Lleoliad gwaith: Coed Pella
Ydych chi'n angerddol am wneud gwahaniaeth cadarnhaol ym mywydau plant a theuluoedd?
A oes gennych chi'r sgiliau arwain a'r ymrwymiad i gefnogi gofalwyr a grymuso plant a phobl ifanc i gyflawni eu potensial llawn?
Os felly, byddai Gwasanaethau Plant Conwy wrth eu boddau yn clywed gennych!
Mae cyfle prin wedi codi ar gyfer Rheolwr Tîm Unigolion Cysylltiedig o fewn Gwasanaeth Maethu Conwy.
Mae Conwy wedi dangos ymrwymiad cryf i sicrhau bod mwy o blant yn gallu aros o fewn eu rhwydwaith teuluol, nod sy'n cyd-fynd â'r drefn sy'n datblygu o ran cefnogaeth gan berthnasau. Os oes gennych angerdd am wneud gwahaniaeth ac awydd bod yn rhan o'r newidiadau cadarnhaol hyn, gallai hwn fod yn gyfle gwych i ymuno â ni!
Gan adrodd i'r Rheolwr Adain, byddwch yn arwain tîm ymroddedig a phrofiadol o aelodau staff, gan ddarparu goruchwyliaeth reoli a chefnogaeth broffesiynol i weithwyr cymdeithasol goruchwylio, gweithiwr cymdeithasol asesu a chydlynydd y GGA. Byddwch yn chwarae rhan allweddol wrth sicrhau bod assiduous o ansawdd uchel yn cael eu cyflwyno sy'n nodi cryfderau, anghenion a gofynion cymorth gofalwyr cysylltiedig, gan helpu i greu amgylcheddau sefydlog a meithringar lle gall plant ffynnu a chyflawni'r canlyniadau gorau posibl.
Mae'r gwasanaeth wedi hen sefydlu ac yn adnabyddus am ei ddiwylliant o gefnogaeth a chydweithio. Fel rhan o'r Tîm Rheoli Maethu ehangach, byddwch yn ymuno â grŵp arwain profiadol a pharhaol sy'n gweithio'n agos gyda'i gilydd ac yn rhoi croeso cynnes i gydweithwyr newydd.
Wrth wraidd y rôl hon mae ymrwymiad i sicrhau bod lles, diogelwch ac anghenion unigol plant sy’n derbyn gofal yn parhau i fod yn ganolog i bob agwedd ar gefnogaeth ac arferion maethu.
Mae’n hanfodol bod deiliad y swydd yn gallu teithio ar hyd a lled y Sir yn rheolaidd, yn aml i fannau anghysbell ar fyr rybudd.
Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.
Yn gyfnewid, gallwch ddisgwyl:
• Hawl hael i wyliau
• Cynllun Pensiwn Llywodraeth Leol
• Gostyngiadau ac arian yn ôl mewn siopau stryd fawr lleol
• Cyfle i brynu cynllun arian iechyd i hawlio tuag at gostau deintyddol, sbectol, therapi ac ati
• Mynediad am ddim, ddydd a nos, at y rhaglen cymorth i weithwyr am gyngor a chymorth
Manylion y rheolwr ar gyfer trafodaeth anffurfiol: Elin Dickin Rheolwr Adain – Adnoddau Gofal 01492 576357 Elin.dickin@conwy.gov.uk
Gofynion y Gymraeg: Mae’r gallu i gyfarthrebu yn y Gymraeg yn ddymunol ar gyfer y swydd hon. Rydym ni wedi ymrwymo i'r Gymraeg ac yn falch iawn o’n diwylliant Cymreig. Rydym yn croesawu ceisiadau yn y Gymraeg a’r Saesneg fel ei gilydd ac ni fydd ffurflenni cais a dderbynnir yn y naill iaith na’r llall yn cael eu trin yn llai ffafriol na’i gilydd. Rydym yn frwdfrydig dros eich cefnogi a’ch annog i ddefnyddio’ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i’ch cefnogi chi ymhellach.
Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.
Cliciwch yma i ddysgu am y manteision o ymuno â Thîm Conwy.
Dysgwch fwy am ein proses recriwtio drwy fynd i’n Tudalen Proses Recriwtio.
Rydym wedi ymrwymo i ddatblygu gweithlu amrywiol a thimoedd cynhwysol sy’n croesawu ystod eang o leisiau, profiadau, safbwyntiau a chefndiroedd. Mae creu gweithle sy’n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.
Croesawn ac anogwn ymgeiswyr o bob cefndir a phrofiadau.
Rydym yn Gyflogwr Hyderus o ran Anabledd. Os oes gennych anabledd wedi’i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda ‘H’ ar y Manylion am yr Unigolyn). Angen rhywfaint o gymorth gyda'ch cais? Mae gennym awgrymiadau, canllawiau a gwasanaethau cymorth i'ch helpu chi drwyddo.
Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â’r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch â’r Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.
This form is also available in English.
