Lleoliad gwaith: Coed Pella
Ymunwch â’n Tîm Cyfeillgar a Chynorthwyol – Gwnewch Wir Wahaniaeth ym maes Gwasanaethau Teulu a Phlant
Fel un o’r cyflogwyr mwyaf yn yr ardal, rydym yn awyddus i groesawu aelod newydd i ymuno â’n tîm agos a chyfeillgar, gan ddarparu cefnogaeth weinyddol hanfodol i Wasanaethau Teulu a Phlant.
Mae hon yn gyfle gwych i ddod yn aelod allweddol o dîm sefydledig a gwerthfawr sy’n chwarae rôl bwysig yng nghanol ein Gwasanaeth Cefnogaeth Fusnes. Byddwch yn cael eich cefnogi a’ch mentora’n llawn gan gydweithwyr profiadol wrth ichi ymgymryd ag amrywiaeth o dasgau ystyrlon.
Beth fyddwch yn ei wneud
Yn y rôl allweddol hon, chi fydd y pwynt cyswllt cyntaf ar gyfer pob cyfeiriad dyddiol sy’n dod i mewn i Wasanaethau Plant. Bydd eich cyfrifoldebau’n cynnwys derbyn, sgrinio, cydlynu a phrosesu gwybodaeth sensitif — gan wneud gwahaniaeth gwirioneddol i’r teuluoedd a’r plant rydym yn eu cefnogi.
Yr hyn rydym yn chwilio amdano
I lwyddo yn y rôl hon, bydd gennych:
• Sgiliau trefnu a rheoli amser cryf
• Hyder wrth ddefnyddio systemau ac apiau TG
• Lefel uchel o gywirdeb a sylw manwl
• Gwydnwch wrth ddelio â gwybodaeth sensitif iawn
• Sgiliau cyfathrebu iawn
Mae cydbwysedd bywyd a gwaith yn bwysig i ni
Rydym yn deall pwysigrwydd hyblygrwydd. Ar ôl cwblhau eich hyfforddiant a’ch ymsefydlu, byddwch yn elwa ar fodel gwaith hybrid — cydbwysedd rhwng gweithio yn ein hadeilad modern ym Mae Colwyn a gweithio gartref.
Pam ymuno â ni?
Yn ogystal ag amgylchedd gwaith cefnogol a gwerth chweil, byddwch yn mwynhau pecyn buddion cynhwysfawr, gan gynnwys:
• Cynllun Pensiwn Llywodraeth Leol
• Tâl salwch galwedigaethol
• Gostyngiadau i staff
• Cynllun Beicio i’r Gwaith
• Gofal iechyd ‘cashback’
• …a llawer mwy!
Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.
Manylion y rheolwr ar gyfer trafodaeth anffurfiol: Christopher Jones, Uwch Swyddog: Cofnodion a Data (christopher.jones2@conwy.gov.uk / 01492 577098)
Gofynion y Gymraeg: Mae’r gallu i gyfarthrebu yn y Gymraeg yn ddymunol ar gyfer y swydd hon. Rydym ni wedi ymrwymo i'r Gymraeg ac yn falch iawn o’n diwylliant Cymreig. Rydym yn croesawu ceisiadau yn y Gymraeg a’r Saesneg fel ei gilydd ac ni fydd ffurflenni cais a dderbynnir yn y naill iaith na’r llall yn cael eu trin yn llai ffafriol na’i gilydd. Rydym yn frwdfrydig dros eich cefnogi a’ch annog i ddefnyddio’ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i’ch cefnogi chi ymhellach.
Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.
Cliciwch yma i ddysgu am y manteision o ymuno â Thîm Conwy.
Dysgwch fwy am ein proses recriwtio drwy fynd i’n Tudalen Proses Recriwtio.
Rydym wedi ymrwymo i ddatblygu gweithlu amrywiol a thimoedd cynhwysol sy’n croesawu ystod eang o leisiau, profiadau, safbwyntiau a chefndiroedd. Mae creu gweithle sy’n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.
Croesawn ac anogwn ymgeiswyr o bob cefndir a phrofiadau.
Rydym yn Gyflogwr Hyderus o ran Anabledd. Os oes gennych anabledd wedi’i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda ‘H’ ar y Manylion am yr Unigolyn). Angen rhywfaint o gymorth gyda'ch cais? Mae gennym awgrymiadau, canllawiau a gwasanaethau cymorth i'ch helpu chi drwyddo.
Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â’r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch â’r Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.
This form is also available in English.
