Am Y Gwasanaeth
Mae cyfle cyffrous wedi codi o fewn y tîm Lleoliadau Gofal Plant Dechrau'n Deg yng Nghymorth Cynnar Caerdydd.
Dechrau'n Deg yw rhaglen Blynyddoedd Cynnar Llywodraeth Cymru wedi’i thargedu at deuluoedd â phlant dan 4 oed mewn rhai o ardaloedd mwyaf difreintiedig Cymru. Mae elfennau craidd y rhaglen wedi dod o amrywiaeth o opsiynau sydd wedi’u profi i ysgogi canlyniadau gwell i blant a'u teuluoedd. Mae’r rhain yn cynnwys:
- Gofal plant rhan-amser o ansawdd am ddim i blant 2-3 oed;
- Gwasanaeth Ymweliadau Iechyd gwell;
- Mynediad at Gymorth Rhianta
- Datblygiad Iaith Cynnar
Mae'r rhaglen Dechrau'n Deg yng Nghaerdydd yn eistedd o fewn Cymorth Cynnar Caerdydd. Mae Cymorth Cynnar Caerdydd yn wasanaeth arloesol a blaengar yn y gyfarwyddiaeth Gwasanaethau Plant yng Nghyngor Caerdydd. Mae Cymorth Cynnar Caerdydd yn cynnwys nifer o dimau amlbroffesiynol sy'n cydweithio â’i gilydd, yn ogystal â phartneriaid, i helpu teuluoedd.
Rydym yn cymryd lles ein staff o ddifrif ac yn ymdrechu bob amser i greu amgylchedd gwaith cadarnhaol sy'n gwneud i’n gweithlu gwych deimlo eu bod yn cael eu parchu a'u gwerthfawrogi.
Dyma rai enghreifftiau o’r ffordd rydym yn ymdrechu i gyflawni hyn:
- Hawl i wyliau blynyddol hael.
- Trefniadau gweithio y gellir eu haddasu, a all gynnwys cynllun fflecsi sy'n eich galluogi i weithio i amserlen sy'n addas i chi ac sy'n bodloni anghenion y gwasanaeth. (os yw’n berthnasol)
- Mynediad at Gronfa Bensiwn Caerdydd a Bro Morgannwg sy'n rhan o'r Cynllun Pensiwn Llywodraeth Leol (CPLlL), sy'n cynnig cynllun pensiwn diogel, hyblyg a dibynadwy.
- Mynediad at gyfleoedd hyfforddi a datblygu pellach i roi cyfle i chi ddatblygu eich gyrfa gyda ni.
- Mynediad at rwydweithiau cydraddoldeb cyflogeion ar gyfer cymorth, arweiniad a chymdeithasu (mae'r rhwydweithiau hyn yn cynnwys y Rhwydwaith Du, Asiaidd ac Ethnig Leiafrifol, y Rhwydwaith Gofalwyr, y Rhwydwaith Anabledd, y Rhwydwaith LHDT a’r Rhwydwaith Menywod).
- Cyfleoedd gweithio hybrid (os yw'n berthnasol)
- Mynediad at gymorth lles cyflogeion cynhwysfawr.
- Mynediad at y Platfform Manteision i Gyflogeion MyAdvantages (sy'n cynnwys mynediad at Gynllun Beicio i'r Gwaith y Cyngor a gostyngiadau unigryw gyda manwerthwyr fel Asda, Tesco ac Ikea).
Am Y Swydd
Mae’r swydd hon yn cael ei rheoli gan y Swyddfa Monitro Lleoliadau a Chontractau Gofal Plant.
Diben y swydd hon yw cefnogi'r Swyddog Monitro Lleoliadau a Chontractau Gofal Plant i ddyrannu a monitro presenoldeb ar gyfer plant Dechrau'n Deg cymwys.
Bydd deiliad y swydd yn gyfrifol am sicrhau bod dyraniadau tymhorol yn cael eu rheoli’n effeithiol ac yn effeithlon, gan sicrhau bod gwybodaeth berthnasol a chywir yn cael ei rhannu â lleoliadau Dechrau'n Deg, Ymwelwyr Iechyd Dechrau'n Deg a theuluoedd.
Bydd disgwyl i'r deiliad swydd hefyd drefnu a mynychu cyfarfodydd Ymwelwyr Iechyd i drafod lles plant sy'n mynychu lleoliadau Dechrau'n Deg yn ogystal â chynorthwyo'r Swyddog Monitro Lleoliadau a Chontractau Gofal Plant i gynnal hapwiriadau archwilio.
Beth Rydym Ei Eisiau Gennych
Bydd gan y deiliad swydd cywir brofiad o weithio mewn amgylchedd swyddfa a diddordeb mewn helpu teuluoedd a bydd ganddo brofiad amlwg o weithio mewn tîm amlbroffesiynol.
Rydym angen rhywun sy'n gweithio'n dda gydag eraill, sy'n gallu sefydlu a chynnal perthnasoedd gwaith cadarnhaol ac sydd â'r gallu i nodi, rhagweld ac asesu risgiau tymor byr, tymor canol a thymor hir.
Rydym yn chwilio am rywun sy'n hyblyg ac yn gallu ymaddasu ac sy'n gallu gweithio'n gyfforddus gyda newid. Bydd deiliad y swydd yn gallu defnyddio rhaglenni Microsoft Office gan gynnwys e-byst, taenlenni a dogfennau Word.
Mae manylion llawn y swydd i’w gweld yn y Disgrifiad Swydd a’r Fanyleb Person.
Mae’r Gymraeg yn ddymunol ond nid yn hanfodol.
Byddai’r gallu i siarad ieithoedd eraill, yn enwedig Cymraeg, ac ieithoedd cymunedol eraill o fantais.
Gwybodaeth Ychwanegol
I gael sgwrs anffurfiol am y rôl, cysylltwch ag alice.ridding@caerdydd.gov.uk. Mae'r rôl hon yn gyfle gyrfa ardderchog i'r ymgeisydd cywir.
Swydd dros dro yw hon tan 31/03/2027 (efallai opsiwn i ymestyn ymhellach)
Mae’n rhaid i ymgeiswyr mewnol sy’n dymuno gwneud cais am y swydd hon ar secondiad gael cymeradwyaeth cyn ymgeisio trwy ddefnyddio SEC 1 (4.C.381). Dim ond y canlynol sy’n gallu cymeradwyo ceisiadau: y Cyfarwyddwr / Cyfarwyddwr Cynorthwyol / Prif Swyddog neu uwch swyddog enwebedig perthnasol, nad yw ar raddfa is na RhG2, neu, yn achos staff ysgolion, y Pennaeth / Corff Llywodraethu.
Mae’r swydd hon yn addas i’w rhannu.
Mae’r swydd hon yn amodol ar Wiriadau Manwl gan y Gwasanaeth Datgelu a Gwahardd
Croesewir ceisiadau yn Gymraeg ac yn Saesneg. Ni chaiff ceisiadau a dderbynnir yn Gymraeg eu trin yn llai ffafriol na cheisiadau Saesneg.
Rydym yn deall y gallech ddefnyddio Deallusrwydd Artiffisial ac adnoddau eraill ar gyfer eich cais; fodd bynnag, gwnewch yn siŵr fod yr holl wybodaeth rydych chi'n ei darparu yn ffeithiol gywir, yn onest, yn wreiddiol ac nad yw'n cynnwys syniadau neu waith nad yw'n eiddo i chi.
Nodwch nad yw'r Cyngor yn derbyn CVs. Wrth gwblhau adran gwybodaeth ategol eich cais, sicrhewch eich bod yn cyfeirio at yr isod sydd ar ein gwefan:
Gwybodaeth bwysig y mae angen i chi ei darllen er mwyn cwblhau eich cais:
Gwybodaeth Ychwanegol:-
Atodiadau
