Social Worker- Supported Lodgings Service

Mae Cyngor Bwrdeistref Sirol Wrecsam yn awyddus i benodi Gweithiwr Cymdeithasol Lefel 3 llawn cymhelliant a phroffesiynol i fod â rôl allweddol wrth ddatblygu a gwella Gwasanaeth Llety â Chefnogaeth i bobl ifanc yn Wrecsam yn y Tîm Gadael Gofal. Bydd Llety â Chefnogaeth yn darparu llety i berson ifanc o fewn cartref teuluol, lle bydd gan y person ifanc eu hystafell eu hun a rhyw raddau o annibyniaeth. Prif nod llety â chefnogaeth yw darparu amgylchedd aelwyd gyda chymorth sy'n galluogi'r person ifanc i ddatblygu sgiliau ymarferol, emosiynol a pherthnasoedd a fydd yn sicrhau eu bod yn pontio'n llwyddiannus o ofal i annibyniaeth ac i fod yn oedolion.

Bydd deiliad y swydd yn gyfrifol am sicrhau bod gwasanaeth diogel, priodol sy'n cael ei reoli'n dda'n cael ei gynnig i bobl ifanc lle mae dewis y math yma o dai a gofal sydd fwyaf priodol. Bydd hyn yn cynnwys recriwtio a chymeradwyo teulu sy'n derbyn plant a'u cefnogi yn eu rôl. Bydd deiliad y swydd yn gweithio mewn modd integredig gyda'r timau Gadael Gofal, Plant sy'n Derbyn Gofal, Maethu a Thai a bydd ganddynt brofiad o weithio gyda phobl ifanc ddiamddiffyn a'r rhai hynny sy'n gweithio neu'n gofalu amdanynt. I gyflawni'r swydd, bydd gofyn i ddeiliad y swydd fod yn drefnus, bod â sgiliau ymgysylltu da a gwybodaeth ragorol am bob deddfwriaeth a chanllaw perthnasol yn ymwneud â'r grŵp hwn o ddefnyddwyr gwasanaeth.

I gael rhagor o wybodaeth, neu i gael sgwrs anffurfiol am y swydd, cysylltwch â Danielle Ford, Danielle.ford@wrexham.gov.uk

Mae angen gwiriad manwl gan y Gwasanaeth Datgelu a Gwahardd a chofrestriad Gofal Cymdeithasol Cymru ar gyfer y swydd hon. Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg.

Eitemau wedi'u Llwytho i Lawr:

G09 Job ... (.doc) (124kb) , G09 Swyd... (.doc) (126kb)