Rydyn ni'n recriwtio Swyddog Adolygu yng Nghyngor Bwrdeistref Sirol Caerffili.
Oriau gwaith: 37 oriau
Math o gontract: Parhaol
Lleoliad: Canolfan Iechyd a Gofal Cymdeithasol Integredig Rhymni
Tîm: Tîm Pobl Hŷn Gogledd
Mae'r swydd hon yn cynnig cyfle gwych i ddod yn rhan o'n tîm ni a darparu cymorth ar draws y sefydliad.
Rydyn ni'n talu cyflog deniadol o £31,537 - £34,434 ac yn cynnig mynediad at gyfleoedd hyfforddi a datblygu.
Rydyn ni’n chwilio am Swyddog Adolygu i ymuno â Thîm Pobl Hŷn (Gogledd), sydd wedi'i leoli yng Nghanolfan Iechyd a Gofal Cymdeithasol Integredig Rhymni. Mae prif gyfrifoldebau'r rôl hon yn cynnwys cynnal adolygiadau wedi'u trefnu ac asesiadau lefel is, yn ogystal â chyfrannu at swyddogaeth ddyletswydd y tîm.
Bydd angen i'r rhai sy'n cyflwyno cais feddu ar ddealltwriaeth dda o ddull gofal cymdeithasol sy’n canolbwyntio ar ganlyniadau a chymhwyso’r egwyddorion sydd wedi'u nodi yn Neddf Gwasanaethau Cymdeithasol a Llesiant (Cymru) 2014.
Rydyn ni’n dîm sefydledig sydd â diwylliant cadarn o weithio gyda’n gilydd a chynorthwyo ein gilydd. Os ydych chi'n bodloni'r meini prawf ar y disgrifiad swydd sydd ynghlwm, byddem ni wrth ein bodd o gael clywed gennych chi!
Ar gyfer y rôl, rydyn ni'n gofyn bod gennych chi'r canlynol:
- Diploma Lefel 3 mewn Iechyd a Gofal Cymdeithasol (Oedolion) neu gymwyster Lefel 3 cyfatebol ar Fframwaith Credydau a Chymwysterau Cymru.
- Profiad o ddefnyddio menter, hunanddibyniaeth a chymryd risg berthnasol briodol o ran hyrwyddo annibyniaeth defnyddwyr gwasanaeth a chanlyniadau cadarnhaol.
- Trwydded yrru lawn y DU Categori B (Ceir) a defnydd o gerbyd modur wedi'i yswirio at ddibenion busnes i deithio ledled y Fwrdeistref Sirol i ymweld â defnyddwyr gwasanaeth a mynychu cyfarfodydd.
Mae gennym ni fuddion rhagorol gan gynnwys Cynllun Pensiwn Llywodraeth Leol a chynlluniau disgownt i staff.
I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau.
Ar ôl darllen y Swydd Ddisgrifiad a Manyleb Person, os hoffech gael trafodaeth anffurfiol am y rôl cysylltwch â Beth McIntyre ar 07879693907 neu ebost: MCINTB@CAERPHILLY.GOV.UK / Debra Ford ar 07548153257 neu ebost: FORDD@CAERPHILLY.GOV.UK
Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.
Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk am ragor o wybodaeth.
Nid yw Cyngor Bwrdeistref Sirol Caerffili yn derbyn ceisiadau wedi’u cyflwyno drwy wefan StudySmarter. Rhaid cyflwyno pob cais drwy wefan swyddogol y Cyngor.
Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.
