth yn y gweithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y brosess denu a dethol ar sail ei oedran, rhyw, hil, anabledd, cyfeiriadaeth rywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwyd Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Yn rhan o’i amcanion tymor hir mewn perthynas â’r Gymraeg a’i Strategaeth Cynllunio’r Gweithlu, mae’r Cyngor yn ymrwymo i gynllun sicrhau cyfweliad ar gyfer ymgeiswyr sydd wedi cyrraedd sgiliau Cymraeg Lefel 3 neu’n uwch na hynny. Os byddwch chi’n bodloni’r meini prawf hanfodol fel sydd wedi’u nodi yn y fanyleb person a bod eich sgiliau Cymraeg gyfwerth â Lefel 3 neu’n uwch, byddwch chi’n cael gwahoddiad i gyfweliad os ydych chi’n dymuno bod yn y cynllun.
Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Er mwyn gwireddu addewid gwirfoddol y Cyngor i gefnogi’r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr a milwyr wrth gefn, sy’n cwrdd â'r meini prawf hanfodol yn y fanyleb person, yn cael cynnig cyfweliad.
Unigolion â Phrofiad o fod mewn Gofal – Cynllun Gwarantu Cyfweliad
Yn rhan o rôl rhianta corfforaethol y Cyngor, mae wedi ymrwymo i gefnogi unigolion â phrofiad o fod mewn gofal. Dyma unigolion sydd wedi treulio amser yn y system ofal ar unrhyw adeg yn ystod eu bywyd. Rydyn ni'n annog ceisiadau gan unigolion â phrofiad o fod mewn gofal i'w galluogi nhw i gael mynediad at gyflogaeth, addysg, profiadau a chyfleoedd gwirfoddoli.
Bydd y Cyngor yn gwarantu cyfweliad ar gyfer unigolion â phrofiad o fod mewn gofal sy'n dymuno cymryd rhan yn y cynllun ac sy'n bodloni meini prawf hanfodol y swydd.
