37 awr yr wythnos
Rydym yn ceisio recriwtio Therapydd Galwedigaethol uchelgeisiol sy'n awyddus i arwain a datblygu gwasanaethau mewn ffordd integredig. Bydd yr ymgeisydd llwyddiannus yn arwain a rheoli elfen Therapi Galwedigaethol proffesiynol y Tîm Therapi Galwedigaethol Cymunedol yn weithredol o fewn y Tîm Adnoddau Cymunedol (CRT); a bod â chyfrifoldebau dirprwyo ar gyfer y Rheolwr Gwasanaeth Asesu Arbenigol Integredig, sydd â chyfrifoldeb therapi clinigol integredig am staff therapi a'r Gwasanaeth Synhwyraidd ar draws y CRT a'r Timau Rhwydweithiau Integredig. Gweithio ar y cyd â gweithwyr proffesiynol arweiniol y CTM wrth ddarparu gwasanaeth therapi galwedigaethol ym Mhen-y-bont ar Ogwr ar draws CBSP a CTM.
Byddant yn cefnogi llif effeithiol ac amseroldeb gwaith y Gwasanaeth Therapi Galwedigaethol. Sicrhau bod gan staff y sgiliau a'r wybodaeth briodol i gefnogi anghenion ym Mhen-y-bont ar Ogwr.
Cefnogi datblygiad strategol y gwasanaeth mewn ffordd integredig.
Bod ar gael yn y swyddfa ar gyfer ymgynghori proffesiynol ac arweinyddiaeth, ond ar gael hefyd ar gyfer ymweliadau ar y cyd ar achosion sydd â'r risg neu'r her uchaf.
Gan weithredu fel arweinydd Therapi Galwedigaethol proffesiynol, byddwch yn darparu cymorth gweithredol a chyngor Therapi Galwedigaethol arbenigol i'r Rheolwr Gwasanaeth Asesu Arbenigol Integredig, gyda rheolaeth a chyfrifoldeb o ddydd i ddydd am ymarfer proffesiynol Therapi Galwedigaethol. Gan gynorthwyo dull amlddisgyblaethol, bydd y tîm yn canolbwyntio ar oedolion y mae cyflyrau cymhleth ac andwyol hirdymor yn effeithio arnynt; gweithredu canllawiau diogelu Cymru Gyfan i amddiffyn a chefnogi oedolion sydd mewn perygl. Bydd y swydd hefyd yn gyfrifol am asesu anghenion plant ac yn cydweithio â nifer o weithwyr proffesiynol ar draws gwasanaethau fel Iechyd a Thai.
I gael rhagor o wybodaeth cysylltwch â Jason Howells yn jason.howells@bridgend.gov.uk neu jason.howells@wales.nhs.uk
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Plant ac Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 3 Mehefin 2026
Dyddiad Llunio'r Rhestr Fer: 5 Mehefin 2026
Dyddiad y Cyfweliad: 19 Mehefin 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
