Am Y Gwasanaeth
Mae cyfle cyffrous wedi codi i weithiwr proffesiynol diogelu profiadol ymuno â Chanolfan Diogelu ac Adolygu Cyngor Caerdydd fel Rheolwr Gwasanaeth - Swyddog Dynodedig Diogelu.
Mae'r Ganolfan Diogelu ac Adolygu yn dwyn ynghyd ystod o swyddogaethau diogelu ac adolygu arbenigol sy'n cefnogi plant, oedolion mewn perygl a'r system ddiogelu ehangach ledled Caerdydd. Mae'r gwasanaeth yn allweddol wrth hyrwyddo arferion diogelu o ansawdd uchel, darparu her broffesiynol, a sicrhau bod pryderon yn cael eu rheoli'n deg, yn gymesur ac yn effeithiol ar draws asiantaethau.
Mae hon yn rôl arwain bwysig o fewn gwasanaeth sefydledig sy'n gweithio wrth wraidd partneriaethau diogelu ar draws Gwasanaethau Plant, Gwasanaethau Oedolion, Addysg, Iechyd, yr Heddlu ac asiantaethau allweddol eraill.
Am Y Swydd
Fel Swyddog Dynodedig Cyngor Caerdydd ar gyfer Diogelu, byddwch yn arwain y Tîm Pryderon Ymarferwyr ac yn rhoi goruchwyliaeth strategol o honiadau a phryderon diogelu sy'n ymwneud ag ymarferwyr a phobl mewn swyddi ymddiriedaeth ledled y ddinas.
Byddwch yn rhoi arweinyddiaeth a goruchwyliaeth broffesiynol ar gyfer materion diogelu cymhleth a sensitif, gan weithio'n agos gyda chyflogwyr, ysgolion, sefydliadau partner ac asiantaethau diogelu i sicrhau bod risgiau'n cael eu hasesu a'u rheoli'n briodol. Byddwch yn cadeirio ac yn goruchwylio cyfarfodydd strategaeth broffesiynol, yn rhoi cyngor ac ymgynghoriaeth ar ddiogelu arbenigol, ac yn cefnogi penderfyniadau cadarn ac amddiffynadwy mewn amgylchiadau heriol.
Mae gan y rôl hefyd gyfrifoldeb rheoli am y Tîm Diogelu Addysg, sy'n darparu cyngor, cefnogaeth a her i ysgolion a lleoliadau addysg ledled Caerdydd. Gan weithio ochr yn ochr â'r tîm, byddwch yn helpu i gryfhau trefniadau diogelu o fewn addysg, cefnogi gweithio mewn partneriaeth, a hyrwyddo ymatebion effeithiol i bryderon diogelu.
Gan adrodd i'r Rheolwr Gweithredol, sydd hefyd yn cyflawni swyddogaeth y Swyddog Dynodedig Awdurdod Lleol (LADO), byddwch yn chwarae rôl allweddol wrth lunio arferion diogelu, gan gyfrannu at ddatblygu gwasanaethau, sicrhau ansawdd a blaenoriaethau diogelu corfforaethol ehangach ar draws y Cyngor.
Beth Rydym Ei Eisiau Gennych
Rydym yn chwilio am arweinydd diogelu profiadol a chredadwy gyda phrofiad sylweddol o waith cymdeithasol a dealltwriaeth gref o ddeddfwriaeth, polisi ac arfer diogelu.
Bydd gennych:
- Brofiad helaeth o weithio o fewn gwasanaethau diogelu a rheoli arferion diogelu cymhleth.
- Gwybodaeth gref o Adran 5 o Weithdrefnau Diogelu Cymru a rheoli honiadau a phryderon sy'n ymwneud ag ymarferwyr a'r rhai mewn swyddi ymddiriedaeth.
- Profiad o gadeirio cyfarfodydd aml-asiantaeth cymhleth a gweithio'n effeithiol gydag ystod o sefydliadau statudol a phartner.
- Y gallu i ddarparu her, cyngor ac ymgynghoriad proffesiynol i uwch reolwyr, cyflogwyr a phartneriaid diogelu.
- Ymrwymiad i weithio mewn partneriaeth, gwella gwasanaethau a chyflawni'r canlyniadau gorau i blant ac oedolion mewn perygl.
- Sgiliau arwain a rheoli amlwg, gyda'r gallu i ysgogi, datblygu a chefnogi staff o fewn gwasanaethau diogelu cymhleth a sensitif.
Byddai profiad o weithio ochr yn ochr â threfniadau diogelu addysg, ysgolion neu bartneriaethau diogelu ehangach yn fuddiol.
Pam Caerdydd?
Mae Caerdydd wedi ymrwymo i ddarparu gwasanaethau diogelu o ansawdd uchel a hyrwyddo dull ymarfer sy'n seiliedig ar gryfderau. Rydym yn awdurdod lleol blaengar sy'n gwerthfawrogi arloesedd, cydweithredu a gwelliant parhaus.
Mae hwn yn gyfle unigryw i arwain swyddogaeth diogelu arbenigol, dylanwadu ar arferion ar draws asiantaethau, cefnogi'r gwaith o ddatblygu diogelu mewn lleoliadau addysg, a chyfrannu at drefniadau diogelu ledled prifddinas Cymru.
Gwybodaeth Ychwanegol
I gael trafodaeth anffurfiol am y rôl, anfonwch e-bost i recriwtiwchfi@caerdydd.gov.uk
Mae’r swydd hon yn destun Gwiriad Manwl y Gwasanaeth Datgelu a Gwahardd.
Mae Cyngor Caerdydd wedi ymrwymo i ddiogelu a hyrwyddo lles plant, pobl ifanc ac oedolion sydd mewn perygl. Rydym yn disgwyl i'r holl weithwyr rannu'r ymrwymiad hwn.
Croesewir ceisiadau yn Gymraeg ac yn Saesneg. Ni fydd ceisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.
Mae’r swydd hon yn amodol ar Wiriadau Manwl gan y Gwasanaeth Datgelu a Gwahardd.
Fel rhan o’r swydd hon, rhaid i chi fod wedi’ch cofrestru gyda Gofal Cymdeithasol Cymru.
Mae Diogelu ac Amddiffyn Plant yn flaenoriaethau allweddol i’r Cyngor. Ein nod yw cefnogi plant ac oedolion sy’n agored i niwed er mwyn sicrhau eu bod mor ddiogel ag y gallant fod. Mae ein gwasanaethau a’n hysgolion wedi ymrwymo i sicrhau diogelwch pob plentyn ac oedolyn sy’n agored i niwed, a byddant yn gweithredu i ddiogelu eu lles, ac yn cydnabod bod gan blant ac oedolion sy’n agored i niwed yr hawl i gael eu hamddiffyn. Caiff hyn ei gefnogi yn ethos cyffredinol y Cyngor a’r holl ysgolion.
Oherwydd y trefniadau gwaith dros dro presennol, ni allwn ddarparu pecynnau recriwtio na derbyn ffurflenni cais drwy'r post.
Ar hyn o bryd mae cyfweliadau'n cael eu cynnal Wyneb yn Wyneb ac yn rhithwir dros Microsoft Teams. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, cysylltwch â Laura.white3@caerdydd.gov.uk i gael trafodaeth.
Sylwer nad yw'r Cyngor yn derbyn CVs. Wrth gwblhau adran gwybodaeth ategol eich cais, sicrhewch eich bod yn cyfeirio at yr isod sydd ar ein gwefan:
Gwybodaeth bwysig y mae angen i chi ei darllen er mwyn cwblhau eich cais:-
Gwybodaeth Ychwanegol:-
Atodiadau
