Lleoliad

Caerdydd
- Pob ardal

Manylion

Oriau contract: Llawn Amser
Math o gontract: Parhaol
Cyflog: £Gradd 5 - £29,071 - £33,119 y flwyddyn

Maes gofal: Gofal cymdeithasol

Disgrifiad o'r swydd

Am Y Gwasanaeth

Mae gan Dîm Comisiynu Gwasanaethau Cymdeithasol Cyngor Caerdydd rôl allweddol o ran prynu gwasanaethau a rheoli a monitro'n gyffredinol y gwasanaethau hyn i gefnogi oedolion a phlant sy'n agored i niwed, ar draws holl swyddogaeth y Gwasanaethau Cymdeithasol. Ar hyn o bryd mae'r Gwasanaethau Cymdeithasol yn prynu gwerth tua £140 miliwn o wasanaethau allanol i ddinasyddion Caerdydd.

Prif flaenoriaethau'r Gwasanaeth yw:

Darparu gwasanaethau cymdeithasol o’r ansawdd uchaf posibl
Integreiddio gwasanaethau iechyd a chymdeithasol yn ôl yr angen
Goresgyn y rhwystrau a chydlynu gwasanaethau yn y Gymuned ac ar draws y Cyngor
Sicrhau gwerth am arian i'r Cyngor a thrigolion Caerdydd cymaint â phosibl

Bydd deiliad y swydd yn helpu i ddatblygu, gweithredu a chynnal y gwasanaethau, y prosesau monitro a'r systemau ansawdd er mwyn sicrhau bod y gwasanaethau a ddarperir yn effeithiol ac yn effeithlon o ran diwallu anghenion unigol a strategol.

Am Y Swydd

Bydd y Swyddog Cymorth Contractau yn gweithio o fewn y Tîm Datblygu Gwasanaeth a Chontractau Gwasanaethau Oedolion.

Bydd y rôl yn gyfrifol am y canlynol:

Cynnal gwaith monitro ac adolygu contractau a gwasanaethau sy'n cael eu rhedeg gan y Cyngor a Gwasanaethau Allanol yn rheolaidd er mwyn gwella canlyniadau i bobl leol, eu teuluoedd a'u gofalwyr a chymryd rhan yn y gwaith parhaus o fonitro ac adolygu perfformiad gwasanaethau
Helpu i gynllunio, creu a gweithredu dulliau monitro a sicrhau ansawdd
Bod yn gyswllt allweddol â rhanddeiliaid mewnol ac allanol allweddol (e.e. Darparwyr, Defnyddwyr Gwasanaethau, Gweithwyr Cymdeithasol, Arolygiaeth Gofal Cymru, yr Heddlu, Iechyd) i sicrhau bod cydymffurfiaeth gytundebol a'r canlyniadau gorau yn cael eu sicrhau i drigolion Caerdydd a'r Awdurdod Lleol.
Cyfrannu at gyflawni amcanion strategol a gweithredol blaenoriaethau'r Cyngor a'r Gwasanaethau Cymdeithasol.

Beth Rydym Ei Eisiau Gennych

Mae pobl leol (gan gynnwys y rhai sy'n agored i niwed) yn dibynnu arnom i barhau i ddarparu gwasanaethau hyd yn oed yn y cyfnodau mwyaf heriol.

Rydym yn chwilio am unigolyn sydd wedi ymrwymo i ddarparu gwasanaethau cyhoeddus eithriadol yng Nghaerdydd, ac sydd â gwybodaeth am y sector Gofal Cymdeithasol, Iechyd neu Dai gan gynnwys profiad monitro contractau. Bydd gan ddeiliad y swydd brofiad o fonitro contractau a rheoli perfformiad, a dealltwriaeth o gomisiynu, caffael a deddfwriaeth iechyd a gofal cymdeithasol.

Byddai’r gallu i siarad ieithoedd eraill, yn enwedig Cymraeg, ac Ieithoedd Cymunedol o fantais.

Gwybodaeth Ychwanegol

Mae’r swydd hon yn un barhaol am 18.5 awr yr wythnos, i’w gweithio dros ddydd Mercher, dydd Iau a dydd Gwener.

Mae’r swydd yn destun Gwiriad Manwl gan y Gwasanaeth Datgelu a Gwahardd.

Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodol. Bydd y rheolwr llogi yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon cyn gwneud cais, cysylltwch â Peter Lawrence yn p.lawrence@caerdydd.gov.uk.

Rydym yn croesawu ceisiadau yn Gymraeg a Saesneg. Ni fydd ceisiadau a dderbynnir yn Gymraeg yn cael eu trin yn llai ffafriol na cheisiadau Saesneg.

Rydym yn deall efallai y byddwch yn defnyddio deallusrwydd artiffisial ac adnoddau eraill ar gyfer eich cais; fodd bynnag, sicrhewch fod yr holl wybodaeth y byddwch yn ei darparu yn ffeithiol gywir, yn wir, yn wreiddiol, ac nad yw’n cynnwys syniadau na gwaith nad ydynt eich rhai chi eich hun.

I gefnogi eich cais neu gyfweliad posibl yn y dyfodol efallai y bydd yn ddefnyddiol i chi gael gwybod ychydig mwy am rôl ehangach y Cyngor drwy ein dilyn ar Twitter, Facebook, Instagram, tanysgrifio i'n sianel YouTube, neu drwy fynd i'n gwefan www.caerdydd.gov.uk

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:

Gwybodaeth bwysig sydd angen ei darllen er mwyn cwblhau eich cais:-

Gwybodaeth Ychwanegol:-

Atodiadau

JD & PS

SWYDDOG CYMORTH CONTRACTAU

Cyflogwr