37 awr yr wythnos
Yn ystod y tymor
Cyfnod Penodol hyd at 31 Mawrth 2028
Arwain. Arloesi. Ysbrydoli.
Mae Tîm Blynyddoedd Cynnar a Gofal Plant Pen-y-bont ar Ogwr yn chwilio am arweinydd eithriadol a blaengar i adeiladu ar gryfderau presennol ein darpariaeth blynyddoedd cynnar a gynhelir ar adeg dyngedfennol o dwf, newid a gweledigaeth newydd.
A chithau'n Rheolwr ar gyfer Darpariaeth Blynyddoedd Cynnar a Gynhelir, byddwch yn darparu arweinyddiaeth strategol ar draws ein portffolio o leoliadau blynyddoedd cynnar, gan lunio darpariaeth arloesol, gynhwysol sy'n darparu'r canlyniadau gorau i blant a theuluoedd.
Mae'r rôl yn gyfle unigryw i arwain, nid dim ond systemau a strwythurau, ond i ddatblygu'r cwricwlwm, addysgeg a dulliau asesu sy'n sail i ymarfer rhagorol yn y blynyddoedd cynnar.
Y Rôl
Gyda chymorth uwch dîm gwybodus a phrofiadol, byddwch yn:
Darparu arweinyddiaeth a chyfeiriad strategol ar gyfer yr holl leoliadau a gynhelir, gan sicrhau cysondeb â'n gweledigaeth newydd, blaenoriaethau'r awdurdod lleol a disgwyliadau cenedlaethol.
Arwain y gwaith o ddatblygu a gweithredu'r Fframwaith ar gyfer Chwarae, Dysgu a Gofal Plentyndod Cynnar (ECPLC), gan sicrhau dull cryf, cydlynol o ran y cwricwlwm, addysgeg ac asesu.
Cefnogi arweinwyr lleoliadau i ymgorffori ymarfer myfyriol, sy'n cael ei lywio gan dystiolaeth ac sy'n ddatblygiadol briodol wedi'i angori yn y tri galluogydd.
Arwain, ysbrydoli a datblygu uwch dîm sy'n perfformio'n dda, gan feithrin diwylliant o gydweithio, atebolrwydd a gwelliant parhaus.
Ysgogi cysondeb a rhagoriaeth ar draws pob lleoliad wrth barchu cyd-destun unigryw pob un ohonynt.
Sicrhau bod ymarfer yn gynhwysol o'r cychwyn, gan alluogi plant – gan gynnwys y rhai ag anghenion dysgu ychwanegol – i ffynnu.
Defnyddio data, arsylwi a deialog broffesiynol i gefnogi arweinyddiaeth fwriadol sy'n arwain at ganlyniadau gwell i blant.
Sicrhau llywodraethu, cydymffurfiaeth a chynaliadwyedd effeithiol ar draws y portffolio a gynhelir.
Amdanoch chi
Rydym yn chwilio am arweinydd sydd â:
Phrofiad sylweddol o arwain darpariaeth blynyddoedd cynnar, gyda dealltwriaeth gref o'r cwricwlwm ac addysgeg.
Arbenigedd amlwg ym maes datblygu'r cwricwlwm, addysgeg ac asesu yn y blynyddoedd cynnar, yn ddelfrydol wedi'i gysylltu ag ECPLC neu fframweithiau tebyg.
Gallu trosi gweledigaeth yn ymarfer, gan gefnogi eraill i gyflawni gwelliant ystyrlon a pharhaus.
Hanes cryf o ddatblygu ymarfer eraill ac adeiladu capasiti proffesiynol.
Dod â meddylfryd arloesol, gyda'r gallu i ymateb yn greadigol i her a newid.
Arwain gyda bwriadoldeb, gan ddefnyddio tystiolaeth a mewnwelediad i lywio penderfyniadau.
Adeiladu perthnasoedd cryf ac yn gallu dylanwadu ar draws tirwedd partneriaeth gymhleth.
Mae'r rôl hon yn gyfle prin i ymgorffori gweledigaeth newydd, uchelgeisiol ac i lunio cwricwlwm ac ymarfer ar raddfa ar draws darpariaeth blynyddoedd cynnar a gynhelir. Yn ogystal, gan weithio fel rhan o wasanaeth cefnogol, cydweithredol a blaengar, yn ymrwymedig i welliant parhaus a dysgu proffesiynol, bydd deiliad y swydd yn cael cyfleoedd sylweddol i gyfrannu at arweinyddiaeth systemau ehangach a dylanwadu ar ymarfer, darpariaeth a blaenoriaethau ar draws y blynyddoedd cynnar ym Mhen-y-bont ar Ogwr.
Os ydych yn credu mor gryf â ni ym mhwysigrwydd y Blynyddoedd Cynnar ac mae'r her hon yn gyffrous i chi, rydym am glywed gennych. Mae trafodaeth gyda'n Rheolwr Blynyddoedd Cynnar a Gofal Plant, Stephanie Thomas, yn cael ei hannog yn gryf ac mae'n hawdd trefnu hyn. Cysylltwch â stephanie.thomas@bridgend.gov.uk i ofyn unrhyw gwestiynau sydd gennych neu i drefnu apwyntiad ar gyfer sgwrs anffurfiol.
Nodwch, bydd y rôl yn seiliedig yn y maes yn bennaf, gan weithio hefyd o'n canolfannau yng Nghanolfan Hyfforddi Lewistown a Chanolfan Blant Integredig Corneli. Dylai ymgeiswyr fod yn ymwybodol, gan y bydd y swydd hon yn ei gwneud yn ofynnol teithio ar draws Pen-y-bont ar Ogwr, bod trwydded yrru ddilys a'r defnydd o gar yn ystod oriau gwaith yn un o'r gofynion penodi.
Os ydych yn teimlo eich bod yn meddu ar y sgiliau, y profiad a'r angerdd angenrheidiol i ffynnu yn yr hyn sy'n addo bod yn rôl amrywiol, gyffrous a chyflym, edrychwn ymlaen at dderbyn eich cais.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Dyddiad Cau: 01 Gorffennaf 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
