Pennaeth Plant a Theuluoedd

Pennaeth Plant a Theuluoedd

Ydych chi'n arweinydd tosturiol, gweledigaethol sy'n cael ei yrru gan werthoedd ac yn angerddol am wella bywydau plant a phobl ifanc?

Mae Cyngor Sir Caerfyrddin yn chwilio am arweinydd eithriadol a deinamig i ymgymryd â rôl hanfodol Pennaeth Plant a Theuluoedd, swydd arweinyddiaeth strategol allweddol sy'n rhan ganolog o'n sefydliad.

Mae hwn yn gyfle prin i lunio dyfodol Gwasanaethau Plant ar draws un o'r awdurdodau mwyaf a mwyaf uchelgeisiol yng Nghymru. Gan arwain gwasanaeth proffil uchel gydag agenda gwella gadarn, byddwch yn chwarae rhan hanfodol wrth sicrhau'r canlyniadau gorau posibl i blant, pobl ifanc, a'u teuluoedd ledled y sir.

Fel Pennaeth Plant a Theuluoedd, byddwch yn darparu arweinyddiaeth a chyfeiriad strategol ar gyfer yr holl Wasanaethau Plant yn yr Awdurdod, gan sicrhau bod gwasanaethau'n effeithiol, yn arloesol ac yn cael eu rheoli gan berfformiad. Rydym yn chwilio am arweinydd rhagorol sy'n gallu dod ag egni a gweledigaeth, sy'n adfyfyriol ac sy'n canolbwyntio'n ddi-baid ar ganlyniadau.

Byddwch yn arwain y gwaith o gyflawni'r holl gyfrifoldebau statudol yn effeithiol, gan gynnwys diogelu a rhianta corfforaethol. Byddwch hefyd yn arweinydd ysbrydoledig sy'n gallu ysgogi, datblygu ac ymgysylltu â gweithlu amlddisgyblaeth mawr. Mae'n hanfodol eich bodd yn hyrwyddo llais plant, pobl ifanc a theuluoedd gan sicrhau eu bod wrth wraidd popeth a wnawn. Mae hyrwyddo ein hymrwymiad i ymyrraeth gynnar ac atal, gan sicrhau bod gwasanaethau’n cael eu cynllunio i gyflawni canlyniadau ac i fod yn gynaliadwy yn y tymor hir, ynghyd â rhaglen uchelgeisiol ar gyfer llety a chymorth i blant a phobl ifanc, yn gyfrifoldebau allweddol.

Yn bennaf, byddwch yn rhannu ein hymagwedd benderfynol i wneud Sir Gaerfyrddin yn fan lle mae pob plentyn yn ddiogel, yn cael ei gefnogi ac yn gallu ffynnu.

Os ydych chi'n barod i ymgymryd â'r rôl arweinyddiaeth ddylanwadol hon a fydd yn rhoi boddhad mawr, byddem wrth ein bodd yn clywed gennych chi.

Mae'r Gymraeg yn rhan annatod o hunaniaeth Sir Gaerfyrddin a'i phobl. Bydd cymorth yn cael ei ddarparu i ddatblygu sgiliau Cymraeg lle bo angen.

Mae rhagor o fanylion am y rôl i'w gweld yma

I gael rhagor o wybodaeth, cysylltwch â:

Darren Mutter | djmutter@sirgar.gov.uk | 01267 224698