[Mewnol] Hyfforddai Therapi Galwedigaethol Academi Gofal Gwynedd

Lleoliad

Manylion

Disgrifiad o'r swydd

                                
Math Swydd – Aros mewn swydd, cael eich rhyddhau dau ddiwrnod yr wythnos yn ystod tymor Coleg a chwblhau cyfnodau o leoliad dros gyfnod o bedair blynedd.
Cyflog – Dim newid i swydd gyfredol. Wedi cymhwyso, bydd disgwiliad i'r ymgeisydd llwyddiannus cael swydd fel therapydd galwedigaethol o fewn tîmau Cyngor Gwynedd. 
Lleoliad – Sirol
Mae Academi Gofal Gwynedd yn cynnig cyfle cyffrous i chi ddatblygu eich gyrfa ym maes Gofal Cymdeithasol. Dyma gyfle i ymgeisio am gyfle datblygiadol i ddod yn Therapydd Galwedigaethol. Bydd gofynion penodol ar gyfer ymgeisio am y cyfle yma, gweler y swydd ddisgrifiad a manylion person am fwy o wybodaeth.
Mae’r cyfle yma ar gyfer aelodau staff adran Plant ac Oedolion yn unig. A bydd angen  swydd gyfredol Gofal uniongyrchol llawn amser gyda chytundeb am o leiaf pedair blynedd nesaf yn un o’r adrannau.
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog. (Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)  
Disgwylir i ymgeiswyr gael ymrwymiad eu rheolwyr i’r cynllun cyn gwneud cais.
Am sgwrs anffurfiol gellir cysylltu â Glenys Campbell ar 01286 679026. Bydd hefyd sesiwn wybodaeth yn cael ei gynnal dros Teams ar y 9fed o Fehefin  rhwng 1 - 2yp. I gadw lle cyswllt â CaisHyfforddiant@gwynedd.llyw.cymru
Bydd angen gwirio os ydych yn cyrraedd gofynion academaidd y cwrs cyn ymgeisio am y cyfle – gwiriwch yma neu cysylltwch ar Brifysgol – admissions@wrexham.ac.uk
Bydd yr adnodd yma yn ddefnyddiol i weld beth mae eich cymwysterau yn cyfateb i - Calculate your UCAS Tariff points | UCAS
Rhagwelir cynnal y cyfweliadau ar yr 30ain o Fehefin 2026 yn y Ganolfan Ddysgu, yng Nghaernarfon.
 
DYDDIAD CAU: 22.06.26 10:00AM
Os yn llwyddiannus i fod ar y rhestr fer am gyfweliad, byddwn  yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais.  Mae angen i chwi sicrhau eich bod yn gwirio  eich  E-BOST yn rheolaidd.
                            

                
NODWEDDION PERSONOL
HANFODOL
Sylfaen werthoedd cryf. 
Sgiliau cyfathrebu effeithiol, ar lafar ac yn ysgrifenedig, a hynny mewn sefyllfaoedd amrywiol. 
Sgiliau ac ymrwymiad i astudio.
Dealltwriaeth o waith Therapydd Galwedigaethol


									

						
							
								Dangos crynodeb llawn
							
							
						
						

							Profiad o waith uniongyrchol yn y maes Gofal. 
CYMWYSTERAU A HYFFORDDIANT PERTHNASOL
HANFODOL
Os yn llwyddiannus bydd angen sicrhau lle ar gwrs rhan amser Therapi Galwedigaethol Prifysgol Wrecsam yn cychwyn Ionawr 2027 trwy gynllun cefnogaeth bwrsariaeth Gwasanaeth Iechyd.
Swydd gyfredol Gofal uniongyrchol llawn amser gyda chytundeb am o leiaf pedair o Ionawr 2027 – Mehefin 2031 yn yr adran Oedolion, Iechyd a Llesiant neu Plant a Chefnogi Teuluoedd. Neu ymrwymiad ysgrifenedig gan Uwch Reolwr o fewn yr adrannau am hyd cytundeb pellach. 
PROFIAD PERTHNASOL
HANFODOL
Profiad helaeth yn y maes gofal
Profiad o weithio’n agos gyda Therapyddion Galwedigaethol
SGILIAU A GWYBODAETH ARBENIGOL
HANFODOL
Sgiliau rhyngbersonol rhagorol. 
Gwybodaeth drylwyr o’r maes Iechyd a Gofal Cymdeithasol. 
Ymwybyddiaeth o ymarfer da o fewn y maes therapi galwedigaethol a’r gallu i adlewyrchu ar eu hymarfer.

ANGHENION IEITHYDDOL
Rhugl yn y Gymraeg a’r Saesneg
                

                
Pwrpas y Swydd.
• Sicrhau bod pobl Gwynedd yn ganolog i bopeth yr ydan ni yn ei wneud.
• Cyfle i unigolyn sydd eisoes yn gweithio I adrannau Plant a Chefnogi Teuluoedd ac Oedolion, Iechyd a Llesiant Cyngor Gwynedd, ac os yn llwyddiannus wedi eu derbyn ar gwrs gradd Therapi Galwedigaethol rhan amser yn Brifysgol Wrecsam trwy gynllun bwrsariaeth iechyd.
• Mae natur cwrs rhan amser Prifysgol Wrecsam yn galluogi astudio gan barhau i weithio yn eich swydd gyfredol.
• Bydd yr Uned Datblygu Gweithlu yn talu i’r Adran/gwasanaeth am 2 ddiwrnod yr wythnos yn ystod tymor coleg a lleoliadau ymarfer 33 wythnos dros 4 blynedd. Talu costau teithio o’r man gwaith i Brifysgol Glyndŵr.
Cyfrifoldeb am Adnoddau. . e.e. staff, cyllid, offer
- 
Prif Ddyletswyddau. 
• Mynychu dyddiau Coleg yn gyson yn ystod y tymor. Yn ogystal â mynychu dyddiadau mewn lleoliad.
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
• Ymrwymiad i astudio, a hynny yn rhannol yn eu hamser personol.
• Cwblhau lleoliadau gwaith o gyfanswm o 33 wythnos dros 4 blynedd
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
• Cyn ymgeisio, mae’n bwysig i’r unigolyn ystyried y bydd angen ymrwymo amser personol i astudio.
• Mae’n ddisgwyliad i’r ymgeisydd drafod a chael ymrwymiad eu rheolwr i’r cynllun gan y bydd angen cydweithrediad y rheolwr er mwyn gallu rhyddhau o’r swydd/gweithle am gyfnodau’r lleoliadau a’r diwrnodau astudio. Bydd rhaid cael caniatad ysgrifenedig i’r egwyddor gan eu rheolwr a bydd angen cael copi o’r llythyr cadarnhad cyn y dyddiad cyflweld.
Yn dilyn cymhwyso, bydd yr unigolyn yn ymrwymo i weithio fel Therapydd Galwedigaethol am ddwy flynedd o fewn unrhyw wasanaeth ac unrhyw ardal yng Ngwynedd.