SWYDDOG CYNLLUNIO A CHOMISIYNU

G09 £37,035 - £39,513 y flwyddyn

Mae cyfle cyffrous wedi codi i unigolyn medrus a brwdfrydig ymuno â'r Tîm Cynllunio a Chomisiynu (Gofal Cymdeithasol i Oedolion).
Mae'r Tîm yn arwain gweithgarwch comisiynu strategol o fewn yr Adran Gofal Cymdeithasol ac yn gyfrifol am ddatblygu prosiectau newid mawr.
Bydd gan ddeiliad y swydd brofiad o reoli prosiectau a bydd yn gallu dangos dealltwriaeth o egwyddorion rheoli newid. Bydd disgwyl i ddeiliad y swydd weithio mewn ffordd sy'n helpu darparu rhaglen gomisiynu gyd-gynhyrchiol, a bydd ganddo/ganddi brofiad o ymgysylltu a gweithio gydag ac ar ran defnyddwyr gwasanaeth. Bydd deiliad y swydd yn gallu dadansoddi amrediad o ddeunyddiau ymchwil a rhoi'r canfyddiadau ar waith er mwyn helpu dinasyddion Wrecsam i gael canlyniadau cadarnhaol.
Bydd gofyn i ddeiliad y swydd weithio'n agos â phartneriaid iechyd, sefydliadau cymunedol, trydydd sector ac annibynnol er mwyn cefnogi gweithrediad Strategaethau Comisiynu'r Adran a blaenoriaethau'r Cyngor.
Mae'r tîm yn defnyddio model gweithio hybrid o ran gweithio yn y swyddfa (Adeiladau'r Goron) a gweithio gartref. Bydd yn rhaid i chi fod yn gyfforddus yn defnyddio technoleg i fedru gweithio o unrhyw leoliad a chadw mewn cysylltiad gyda chydweithwyr.

Am ragor o wybodaeth, cysylltwch â Angharad Owen, Rheolwr Tim Comisiynu a Chontractiau. 01978 298665 angharad.owen@wrexham.gov.uk

Dyddiad Cau: 05/01/2025.

Mae Cyngor Wrecsam yn croesawu ceisiadau gan ymgeiswyr cymwys beth bynnag fo'u hil, rhywedd, anabledd, tueddfryd rhywiol, crefydd neu oedran.

Mae'r Cyngor wedi ymrwymo i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg.

Eitemau wedi'u Llwytho i Lawr:

Job Desc... (.DOC) (7kb) , Person S... (.DOC) (9kb) , Manylion... (.docx) (14kb) , Swydd Dd... (.docx) (12kb)