Am Y Gwasanaeth
Mae Canolfan Adnoddau Pobl Ifanc (CAPI) Gwasanaethau Plant Caerdydd yn cefnogi pobl ifanc 11-17 oed sydd ar ffiniau gofal. Y nod yw gwella canlyniadau i bobl ifanc a’u teuluoedd drwy gynnig gwasanaeth dwys sy’n seiliedig ar gryfderau ac yn ystyriol o drawma er mwyn ceisio osgoi gorfod dod o hyd i lety i’r person ifanc.
Rydym am recriwtio rheolwr tîm profiadol sy’n llawn cymhelliant ac yn ymroddedig i hyrwyddo’r syniad o bobl ifanc yn aros gyda’u teuluoedd os yw’n ddiogel iddynt wneud hynny. Rydym yn frwd dros weithio gyda theuluoedd i’w helpu i gyflawni’r canlyniadau gorau posibl i’w plant.
Am Y Swydd
Bydd Rheolwr y CAPI yn gyfrifol am ddatblygu a rheoli’r Ganolfan ac am reoli tîm o Weithwyr Cymorth a Dirprwy Reolwr, gan hefyd oruchwylio’r gwaith sesiynol a wneir gan therapyddion hyfforddedig. Rydym hefyd yn adeiladu ar y model hwn ac yn gobeithio datblygu gwasanaeth pobl ifanc i gynnig ymateb cryf i anghenion pobl ifanc.
Bydd Rheolwr y CAPI yn gweithredu arferion sy’n seiliedig ar dystiolaeth ac ymyriadau, gan sicrhau safon ardderchog o waith o fewn y tîm.
Beth Rydym Ei Eisiau Gennych
Bydd gan y rheolwr rôl allweddol wrth weithio mewn partneriaeth â holl sectorau perthnasol yr awdurdod lleol a gwasanaethau statudol, annibynnol a gwirfoddol eraill.
Ar gyfer y rôl hon mae angen cymhwyster proffesiynol perthnasol mewn gwaith cymdeithasol neu gymhwyster tebyg mewn nyrsio, addysg, gwaith ieuenctid neu faes arall sy’n ymwneud â’r swydd.
Gwybodaeth Ychwanegol
Gweler y disgrifiad swydd a’r fanyleb person wrth ymgeisio am y swyddi uchod.
Mae’r swydd yn destun Gwiriad Manwl gan y Gwasanaeth Datgelu a Gwahardd.
Fel rhan o’r swydd hon, efallai y bydd gofyn i chi fod wedi’ch cofrestru gyda Gofal Cymdeithasol Cymru.
Mae Diogelu ac Amddiffyn Plant yn flaenoriaethau allweddol i’r Cyngor. Ein nod yw cefnogi plant ac oedolion sy’n agored i niwed er mwyn sicrhau eu bod mor ddiogel ag y gallant fod. Mae ein gwasanaethau a’n hysgolion wedi ymrwymo i sicrhau diogelwch pob plentyn ac oedolyn sy’n agored i niwed, a byddant yn gweithredu i ddiogelu eu lles, ac yn cydnabod bod gan blant ac oedolion sy’n agored i niwed yr hawl i gael eu hamddiffyn. Caiff hyn ei gefnogi yn ethos cyffredinol y Cyngor a’r holl ysgolion.
Mae’r swydd hon yn addas i'w rhannu.
Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.
Rydym yn deall y gallech ddefnyddio deallusrwydd artiffisial ac adnoddau eraill ar gyfer eich cais; fodd bynnag, gwnewch yn siŵr fod yr holl wybodaeth rydych chi'n ei chyflwyno yn ffeithiol gywir, yn onest, yn wreiddiol ac nad yw'n cynnwys syniadau neu waith nad ydynt yn eiddo i chi.
Sylwer nad yw'r Cyngor yn derbyn CVs. Wrth gwblhau adran gwybodaeth ategol eich cais, sicrhewch eich bod yn cyfeirio at yr isod sydd ar ein gwefan:
Gwybodaeth bwysig y mae angen i chi ei darllen er mwyn cwblhau eich cais:
Gwybodaeth Ychwanegol:-
Atodiadau
