Swyddog Cymorth Busnes – Tîm Adsefydlu (cyfnod penodol am 12 mis, 25 awr yr wythnos)
Gradd 5 - £26,403.00 am 25 awr yr wythnos ar 52.14 wythnos y flwyddyn sy'n cyfateb i £18,124.32 pro rata.
Ydych chi’n weinyddwr trefnus, rhagweithiol sy’n frwd dros gefnogi pobl sy’n agored i niwed a gwneud gwahaniaeth cadarnhaol yn eich cymuned leol? Mae gennym gyfle cyffrous i chi ymuno â’n Tîm Adsefydlu yn Sir Benfro fel Swyddog Cymorth Busnes am gyfnod penodol o flwyddyn.
Mae’r Tîm Adsefydlu yn darparu cymorth hanfodol i deuluoedd ffoaduriaid ledled Sir Benfro, yn eu helpu i adeiladu bywydau diogel, annibynnol a boddhaus yn ein cymunedau. Mae llawer o’r teuluoedd rydyn ni’n eu cefnogi yn wynebu heriau sylweddol wrth ymgartrefu mewn gwlad newydd, ac mae’r tîm yn gweithio’n rhagweithiol i sicrhau bod eu hanghenion unigol a theuluol yn cael eu diwallu, gan alluogi integreiddio llwyddiannus a llesiant hirdymor.
Fel Swyddog Cymorth Busnes, byddwch yn chwarae rhan allweddol yn y gwaith o ddarparu’r gwasanaeth pwysig hwn yn effeithiol. Gan weithio’n agos gyda rheolwyr ac aelodau’r tîm, byddwch yn darparu ystod gynhwysfawr o swyddogaethau gweinyddol a chymorth busnes sy’n galluogi’r tîm i ddarparu gwasanaethau o ansawdd uchel i deuluoedd ffoaduriaid. Bydd eich cyfrifoldebau’n cynnwys cydlynu cyfarfodydd a digwyddiadau, rheoli dyddiaduron, cymryd a chynhyrchu cofnodion cywir, ymateb i ymholiadau gan ystod eang o randdeiliaid, a chynorthwyo i gynhyrchu gwybodaeth ac adroddiadau rheoli. Byddwch hefyd yn cynorthwyo gyda gweinyddiaeth ariannol, gan gynnwys monitro a chysoni trafodion, gan sicrhau bod prosesau’n effeithlon ac yn cydymffurfio.
Rydym yn chwilio am rywun sydd â sgiliau trefnu a chyfathrebu rhagorol, profiad mewn amgylchedd gweinyddol neu gymorth busnes, a gwybodaeth ymarferol gref o gymwysiadau Microsoft Office. Bydd yr ymgeisydd llwyddiannus yn hyderus wrth reoli blaenoriaethau sy’n gwrthdaro, cynnal cofnodion cywir, dadansoddi gwybodaeth, a gweithio ar y cyd â chydweithwyr, partneriaid a chwsmeriaid.
Mae hwn yn gyfle gwerth chweil i ymuno â thîm ymroddedig a chefnogol, lle bydd eich cyfraniad yn cefnogi teuluoedd yn uniongyrchol i ailadeiladu eu bywydau ac yn helpu i gryfhau cymunedau ledled Sir Benfro. Os ydych chi’n unigolyn brwdfrydig, sy’n rhoi sylw i fanylion ac rydych yn ymrwymedig i ddarparu gwasanaethau cymorth rhagorol, byddem wrth ein bodd yn clywed gennych chi.
Buddion i Weithwyr
Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.
Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.
Cyfeiriwch at y disgrifiad swydd uchod am ragor o fanylion am y swydd wag hon a manyleb y person.
Gwiriadau Cyflogaeth
Mae’r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi’i chasglu gennych ei rhannu â Cifas pan fydd yn briodol ar gyfer eich rôl a’ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy’n ddifrifol amhriodol. Os caiff unrhyw un o’r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a’ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.
Nodyn Canllaw: Defnyddio Deallusrwydd Artiffisial a Chywirdeb Gwybodaeth:
- Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
- Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
- Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.
Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro
Diogelu
Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy’n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â’r dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae’r polisi hwn yn berthnasol i holl weithwyr a gweithlu’r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p’un a ydynt yn gweithio i’r Cyngor neu’n gweithio ar ran y Cyngor.
Cymorth a Gwybodaeth Ychwanegol
- Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk.
- Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau’r Cyd-gyngor Cenedlaethol yn destun bargeinio cyflog cenedlaethol; mae’r holl gyflogau a nodir yn ein hysbysebion ar hyn o bryd ar sail cyflogau 1/4/2025.
Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy’n bodloni manyleb y person ac sydd wedi’u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
